ତେହେରାନ: ଇରାନ୍ରେ ଏକ ଯୁଦ୍ଧ ଜାହାଜର ମିଜାଇଲ୍ ଲକ୍ଷ୍ୟଚ୍ୟୁତ ହୋଇଛି। ଓମାନ ଗଲ୍ଫରେ ଏକ ସାମରିକ ଅଭ୍ୟାସ ସମୟରେ ଇରାନ ଭୁଲବଶତଃ ନିଜର ଗୋଟିଏ ଯୁଦ୍ଧ ଜାହାଜରେ କ୍ଷେପଣାସ୍ତ୍ର ନିକ୍ଷେପ କରିଥିଲା। ଏହି ଆକ୍ରମଣରେ ୧୯ ଜଣଙ୍କର ମୃତ୍ୟୁ ଘଟିଥିବା ବେଳେ ଅନେକ ଆହତ ହୋଇଛନ୍ତି। ଯୁଦ୍ଧ ଜାହାଜ ଜମରାନ୍ରୁ ଆଣ୍ଟି ଶିପ୍ ମିଜାଇଲ୍ ନୁର୍ର ପରୀକ୍ଷଣ କରାଯାଉଥିବା ସମୟରେ ଏହା ଭୁଲରେ ଅନ୍ୟ ଏକ ଜାହାଜ କୋଣାର୍କକୁ ଧ୍ୱଂସ କରିଛି।
ଏହି ଘଟଣାକୁ ନିଶ୍ଚିତ କରି ଇରାନର ରାଜ୍ୟ ଟିଭି ଚ୍ୟାନେଲ କହିଛି ଯେ ରବିବାର ଦିନ ଦକ୍ଷିଣ ପୂର୍ବର ଜାସ୍କ ବନ୍ଦର ନିକଟ ତେଜ୍ରାନ ନିକଟରେ ଏହି ଘଟଣା ଘଟିଛି। ଯେଉଁ ଯୁଦ୍ଧ ଜାହାଜ ଉପରେ କ୍ଷେପଣାସ୍ତ୍ର ପଡିଥିଲା ତାହା ହେଲା ହେଣ୍ଡିଜେନ୍ ଶ୍ରେଣୀର ଜାହାଜ କୋଣାର୍କ। ଆକ୍ରମଣରେ ଜାହାଜଟି ସମ୍ପୂର୍ଣ୍ଣ ନଷ୍ଟ ହୋଇଯାଇଛି। ଇରାନ ଗଣମାଧ୍ୟମ ଏହାକୁ ଏକ ଦୁର୍ଘଟଣା ବୋଲି କହିଛି। /-ଦେବଦତ୍ତ ରଥ
କରୋନା ପ୍ରଭାବ; ବଦଳିଯିବ ଜୀବନଚର୍ଯ୍ୟା: ଜାଣନ୍ତୁ କିପରି ରହିବ ନୂଆ ଯାତାୟତ ବ୍ୟବସ୍ଥା ..
