Home ଓଡ଼ିଶା ନିଶ୍ଚେତ ନକରି; ସଙ୍ଗୀତ ଶୁଣାଇ ହେବ ଓପନ୍ ହାର୍ଟ୍ ସର୍ଜରୀ !

ନିଶ୍ଚେତ ନକରି; ସଙ୍ଗୀତ ଶୁଣାଇ ହେବ ଓପନ୍ ହାର୍ଟ୍ ସର୍ଜରୀ !

109

ନୂଆଦିଲ୍ଲୀ: ମାନବ ଜୀବନରେ ସଙ୍ଗୀତର ବହୁତ ଗୁରୁତ୍ୱ ରହିଛି। ଚାପ ହ୍ରାସ କରିବାରେ ଏହା ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ। ଏବେ ରୋଗୀମାନେ ଇନ୍ଦିରା ଗାନ୍ଧୀ ଇନଷ୍ଟିଚ୍ୟୁଟ୍ ଅଫ୍ ମେଡିକାଲ ସାଇନ୍ସ ଆଇଜିଏମ୍ଏସ୍, ପାଟନା, ହୃଦ୍ ରୋଗ ଇନଷ୍ଟିଚ୍ୟୁଟରେ ଓପନ ହାର୍ଟ ସର୍ଜରୀ ପାଇଁ ରୋଗୀଙ୍କୁ ଆଉ ନିଶ୍ଚେତ କରିବାର ଆବଶ୍ୟକତା ହେବ ନାହିଁ। ରୋଗୀମାନେ ନିରନ୍ତର ଡାକ୍ତରଙ୍କ ସହ କଥାବାର୍ତ୍ତା କରିବାକୁ ସମର୍ଥ ହେବେ। ଏହି ସମୟ ମଧ୍ୟରେ ରୋଗୀମାନେ ଭଜନ ଠାରୁ ଫ୍ୟୁଜନ୍ ପର୍ଯ୍ୟନ୍ତ ସେମାନଙ୍କର ପ୍ରିୟ ସଙ୍ଗୀତକୁ ଉପଭୋଗ କରିପାରିବେ। କେବଳ ଏତିକି ନୁହେଁ, ଯଦି କୌଣସି ଅସୁବିଧା ଥାଏ ତେବେ ରୋଗୀମାନେ ସେମାନଙ୍କର ଯନ୍ତ୍ରଣାକୁ ଡାକ୍ତରଙ୍କ ସହ ଆଲୋଚନା କରିବାକୁ ସକ୍ଷମ ହେବେ। ଜାତୀୟ ଗଣମାଧ୍ୟମ ସୂଚନା ଅନୁଯାୟୀ, IGIMSରେ ଏହି ସୁବିଧା ସ୍ଥାପିତ ହୋଇଛି। ପ୍ରଥମ ପର୍ଯ୍ୟାୟରେ ଏଥିପାଇଁ ପାଞ୍ଚ ଜଣ ରୋଗୀଙ୍କୁ ଚୟନ କରାଯାଇଛି। ଯେଉଁମାନଙ୍କର ପୂର୍ବରୁ କୌଣସି ଶ୍ୱାସ ରୋଗ ନାହିଁ କେବଳ ସେହି ମାନଙ୍କ କ୍ଷେତ୍ରରେ ଏହା ଉପଯୋଗ ହୋଇ ପାରିବ। ବିହାରରେ ପ୍ରଥମ ଥର ପାଇଁ ଏକ ସରକାରୀ ଅନୁଷ୍ଠାନ ଏଭଳି ସୁବିଧା ଆରମ୍ଭ କରିବ।

ସଙ୍ଗୀତ ଶୁଣିବା ଦ୍ୱାରା ରୋଗୀର ଯନ୍ତ୍ରଣା କମିଯାଏ –
ଆମେରିକାର ଜର୍ଣ୍ଣାଲ ଦ୍ୱାରା ପ୍ରକାଶିତ ଖବର ଅନୁଯାୟୀ ଇରାନର ମଜନ୍ଦରନ ମେଡିକାଲ ସାଇନ୍ସ ୟୁନିଭରସିଟି ଦ୍ୱାରା ଏହି ଅନୁସନ୍ଧାନ କରାଯାଇଥିଲା। ଆମେରିକାର ନ୍ୟାସନାଲ ସେଣ୍ଟର ଫର ବାୟୋଟେକ୍ନୋଲୋଜି ଅନୁସନ୍ଧାନ ପରେ ଏହି ସୂଚନା ପ୍ରକାଶ କରିଛି। ଏହି ଅନୁସନ୍ଧାନରୁ ଜଣାପଡିଛି ଯେ ସଙ୍ଗୀତ ଶୁଣିବା ଦ୍ୱାରା ରୋଗୀର ଯନ୍ତ୍ରଣା କମିଯାଏ। ଅନୁସନ୍ଧାନରେ ରୋଗୀଙ୍କୁ ଓପନ୍ ହାର୍ଟ ଅସ୍ତ୍ରୋପଚାର ପରେ ସଙ୍ଗୀତ ଶୁଣିବାକୁ ପରାମର୍ଶ ଦିଆଯାଇଥିଲା। ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ହେଲଥ ପକ୍ଷରୁ କରାଯାଇଥିବା ଅନୁସନ୍ଧାନରେ ୬୦ ଜଣ ରୋଗୀଙ୍କ ଉପରେ ଅଧ୍ୟୟନ କରାଯାଇଥିଲା। ସେମାନଙ୍କ ମଧ୍ୟରୁ ୫୬ ଜଣ ମହିଳା ଥିଲେ। ଯେଉଁମାନେ କହିଥିଲେ ଯେ ଅସ୍ତ୍ରୋପଚାର ସମୟରେ ସଙ୍ଗୀତ ଶୁଣିବା ଦ୍ୱାରା ସେମାନଙ୍କର ଯନ୍ତ୍ରଣା କମିଯାଏ। ଅନୁସନ୍ଧାନରୁ ଏହା ମଧ୍ୟ ଜଣାପଡ଼ିଛି ଯେ ଅସ୍ତ୍ରୋପଚାର ପରେ ମଧ୍ୟ ଏହି ରୋଗୀମାନେ କମ୍ ଯନ୍ତ୍ରଣା ଅନୁଭବ କରିଥିଲେ। ଏଥିରେ ବୈଜ୍ଞାନିକ ମାନେ ରୋଗୀଙ୍କୁ ଆଇସିୟୁରେ MP3 ପ୍ଲେୟାର ଏବଂ ହେଡଫୋନ୍ ଲଗାଇ ସଙ୍ଗୀତ ଶୁଣିବାକୁ ପରାମର୍ଶ ଦେଇଥିଲେ। ଆମେରିକାର ଜର୍ଣ୍ଣାଲ ଦ୍ୱାରା ପ୍ରକାଶିତ ଇରାନର ମଜନ୍ଦରନ ମେଡିକାଲ ସାଇନ୍ସ ୟୁନିଭରସିଟି ଦ୍ୱାରା ଏହି ଅନୁସନ୍ଧାନ କରାଯାଇଥିଲା।

ସଙ୍ଗୀତ ମନ ଏବଂ ମସ୍ତିଷ୍କ ଉପରେ ଏକ ସକରାତ୍ମକ ଭୂମିକା ନିର୍ବାହ କରିଥାଏ –
ଜାତୀୟ ଗଣମଧ୍ୟମ ସୂଚନା ଅନୁଯାୟୀ ଏହି ପରିପ୍ରେକ୍ଷୀରେ, ଦିଲ୍ଲୀ- AIIMS, ଅଲ ଇଣ୍ଡିଆ ଆୟୁର୍ବେଦିକ ପ୍ରତିଷ୍ଠାନର ରିମୋଟୋଲୋଜି ବିଭାଗର ମୁଖ୍ୟ ଡକ୍ଟର ଉମା କୁମାର କହିଛନ୍ତି ଯେ ସଙ୍ଗୀତର ସ୍ୱାସ୍ଥ୍ୟ ଉପରେ ପ୍ରଭାବ ପଡ଼ିଥାଏ ଏବଂ କାନରେ ସଙ୍ଗୀତର ଶବ୍ଦ ମଧ୍ୟ ମସ୍ତିଷ୍କ ଉପରେ ସିଧାସଳଖ ପ୍ରଭାବ ପକାଇଥାଏ।କାନ ମାଧ୍ୟମରେ ସଂଗୀତ ମସ୍ତିଷ୍କର ଯେଉଁ ସ୍ଥାନକୁ ଯାଇଥାଏ ସେଠାରେ ବଡ଼ ପ୍ରଭାବ ପକାଇଥାଏ। କିଛି ନ୍ୟୁରୋ- କେମିକାଲ୍ ବା ଏକ ପ୍ରକାର ସକରାତ୍ମକ ହରମୋନ୍ ନିର୍ଗତ ହୋଇଥାଏ। ଯାହା ଚିନ୍ତା କରିବା ଏବଂ ବୁଝିବା ଶକ୍ତି ବଢ଼ାଇଥାଏ। ଯାହାର ବହୁତ ପ୍ରଭାବ ରହିଥାଏ, ରକ୍ତଚାପ ହ୍ରାସ କରିଥାଏ। ସଙ୍ଗୀତ ଶୁଣି ରକ୍ତଚାପ ସ୍ୱାଭାବିକ ହୋଇଯାଏ। ସଙ୍ଗୀତ ଆମ ମନ ଏବଂ ମସ୍ତିଷ୍କ ଉପରେ ଏକ ସକରାତ୍ମକ ଭୂମିକା ନିର୍ବାହ କରିଥାଏ। /- ଦେବଦତ୍ତ ରଥ

LEAVE A REPLY

Please enter your comment!
Please enter your name here

Solve this *Time limit exceeded. Please complete the captcha once again.