ନୂଆଦିଲ୍ଲୀ ନଭେମ୍ବର ୦୯ (ଓଡ଼ିଆ ପୁଅ) ପୁରୁଣା ଆଣ୍ଡ୍ରଏଡ୍ ଫୋନ୍ ରେ ଆସନ୍ତା ବର୍ଷ ସୁରକ୍ଷିତ ସାଇଟ୍ ଖୋଲିବ ନାହିଁ। ଯଦି ଆପଣ ଏକ ପୁରୁଣା ଆଣ୍ଡ୍ରଏଡ୍ ଫୋନ୍ ବ୍ୟବହାର କରୁଛନ୍ତି, ତେବେ ଚଳିତ ଦୀପାବଳି ଅଫରରେ ଆପଣଙ୍କ ସେଟ ଅପଗ୍ରେଡ୍ କରି ନିଅନ୍ତୁ। ଏହାର ମୁଖ୍ୟ କାରଣ ହେଉଛି ଆଣ୍ଟ୍ରଏଡ୍ ଫୋନ ଗୁଡ଼ିକରେ ଅପରେଟିଂ ସିଷ୍ଟମର ପୁରାତନ ସଂସ୍କରଣ (ଆଣ୍ଡ୍ରଏଡ୍ ୭.୧.୧ ନୋଗାଟ୍ କିମ୍ବା ଏହା ପୂର୍ବର)। ତେଣୁ ଏହିପରି ଅନେକ ଆଣ୍ଡ୍ରଏଡ୍ ଫୋନ୍ ଆପଣଙ୍କୁ ଅନେକ ୱେବସାଇଟ୍ ଓପନ କରିବାକୁ ଅନୁମତି ଦେବନାହିଁ।
ପୁରୁଣା ଆଣ୍ଡ୍ରଏଡ୍ ଫୋନ୍ ଗୁଡିକରେ ଅନେକ ଲୋକପ୍ରିୟ ସାଇଟ ଖୋଲିବ ନାହିଁ। ଆଣ୍ଡ୍ରଏଡ୍ ବ୍ୟବହାରକାରୀମାନେ ଆଣ୍ଡ୍ରଏଡ୍ ନୋଗାଟ୍ କିମ୍ବା ତା’ ଠାରୁ କମ୍ ଭର୍ସନର ସ୍ମାର୍ଟଫୋନରେ ସିକ୍ୟୁର (ସୁରକ୍ଷିତ) ୱେବସାଇଟ୍ ଗୁଡିକରେ ପ୍ରବେଶ କରିବା ସମୟରେ ସାର୍ଟିଫିକେଟ୍ ତ୍ରୁଟି (ସାର୍ଟିଫିକେଟ୍ ଏରର) ଦେଖିବାକୁ ମିଳିବ।
ଏହାର କାରଣ ହେଉଛି, Let’s Encrypt ହେଉଛି ଲୋକପ୍ରିୟ ସାର୍ଟିଫିକେଟ୍ ପ୍ରଦାନକାରୀମାନଙ୍କ ମଧ୍ୟରୁ ଅନ୍ୟତମ, ଯାହାକି ସାର୍ଟିଫିକେସନ୍ ଅଥରିଟି IdenTrust ସହିତ ଏହାର ସହଭାଗିତା (ଚୁକ୍ତି) କୁ ସେପ୍ଟେମ୍ବର ୩୦, ୨୦୨୧ ରେ ଶେଷ ହେବାକୁ ଯାଉଛି।
ଲେଟ୍ସ ଏନକ୍ରିପ୍ଟ (Let’s Encrypt), HTTPS ପାଇଁ ଆବଶ୍ୟକ ୩୦ ପ୍ରତିଶତ ୱେବ୍ ଡୋମେନ୍ ପାଇଁ ପ୍ରମାଣପତ୍ର ପ୍ରଦାନ କରିଥାଏ।
ପ୍ରୋଟୋକଲ୍ ରେ ଏହି ପରିବର୍ତ୍ତନ ଫଳରେ, ପ୍ରାୟ ୩୩.୮% ଆଣ୍ଡ୍ରଏଡ୍ ଉପଭୋକ୍ତା ସୁରକ୍ଷିତ ୱେବସାଇଟ୍ ଆକ୍ସେସ୍ କରିବା ସମୟରେ ତ୍ରୁଟି ପାଇବେ କିମ୍ବା ୱେବସାଇଟ୍ ସମ୍ପୂର୍ଣ୍ଣ ଲୋଡ୍ ହେବାରେ ବିଫଳ ହେବ। ଡିଲ୍ ର ସମାପ୍ତି ଏହି ଆଣ୍ଡ୍ରଏଡ୍ ଫୋନ୍ଗୁଡ଼ିକୁ ପ୍ରଭାବିତ କରିବ କାରଣ ସେଗୁଡିକ ୨୦୧୬ ଠାରୁ ଅପଡେଟ୍ ହୋଇନାହିଁ।
ଏକ ବ୍ଲଗ୍ ପୋଷ୍ଟ ମାଧ୍ୟମରେ ‘ଲେଟ୍ସ ଏନକ୍ରିପ୍ଟ’ର ଯାଦବ ହୋଫମ୍ୟାନ୍-ଆଣ୍ଡ୍ର୍ୟୁସ୍ ଘୋଷଣା କରି କହିଛନ୍ତି ଯେ, କମ୍ପାନୀ (ଲେଟ୍ସ ଏନକ୍ରିପ୍ଟ), IdenTrust ସହିତ ଏହାର ଚୁକ୍ତି ନବୀକରଣ କରିବ ନାହିଁ। ସେମାନେ ତାଙ୍କର ନିଜସ୍ୱ ISRG root X1 ମୂଳ ପ୍ରମାଣପତ୍ରକୁ ସ୍ଥାନାନ୍ତର କରିବେ। ପୂର୍ବରୁ DST root X3 ପାଇଁ IdenTrust ସହିତ କ୍ରସ୍-ସାଇନ୍ ଚୁକ୍ତି କରିଥିଲା, ଲେଟ୍ସ ଏନକ୍ରିପ୍ଟ।
“ପାଞ୍ଚ ବର୍ଷ ପୂର୍ବେ, ଯେତେବେଳେ କମ୍ପାନୀ, ଲେଟ୍ସ ଏନକ୍ରିପ୍ଟ ଲଞ୍ଚ ହୋଇଥିଲା, ସେତେବେଳେ ଆଇଡେନ ଟ୍ରଷ୍ଟ ସହ ଏକ କ୍ରସ ସିଗ୍ନେଚର (ଚୁକ୍ତି) ସେମାନଙ୍କର” DST root X3 ” ପାଇଁ ହୋଇଥିଲା। ଯାହା ଦୀର୍ଘ ସମୟ ଧରି ରହିଆସିଥିଲା ଏବଂ ଏହା ସମସ୍ତ ପ୍ରମୁଖ ସଫ୍ଟୱେର୍ ପ୍ଲାଟଫର୍ମ ୱିଣ୍ଡୋଜ୍, ଫାୟାରଫକ୍ସ, ମାକୋସ୍, ଆଣ୍ଡ୍ରଏଡ୍, ଆଇଓଏସ୍ ଏବଂ ବିଭିନ୍ନ ପ୍ରକାରର ଲାଇନକ୍ସ ଏହା ଉପରେ ବିଶ୍ୱାସ କରିଥିଲେ। ସେହି କ୍ରସ୍-ସ୍ୱାକ୍ଷର (ଟୁକ୍ତି) ଆମକୁ ତୁରନ୍ତ ପ୍ରମାଣପତ୍ର ପ୍ରଦାନ ଆରମ୍ଭ କରିବାକୁ ଅନୁମତି ଦେଲା ଏବଂ ସେଗୁଡିକ ବହୁ ଲୋକଙ୍କ ପାଇଁ ଉପଯୋଗୀ ହୋଇଥିଲା। ସେମାନଙ୍କ ସହଭାଗୀତା ପାଇଁ ଆମେ ତାଙ୍କ ପାଖରେ କୃତଜ୍ଞ। ସହଭାଗୀତା ଆସନ୍ତା ବର୍ଷ ସେପ୍ଟେମ୍ବରରେ ଶେଷ ହେବ ବୋଲି ଆଶା କରାଯାଉଥିବାବେଳେ ଲେଟ୍ସ ଏନକ୍ରିପ୍ଟ ଜାନୁୟାରୀ ୧୧, ୨୦୨୧ ଠାରୁ କ୍ରସ-ସାଇନ୍ ବନ୍ଦ କରିବ।
ତେଣୁ, ଉପଭୋକ୍ତାମାନଙ୍କ ପାଇଁ ୱେବସାଇଟ୍ ପ୍ରବେଶର ସହଜତା ପାଇଁ ଏକ ନୂତନ ଆଣ୍ଡ୍ରଏଡ୍ ଫୋନ୍ କୁ ଅପଗ୍ରେଡ୍ କରିବା ସର୍ବୋତ୍ତମ। ଯଦି ଏହା ସମ୍ଭବ ନୁହେଁ ତେବେ ଲେଟ୍ସ ଏନକ୍ରିପଟ ଉପଭୋକ୍ତାମାନଙ୍କୁ ଫାୟାର ଫକ୍ସ ଡାଉନଲୋଡ କରି ଇନଷ୍ଟାଲ କରିବାକୁ ପରାମର୍ଶ ଦେଇଛି କାରଣ ଏହା ନିଜସ୍ୱ ବିଶ୍ୱସ୍ତ ମୂଳ ପ୍ରମାଣପତ୍ର ସହିତ ଆସିଥାଏ। ଏହା ଫଳରେ ବିଶେଷ ଅନୁବିଧା ହେବନାହିଁ।
