Home Top News ଜିଓ ପକ୍ଷରୁ ଭାରତରେ ୫୦ ନିୟୁତ ଅଣୁ, କ୍ଷୁଦ୍ର ଓ ମଧ୍ୟମ ବ୍ୟବସାୟ (ଏମ୍‌ଏସ୍‌ଏମ୍‌ବି)କୁ ଡିଜିଟାଲ୍...

ଜିଓ ପକ୍ଷରୁ ଭାରତରେ ୫୦ ନିୟୁତ ଅଣୁ, କ୍ଷୁଦ୍ର ଓ ମଧ୍ୟମ ବ୍ୟବସାୟ (ଏମ୍‌ଏସ୍‌ଏମ୍‌ବି)କୁ ଡିଜିଟାଲ୍ ରୂପାନ୍ତରିତ କରାଯିବ

58

“ଜିଓ ବିଜନେସ୍‌’’ ସମନ୍ୱିତ ଫାଇବର୍ ସଂଯୋଗ ଓ ଡିଜିଟାଲ୍ ସମାଧାନ ସହିତ ଅଣୁ, କ୍ଷ୍ରୁଦ୍ର ଓ ମଧ୍ୟମ ବ୍ୟବସାୟ (ଏମ୍‌ଏସ୍‌ଏମ୍‌ବି) ଗୁଡ଼ିକୁ ସଶକ୍ତ କରିବ

– ପ୍ରଚଳିତ ବଜାର ମୂଲ୍ୟର ମାତ୍ର ଏକ ଦଶମାଂଶ ମୂଲ୍ୟରେ ସଂଯୋଗ ପ୍ରଦାନ
– ସହଜରେ ବ୍ୟବହାର ଯୋଗ୍ୟ, ଏଂଟରପ୍ରାଇଜ୍ ମାନ, ଡିଜିଟାଲ୍ ସମାଧାନ କୌଣସି ଅତିରିକ୍ତ ଖର୍ଚ୍ଚ ବିନା ପ୍ରଦାନ କରିବା ଲାଗି ପାର୍ଟନର୍‌ମାନଙ୍କ ସହ ସହଭାଗିତା

ଭୁବନେଶ୍ୱର: ଜିଓ ବିଜନେସ୍ ପକ୍ଷରୁ ଅଣୁ, କ୍ଷୁଦ୍ର ଓ ମଧ୍ୟମ ବ୍ୟବସାୟ ଲାଗି ଏକ ସମନ୍ୱିତ ସେବା ପ୍ରଦାନ ଆରମ୍ଭ କରାଯାଇଛି। ଏହା ମୂଳତଃ ତିନିଟି ସ୍ତମ୍ଭ ଉପରେ ପର୍ଯ୍ୟବେସିତ, ଯାହମଧ୍ୟରେ ରହିଛିି, ଏଂଟରପ୍ରାଇଜ୍‌-ମାନ୍‌ର ଫାଇବର୍ ସଂଯୋଗ ଯାହା ଭଏସ୍ ଓ ଡାଟା ସେବା ପ୍ରଦାନ କରିବ; ଡିଜିଟାଲ୍ ସମାଧାନ ଯାହା ଏଣ୍ଟରପ୍ରାଇଜ୍‌କୁ ପରିଚାଳନା କରିବା ଏବଂ ସେମାନଙ୍କ ବ୍ୟବସାୟକୁ ବଢ଼ାଇବାରେ ସହାୟକ ହେବ; ଡିଭାଇସ୍ ଯାହା ଏମ୍‌ଏସ୍‌ଏମ୍‌ବିଗୁଡ଼ିକୁ ଅଗ୍ରଣୀ ଡିଜିଟାଲ୍ ସମାଧାନ ପ୍ରଦାନ କରିବ
ଏହି ଘୋଷଣା ସମ୍ପର୍କରେ ଶ୍ରୀଯୁକ୍ତ ଆକାଶ ଅମ୍ବାନି, ନିର୍ଦ୍ଦେଶକ, ଜିଓ କହିଛନ୍ତି ଯେ, “ଅଣୁ, କ୍ଷୁଦ୍ର ଓ ମଧ୍ୟମ ବ୍ୟବସାୟ ସଂସ୍ଥାଗୁଡ଼ିକ ହେଉଛି ଭାରତୀୟ ଅର୍ଥନୀତିର ଭିତିପ୍ରସ୍ତର। ବର୍ତମାନ ଏକ ସମନ୍ୱିତ ଡିଜିଟାଲ୍ ସେବା ପ୍ରଦାନ ଏବଂ ଉନ୍ନତ ତଥା ଅତ୍ୟାଧୁନିକ ଏଂଟରପ୍ରାଇଜ୍ ସୁବିଧା ଆପଣାଇବା ପାଇଁ ସୁବିଧା ଓ ଜ୍ଞାନର ଅଭାବ ଥିବାରୁ ସେମାନେ ନିଜ ବ୍ୟବସାୟକୁ ପ୍ରଭାବଶାଳୀ ଢଙ୍ଗରେ ଚଲାଇବା ଲାଗି ଡିଜିଟାଲ୍ ଜ୍ଞାନକୌଶଳର ସଦୂପଯୋଗ କରିପାରୁନାହାନ୍ତି। ଏବେ, ଜିଓ ବିଜନେସ୍ ସମନ୍ୱିତ ଏଂଟରପ୍ରାଇଜ୍ ମାନର ଭଏସ୍ ଓ ଡାଟା ସେବା, ଡିଜିଟାଲ୍ ସମାଧାନ ଏବଂ ଡିଭାଇସ୍ ବ୍ୟବସ୍ଥା କ୍ଷୁଦ୍ର ବ୍ୟବସାୟଗୁଡିକୁ ଯୋଗାଇ ଏହି ଅଭାବକୁ ଦୂର କରିବ। ଏଥିସହିତ ସହଜରେ ବ୍ୟବହାରଯୋଗ୍ୟ ଏହି ଡିଜିଟାଲ୍ ସମାଧାନ ସେମାନଙ୍କୁ ନିଜ ବ୍ୟବସାୟ ପ୍ରଭାବଶାଳୀ ଢଙ୍ଗରେ ଚଳାଇବା ଏବଂ ବଡ଼ ବଡ ସଂସ୍ଥାଗୁଡ଼ିକ ସହ ପ୍ରତିଦ୍ୱନ୍ଦ୍ୱିତା କରିବାରେ ସହାୟକ ହେବ।

ବର୍ତ୍ତମାନ ଏକ ଲଘୁ ଓ କ୍ଷୁଦ୍ର ବ୍ୟବସାୟ ସଂସ୍ଥା ସଂଯୋଗ ବା କନେକ୍ଟିଭିଟି, ଉତ୍ପାଦକତା ଏବଂ ଅଟୋମେସନ୍ ଉପକରଣ ବାବଦରେ ମାସକୁ ୧୫, ୦୦୦-୨୦, ୦୦୦ ଟଙ୍କା ବ୍ୟୟ କରୁଛନ୍ତି। ବର୍ତମାନ, ଆମେ ଏହି ସୁବିଧାଗୁଡ଼ିକ ସହିତ ଆମର ବ୍ରଡବ୍ୟାଣ୍ଡ୍ ସଂଯୋଗକୁ ଏହି ଖର୍ଚ୍ଚର ଏକ ଦଶମାଂଶରୁ କମ୍ ମୂଲ୍ୟ ଯାହା ମାସିକ ଏକ ହଜାର ଟଙ୍କାରୁ କମ୍ ମୂଲ୍ୟରୁ ଆରମ୍ଭ ହେଉଛି, ସେଥିରେ ପ୍ରଦାନ କରି କ୍ଷୁଦ୍ର ବ୍ୟବସାୟଗୁଡ଼ିକୁ ସଶକ୍ତ କରିବା ଦିଗରେ ପ୍ରଥମ ପଦକ୍ଷେପ ଗ୍ରହଣ କରିଛୁ। ଏହି ପଦକ୍ଷେପ ସହିତ ମୁଁ ନିଶ୍ଚିତ ଯେ ନିୟୁତାଧିକ ଅଣୁ, କ୍ଷୁଦ୍ର ଓ ମଧ୍ୟମ ବ୍ୟବସାୟ ସଂସ୍ଥା ସମୃଦ୍ଧି ଆଡକୁ ଅଗ୍ରସର ହେବେ ଏବଂ ଏକ ନୂଆ ଆତ୍ମନିର୍ଭର ଡିଜିଟାଲ୍ ଭାରତ ସୃଷ୍ଟି କରିବା ଦିଗରେ ଆଗକୁ ବଢ଼ିବେ।’’

ଜିଓ ବିଜନେସ୍‌ର ନୂଆ ପ୍ଲାନ୍‌ଗୁଡିକ ମଧ୍ୟରେ ରହିଛି କ୍ଷୁଦ୍ର ବ୍ୟବସାୟୀମାନଙ୍କ ପାଇଁ ୯୦୧ ଟଙ୍କାରୁ ଆରମ୍ଭ ହେଉଥିବା ବ୍ରଡ୍‌ବ୍ୟାଣ୍ଡ୍ ଓ ଭଏସ୍ କଲ୍ ଅଫର। ଜିଓର ଏହି ପ୍ଲାନ୍ ସହିତ କ୍ଷୁଦ୍ର ବ୍ୟବସାୟଗୁଡିକୁ ୧୦୦ ଏମ୍‌ବିପିଏସ୍‌ର ଅପ୍‌ଲୋଡ୍ ଓ ଡାଉନ୍‌ଲୋଡ୍ ଇଂଟରନେଟ୍ ସ୍ପିଡ୍ ସହିତ ଅସୀମିତ ଭଏସ୍ କଲିଙ୍ଗ୍ ସୁବିଧା ରହିଥିବା ହାଇସ୍ପିଡ୍ ବ୍ରଡ୍‌ବ୍ୟାଣ୍ଡ୍ ସଂଯୋଗ ଉପଲବ୍ଧ ହେଉଛି।

ଜିଓ ବିଜନେସ୍‌ର ପ୍ରମୁଖ ଲାଭଜନକ ଉପାଦାନଗୁଡିକ ମଧ୍ୟରେ ରହିଛି ଉନ୍ନତ ଗ୍ରାହକ ଅନୁଭୂତି: ଉନ୍ନତ ଗ୍ରାହକ ସମ୍ପର୍କ ସହିତ ଗ୍ରାହକଙ୍କ ଜୀବନଚକ୍ରରେ ଉନ୍ନତ ସମ୍ପର୍କ; ବ୍ୟବସାୟ ଅନଲାଇନ୍‌କୁ ନେବା ଏବଂ ରାଜସ୍ୱ ବଢ଼ାଇବା ସୁବିଧା: ବ୍ୟବସାୟକୁ ଅନଲାଇନ୍‌ରେ ସନ୍ଧାନରେ ଉପଲବ୍ଧ ହେବା ଯୋଗ୍ୟ କରିବା; ୨୪ ଘଂଟା ପରିଚାଳନା: କର୍ମଚାରୀ, ଗ୍ରାହକ ଏବଂ ବ୍ୟବସାୟକୁ ଯେକୌଣସି ସମୟରେ ଯେକୌଣସି ସ୍ଥାନରୁ ପରିଚାଳନା କରିବା ସୁବିଧା; ବ୍ୟବସାୟ ଦକ୍ଷତାରେ ଉନ୍ନତି: ବ୍ୟବସାୟ ବଢ଼ାଇବା ଲାଗି ଡିଜିଟାଲ୍ ସମାଧାନର ଉପଯୋଗ କରିବା ଏବଂ ଖର୍ଚ୍ଚ କମାଇବା ତଥା ଡିଜିଟାଲ୍ ସମାଧାନ ଜରିଆରେ ଉତ୍ପାଦକତା ବଢ଼ାଇବା।

ଜିଓ ବିଜନେସ୍ ପକ୍ଷରୁ କ୍ଷୁଦ୍ର ଓ ମଧ୍ୟମ ବ୍ୟବଦସାୟଗୁଡ଼ିକୁ ଦିଆଯାଉଥିବା ସ୍ୱତନ୍ତ୍ର ସେବା ଗୁଡିକ ମଧ୍ୟରେ ରହିଛି:
– ୱାନ୍‌-ଷ୍ଟପ୍‌-ସପ୍ ସମାଧାନ: ଗୋଟିଏ ସ୍ଥାନରେ ସଂଯୋଗ ଓ ଡିଜିଟାଲ୍ ସମାଧାନ
– ବ୍ୟବହାର ଲାଗି ପୂର୍ଣ୍ଣପ୍ରସ୍ତୁତ: ବ୍ୟବହାର ଲାଗି ପ୍ରସ୍ତୁତ ହୋଇ ରହିଥିବା ଡିଜିଟାଲ୍ ସମାଧାନ, ଯାହାକୁ ଚଲାଇବା ଲାଗି ବିଶେଷଜ୍ଞଙ୍କ ଆବଶ୍ୟକତା ପଡ଼ିବନାହିଁ
– ସହାୟତା ଭିତିକ ବିକ୍ରି ଓ ଅନ୍‌-ବୋର୍ଡିଂ: ସହାୟତା ଆବଶ୍ୟକ କରୁଥିବା ବ୍ୟବସାୟଗୁଡ଼ିକୁ ସଠିକ୍‌୍ ପ୍ଲାନ୍‌/ସମାଧାନ ଚୟନ କରିବା, ସାମିଲ ହେବା ଏବଂ ଡିଜିଟାଲ୍ ସମାଧାନ ଗ୍ରହଣ କରିବା ଲାଗି ମାର୍ଗଦର୍ଶନ କରିବା ନିମନ୍ତେ ସ୍ୱତନ୍ତ୍ର ଡିଜିଟାଲ୍ ଉପଦେଷ୍ଟା
– ଡିଜିଟାଲ୍ ଆକାଉଂଟ୍ ପରିଚାଳନା: ଏକ ଡିଜିଟାଲ୍ ସେଲଫ୍ କେୟାର ପୋର୍ଟାଲ୍ ଜରିଆରେ ଏସ୍‌ଏମ୍‌ବିଗୁଡ଼ିକୁ ସଶକ୍ତ କରିବା ସୁବିଧା ଯାହାଦ୍ୱାରା ପ୍ଲାନ୍ ପରିବର୍ତ୍ତନ, ଡ୍ୟାସ୍‌ବୋର୍ଡରେ ପ୍ରଦର୍ଶନକୁ ଦେଖିପାରିବା ସୁବିଧା, ପେମେଂଟ୍ କରିବା ସୁବିଧା, ସହାୟତା

LEAVE A REPLY

Please enter your comment!
Please enter your name here

Solve this *Time limit exceeded. Please complete the captcha once again.