Home Coronavirus Outbreak ଭାଇ ହେବ ତ’ ଏମିତି: ଭଉଣୀ ପାଇଁ ପୂରା ବିମାନ ବୁକ୍

ଭାଇ ହେବ ତ’ ଏମିତି: ଭଉଣୀ ପାଇଁ ପୂରା ବିମାନ ବୁକ୍

1377

ମୁମ୍ବାଇ: କରୋନା ମୁକାବିଲା ପାଇଁ ବଲିଉଡ୍ ଅଭିନେତା ଅକ୍ଷୟ କୁମାର ପିଏମ କେୟାର ଫଣ୍ଡକୁ ୨୫ କୋଟି, ବିଏମସିକୁ ୩ କୋଟି, ମୁମ୍ବାଇ ପୋଲିସ୍ ଫଣ୍ଡକୁ ୨ କୋଟି ଏବଂ ୧୦୦୦ ସ୍ମାର୍ଟ୍ ୱାଚ୍ (ଘଣ୍ଟା) ଏବଂ ଏହାସହ ସିନେ ଆଣ୍ଡ ଟିଭି ଆର୍ଟିଷ୍ଟସ୍ ଆସୋସିଏସନକୁ ୪୫ ଲକ୍ଷ ଟଙ୍କା ଦାନ କରି ସାରିଛନ୍ତି। ଦେଶରେ କରୋନା ବିରୋଧରେ ଚାଲିଥିବା ଲଢ଼େଇରେ ସକ୍ରିୟ ଅଂଶ ଗ୍ରହଣ କରୁଥିବା ଅଭିନେତା ଅକ୍ଷୟ କୁମାର ଆବଶ୍ୟକ ସମୟରେ ନିଜ ପରିବାର ପାଇଁ ମଧ୍ୟ ଧନ ଲୁଟାଇବାରେ ପଛରେ ନାହାଁନ୍ତି। ଚତୁର୍ଥ ପର୍ଯ୍ୟାୟ ଲକ୍ ଡାଉନରେ କିଛିଟା କଟକଣା କୋହଳ କରାଯିବା ଭିତରେ ବିମାନ ଚଳାଚଳ ଆରମ୍ଭ ହୋଇଛି। ଏହା ଭିତରେ ଅକ୍ଷୟ କୁମାର ତାଙ୍କ ଭଉଣୀ ଏବଂ ତାଙ୍କ ପିଲାମାନଙ୍କୁ ମୁମ୍ବାଇରୁ ଦିଲ୍ଲୀ ପଠାଇବା ପାଇଁ ଏକ ସମ୍ପୂର୍ଣ୍ଣ ବିମାନ ବୁକ୍ କରିଥିଲେ। ନିଜ ଭଉଣୀ ଏବଂ ତାଙ୍କ ପରିବାରକୁ କରୋନା ସଂକ୍ରମଣରୁ ରକ୍ଷା କରିବା ପାଇଁ ଅକ୍ଷୟ ଏପରି କରିଛନ୍ତି।

କେତେକ ଜାତୀୟ ଗଣମାଧ୍ୟମରେ ପ୍ରକାଶିତ ରିପୋର୍ଟ ଅନୁଯାୟୀ, ମୁମ୍ବାଇ ଚଳଚ୍ଚିତ୍ର ଇଣ୍ଡଷ୍ଟ୍ରିରେ ଦିନସାରା ଏହି ଆଲୋଚନା ହୋଇଥିଲା ଯେ ଅକ୍ଷୟ ତାଙ୍କ ପରିବାର ପାଇଁ ମୁମ୍ବାଇରୁ ଦିଲ୍ଲୀ ପର୍ଯ୍ୟନ୍ତ ଏକ ସମ୍ପୂର୍ଣ୍ଣ ବିମାନ ବୁକ୍ କରିଛନ୍ତି। ଘଟଣାର ଅନୁସନ୍ଧାନରୁ ଜଣାପଡିଥିଲା ​​ଯେ ମୁମ୍ବାଇରୁ ଦିଲ୍ଲୀକୁ କେବଳ ଗୋଟିଏ ବିମାନ ଥିଲା, ଯେଉଁଥିରେ ସର୍ବନିମ୍ନ ଯାତ୍ରୀ ଥିଲେ। ଏହି ବିମାନରେ ଯାତ୍ରା କରିଥିବା ଯାତ୍ରୀମାନଙ୍କ ମଧ୍ୟରେ ଅକ୍ଷୟ କୁମାରଙ୍କ ଭଉଣୀ ଅଲକା (ଭାଟ୍ଟିଆ) ହିରାନନ୍ଦାନୀ ଏବଂ ତାଙ୍କ ପିଲାମାନଙ୍କର ନାମ ଅନ୍ତର୍ଭୁକ୍ତ ଥିଲା। ବିମାନଟି ଅକ୍ଷୟ କୁମାରଙ୍କ କାର୍ଯ୍ୟାଳୟରୁ ବୁକ୍ କରାଯାଇଥିଲା।

କୁହାଯାଉଛି, ବାସ୍ତବରେ ଏଥିପ୍ରତି ଗୁରୁତ୍ୱାରୋପ କରାଯାଇଥିଲା ଯେ ବିମାନ ବୁକ୍ କରିବା ବେଳେ କେବଳ ଏତିକି ଯତ୍ନ ନିଆଯାଇଥିଲା ଯେ, ଅକ୍ଷୟଙ୍କ ଭଉଣୀ ଏବଂ ତାଙ୍କ ପରିବାର ଲୋକମାନେ ଯାତ୍ରା କରୁଥିବା ସିଟ୍ ଚାରିପାଖରେ ଥିବା ସମସ୍ତ ସିଟ୍ ମଧ୍ୟ ବୁକ୍ କରାଯିବ। ବିମାନରେ ଅନ୍ୟ କେହି ଯାତ୍ରା ନ’କରନ୍ତୁ ବୋଲି ସେମିତି କିଛି ଉଦ୍ଦେଶ୍ୟ ନଥିଲା। ଜାତୀୟ ଗଣମାଧ୍ୟମରେ ପ୍ରକାଶିତ ରିପୋର୍ଟ ଅନୁଯାୟୀ, ମୁମ୍ବାଇ ବିମାନବନ୍ଦରରେ ଥିବା ସୂତ୍ରରୁ ଜଣାପଡ଼ିଛି ଯେ ଯେଉଁ ବିମାନରେ ଅକ୍ଷୟ କୁମାରଙ୍କ ଭଉଣୀ ଯାତ୍ରା କରିଥିଲେ, ସେଥିରେ ତାଙ୍କ ସହାୟକ ବ୍ୟତୀତ କେବଳ ଅକ୍ଷୟ କୁମାରଙ୍କ ଭଉଣୀଙ୍କ ପରିବାର ଉପସ୍ଥିତ ଥିଲେ। ସୂଚନାଯୋଗ୍ୟ ଯେ ଦେଶରେ ଲକଡାଉନ୍ ପରଠାରୁ ଚଳିତ ସପ୍ତାହରେ ଦୁଇ ମାସ ପରେ ବିମାନ ସେବା ପୁନଃ ଆରମ୍ଭ ହୋଇଛି। ଏହା ଭିତରେ ଦୁଇ ଦିନ ତଳେ ଜଣେ ବ୍ୟବସାୟୀ ତାଙ୍କ ଝିଅ, ତାଙ୍କ ପରିବାର ଏବଂ ଜଣେ ସହାୟକ ପାଇଁ ଏହିଭଳି ଭାବରେ ଭୋପାଳରୁ ଦିଲ୍ଲୀ ଅଭିମୁଖେ ଏକ ବିମାନର ସମସ୍ତ ଟିକେଟ୍ ବୁକ୍ କରିଥିଲେ। /-ଦେବଦତ୍ତ ରଥ

LEAVE A REPLY

Please enter your comment!
Please enter your name here

Solve this *Time limit exceeded. Please complete the captcha once again.