Home ଓଡ଼ିଶା ପ୍ରଜ୍ଞା ସିଂ ଠାକୁରଙ୍କ ବିବାଦୀୟ ବୟାନ : ବିଦେଶୀ ମହିଳାଙ୍କ ଗର୍ଭରୁ ଜନ୍ମ ହୋଇଥିବା କୌଣସି...

ପ୍ରଜ୍ଞା ସିଂ ଠାକୁରଙ୍କ ବିବାଦୀୟ ବୟାନ : ବିଦେଶୀ ମହିଳାଙ୍କ ଗର୍ଭରୁ ଜନ୍ମ ହୋଇଥିବା କୌଣସି ବ୍ୟକ୍ତି ଦେଶ ଭକ୍ତ ହୋଇପାରିବେ ନାହିଁ

192

ଭୋପାଳ ୨୯-୬ (ଓଡ଼ିଆ ପୁଅ) ରବିବାର ଦିନ ଭୋପାଳ ସାଂସଦ ସାଧ୍ୱୀ ପ୍ରଜ୍ଞା ସିଂ ଠାକୁରଙ୍କ ଏକ ବୟାନ ନୂଆ ବିବାଦ ସୃଷ୍ଟି କରିଛି। ଚୀନ୍ ମାମଲାରେ କଂଗ୍ରେସ ଉଠାଇଥିବା ପ୍ରଶ୍ନ ଉପରେ ସାଧ୍ୱୀଙ୍କୁ କିଛି ଗଣମାଧ୍ୟମ ପ୍ରତିନିଧୀ ପଚାରିଥିବା ପ୍ରଶ୍ନର ଉତ୍ତରରେ ସେ କହିଛନ୍ତି ଯେ, ବିଦେଶୀ ମହିଳାଙ୍କ ଗର୍ଭରୁ ଜନ୍ମ ହୋଇଥିବା କୌଣସି ବ୍ୟକ୍ତି ରାଷ୍ଟ୍ର ଭକ୍ତ ହୋଇପାରିବେ ନାହିଁ। ଚାଣକ୍ୟ କହିଥିଲେ ଯେ ଏହି ଦେଶର ପୁଅ ହିଁ ଦେଶକୁ ସୁରକ୍ଷା ଦେଇପାରିବ। ଏଠାରେ ସାଧ୍ୱୀଙ୍କ ଅଙ୍ଗଭଙ୍ଗୀ ସୋନିଆ ଗାନ୍ଧୀ ଏବଂ ରାହୁଲ ଗାନ୍ଧୀଙ୍କ ଉପରେ ଥିଲା।

ସାଧ୍ୱୀ ଏଠାରେ ଅଟକି ନଥିଲେ, ସେ କହିଥିଲେ ଯେ ‘କଂଗ୍ରେସ ଦଳରେ କୌଣସି ସଭ୍ୟତା, ରୀତିନୀତି କିମ୍ବା ଦେଶପ୍ରେମ ନାହିଁ। ମୁଁ କହୁଛି ଭକ୍ତି କେଉଁଠୁ ଆସିବ, ଯେତେବେଳେ ଦୁଇ ଦେଶର ସଦସ୍ୟତା ଗ୍ରହଣ କରିବେ। ଏହା ବ୍ୟତୀତ ସାଂସଦ କହିଛନ୍ତି ଯେ ଦେଶ ଚୀନ୍ ସହ ମୁକାବିଲା କରିବାକୁ ପ୍ରସ୍ତୁତ। କେନ୍ଦ୍ର ସରକାର ଚୀନ୍‌କୁ ସମ୍ପୂର୍ଣ୍ଣ ଶକ୍ତି ସହ ଜବାବ ଦେବେ। ଭାରତରେ କେହି ଏକ ଇଞ୍ଚ ଜମି ଦଖଲ କରିପାରିବେ ନାହିଁ।

ଚୀନ୍, ବାଂଲାଦେଶ, ପାକିସ୍ଥାନ, ଆଫଗାନିସ୍ତାନ ସମେତ ଭାରତରୁ ଅନେକ ଦେଶ ବାହାରିଛନ୍ତି। ସମଗ୍ର ବିଶ୍ୱ ଭାରତର ଶକ୍ତି ଏବଂ ଇତିହାସ ଜାଣେ। ଯେଉଁ ଦେଶ ଭାରତକୁ ଆଖି ଦେଖାଉଛନ୍ତି, ଆମ ଦେଶର ବୀରମାନଙ୍କ ସାମ୍ନାରେ କୌଣସି ସ୍ଥିତି ନାହିଁ। ଚୀନ୍ ଆମ ଦେଶ ସହ କରିଥିବା ଛଳର ଉତ୍ତର ଦିଆଯିବ। ଯଦିଓ ଏହା ପ୍ରଥମ ଥର ନୁହେଁ, ପ୍ରୟାଗ ସିଂ ଠାକୁର ଏପରି ଅନେକ ବିବାଦୀୟ ବିବୃତ୍ତି ଲୋକସଭା ନିର୍ବାଚନ ପୂର୍ବରୁ ଏବଂ ପରେ ଦେଇଛନ୍ତି।

LEAVE A REPLY

Please enter your comment!
Please enter your name here

Solve this *Time limit exceeded. Please complete the captcha once again.