Home Coronavirus Outbreak ବଡ଼ ଖବର – ଦିଲ୍ଲୀ ନିଜାମୁଦ୍ଦିନ ଧାର୍ମିକ ସଭାରେ ଯୋଗ ଦେଇଥିବା ତେଲେଙ୍ଗାନାର ଛଅ ଜଣଙ୍କର...

ବଡ଼ ଖବର – ଦିଲ୍ଲୀ ନିଜାମୁଦ୍ଦିନ ଧାର୍ମିକ ସଭାରେ ଯୋଗ ଦେଇଥିବା ତେଲେଙ୍ଗାନାର ଛଅ ଜଣଙ୍କର କରୋନାଭାଇରସ୍ ସଂକ୍ରମଣ ଯୋଗୁଁ ମୃତ୍ୟୁ- ତେଲେଙ୍ଗାନା ସରକାର

2430

ନୂଆ ଦିଲ୍ଲୀ ୩୦-୩ (ଓଡ଼ିଆ ପୁଅ) ତେଲେଙ୍ଗାନା ସରକାର ପ୍ରକାଶ କରିଛନ୍ତି ଯେ ଦିଲ୍ଲୀର ନିଜାମୁଦ୍ଦିନ ଅଞ୍ଚଳରେ ଏକ ଧାର୍ମିକ ସଭାରେ ଅଂଶଗ୍ରହଣ କରିଥିବା ଛଅ ଜଣ ବ୍ୟକ୍ତି କରୋନାଭାଇରସ୍ ପଜିଟିଭ୍ ଆସିଥିଲେ ସେମାନଙ୍କର ମୃତ୍ୟୁ ହୋଇଛି।

ମାର୍ଚ୍ଚ ୧ ରୁ ମାର୍ଚ୍ଚ ୧୫ ମଧ୍ୟରେ ଦିଲ୍ଲୀର ନିଜାମୁଦ୍ଦିନ ପଶ୍ଚିମ ଅଞ୍ଚଳରେ ଇଣ୍ଡୋନେସିଆ ଏବଂ ମାଲେସିଆ ସମେତ ୨୦୦୦ ରୁ ଅଧିକ ମୁସଲମାନ ଧାର୍ମିକ ସଂଗଠନ ତବଲିଗି ଜମାତର ଧର୍ମସଭାରେ ଯୋଗ ଦେଇଥିଲେ। ତେବେ ସ୍ଥାନୀୟ ଲୋକ କହିଛନ୍ତି ଯେ ଏହି ସମୟପରେ ମଧ୍ୟ ବହୁ ସଂଖ୍ୟକ ଲୋକ ଜମାତର ‘ମର୍କଜ୍’ (କେନ୍ଦ୍ର) ରେ ରହିଥିଲେ।

ମୃତ୍ୟୁ ହୋଇଥିବା ତେଲେଙ୍ଗାନାର ଛଅ ଜଣ ବ୍ୟକ୍ତି ମଧ୍ୟ ଏହି ଧାର୍ମିକ କାର୍ଯ୍ୟକ୍ରମରେ ଯୋଗ ଦେଇଥିଲେ ଏବଂ ସେଠାରେ ସେମାନେ କରୋନାଭାଇରସ୍ ରୋଗରେ ଆକ୍ରାନ୍ତ ହୋଇଥିବା ଜଣାପଡିଛି।

ଏହି ଛଅ ଜଣଙ୍କ ମଧ୍ୟରୁ ଦୁଇଜଣ ଗାନ୍ଧୀ ହସ୍ପିଟାଲରେ ଏବଂ ଜଣେ ହାଇଦ୍ରାବାଦର ଆପୋଲୋ ହସ୍ପିଟାଲ ଏବଂ ଗ୍ଲୋବାଲ ହସ୍ପିଟାଲରେ ମୃତ୍ୟୁ ବରଣ କରିଛନ୍ତି। ଅନ୍ୟ ଦୁଇଜଣ ଯଥାକ୍ରମେ ନିଜାମାବାଦ ଏବଂ ଗାଡୱାଲ ଜିଲ୍ଲାରେ ମୃତ୍ୟୁ ବରଣ କରିଛନ୍ତି।

ତେଲେଙ୍ଗାନା ସରକାର ନିଶ୍ଚିତ କରିଛନ୍ତି ଯେ ସମ୍ପୃକ୍ତ ଜିଲ୍ଲାର ଏକ ସ୍ୱତନ୍ତ୍ର ଟିମ୍ ଏହି ସନ୍ଦିଗ୍ଧମାନଙ୍କୁ ଚିହ୍ନଟ କରିଛନ୍ତି ଯେଉଁମାନଙ୍କ ପାଖରେ ଏହି ଭୂତାଣୁ ସଂକ୍ରମିତ ହେବାର ସମ୍ଭାବନା ରହିଛି ଏବଂ ସେମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ସେମାନଙ୍କର Covid-19 ଟେଷ୍ଟ ପାଇଁ ସାମ୍ପୁଲ ପଠାଯାଇଛି।

ତେଲେଙ୍ଗାନା ସରକାର ମଧ୍ୟ ଦିଲ୍ଲୀ ପରିଦର୍ଶନ କରିଥିବା ସମସ୍ତଙ୍କୁ ତୁରନ୍ତ ସେମାନଙ୍କ ନିକଟସ୍ଥ ସ୍ୱାସ୍ଥ୍ୟ କେନ୍ଦ୍ରକୁ ଯିବାକୁ ଅନୁରୋଧ କରିଛନ୍ତି।

LEAVE A REPLY

Please enter your comment!
Please enter your name here

Solve this *Time limit exceeded. Please complete the captcha once again.