Home Top News ଏହି ରାଜ୍ୟରେ ହେବନି ନବମ, ଦଶମ ଏବଂ ଏକାଦଶ ଶ୍ରେଣୀ ବାର୍ଷିକ ପରୀକ୍ଷା – ସମସ୍ତେ...

ଏହି ରାଜ୍ୟରେ ହେବନି ନବମ, ଦଶମ ଏବଂ ଏକାଦଶ ଶ୍ରେଣୀ ବାର୍ଷିକ ପରୀକ୍ଷା – ସମସ୍ତେ ହେବେ ପାସ୍‌, ସରକାରଙ୍କ ଘୋଷଣା

128

ନୂଆ ଦିଲ୍ଲୀ ୨୫-୨ (ଓଡ଼ିଆ ପୁଅ) ତାମିଲନାଡୁର AIADMK ସରକାର ଘୋଷଣା କରିଛନ୍ତି ଯେ IX, X ଏବଂ XI ଶ୍ରେଣୀର ଛାତ୍ରମାନଙ୍କୁ କୌଣସି ପରୀକ୍ଷା ଦେବାକୁ ପଡ଼ିବ ନାହିଁ। ବିନା ପରୀକ୍ଷାରେ ଛାତ୍ରଛାତ୍ରୀମାନେ ଉପର ଶ୍ରେଣୀକୁ ଉତ୍ତୀର୍ଣ୍ଣ ହେବେ। ମୁଖ୍ୟମନ୍ତ୍ରୀ ପଲିନୀସ୍ୱାମୀ କହିଛନ୍ତି ଯେ, ବିଶେଷଜ୍ଞଙ୍କ ସୂଚନା ଆଧାରରେ ଏହି ନିଷ୍ପତ୍ତି ନିଆଯାଇଛି। ସଂକ୍ରାମକ ରୋଗକୁ ଦୃଷ୍ଟିରେ ରଖି ପରୀକ୍ଷା କରିବା ପାଇଁ ପରିସ୍ଥିତି ଅନୁକୂଳ ନୁହେଁ ବୋଲି ବିଶେଷଜ୍ଞମାନେ ମତ ଦେଇଛନ୍ତି।

୨୦୨୦-୨୧ ଶିକ୍ଷାବର୍ଷ ପାଇଁ ଏହି ଶ୍ରେଣୀଗୁଡିକ ପାଇଁ ବାର୍ଷିକ ପରୀକ୍ଷା ସମ୍ପୂର୍ଣ୍ଣ ଭାବେ ବାତିଲ୍‌ କରାଯାଇଛି। ପଲାନି ସ୍ୱାମୀ କହିଛନ୍ତି ଯେ ଅଭିଭାବକ, ଶିକ୍ଷକ ଏବଂ ଶିକ୍ଷାବିତ୍ ମଧ୍ୟ ଏହି ପ୍ରସଙ୍ଗ ଉଠାଇଛନ୍ତି। ଆଭ୍ୟନ୍ତରୀଣ ମୂଲ୍ୟାଙ୍କନ ଅନୁଯାୟୀ ସଫଳତାର ମାନଦଣ୍ଡ ବିବେଚନା କରାଯିବ।

ସୂଚନାଯୋଗ୍ୟଯେ, ତାମିଲନାଡୁ ସରକାରଙ୍କର ପରୀକ୍ଷା ନିର୍ଦ୍ଦେଶାଳୟ ଦ୍ୱାଦଶ ଶ୍ରେଣୀ ରାଜ୍ୟ ବୋର୍ଡ ପରୀକ୍ଷା ପାଇଁ ସମୟ ନିର୍ଘଣ୍ଟ କରିଛି, ଯାହା ମେ ୩ ରୁ ମେ ୨୧ ପର୍ଯ୍ୟନ୍ତ ଅନୁଷ୍ଠିତ ହେବ। ରାଜ୍ୟ ବୋର୍ଡ ପରୀକ୍ଷା ପ୍ରାୟତଃ ମାର୍ଚ୍ଚରେ ଅନୁଷ୍ଠିତ ହୋଇଥାଏ, କିନ୍ତୁ ଚଳିତ ବର୍ଷ ମହାମାରୀକାରଣରୁ ଏହାକୁ ଘୁଞ୍ଚାଇ ଦିଆଯାଇଛି।

ସୂଚନାଯୋଗ୍ୟଯେ, ଏହା ପୂର୍ବରୁ ଦିଲ୍ଲୀ ସରକାର ମଧ୍ୟ ଆଦେଶ ଦେଇଛନ୍ତିଯେ, ଅଷ୍ଟମ ପର୍ଯ୍ୟନ୍ତ ଛାତ୍ରଛାତ୍ରୀ ଦେବେ ନାହିଁ ପରୀକ୍ଷା, ବିନା ପରୀକ୍ଷାରେ ହେବେ ଉତ୍ତୀର୍ଣ୍ଣ।
ଦିଲ୍ଲୀର ସରକାରୀ ବିଦ୍ୟାଳୟରେ ଏକାଡେମିକ୍ ଅଧିବେଶନ ୨୦୨୦-୨୧ ପାଇଁ ୩ ରୁ ଶ୍ରେଣୀ ୮ ପର୍ଯ୍ୟନ୍ତ ଛାତ୍ରଛାତ୍ରୀଙ୍କ କୌଣସି ଅଫଲାଇନ୍ ପରୀକ୍ଷା ହେବ ନାହିଁ। ଏଥର ଛାତ୍ରମାନଙ୍କୁ ୱାର୍କସିଟ୍ ମୂଲ୍ୟାଙ୍କନ ଏବଂ ଏହି ଶ୍ରେଣୀର ଛାତ୍ରମାନଙ୍କୁ ଦିଆଯାଇଥିବା ଆସାଇନମେଣ୍ଟ ଉପରେ ଆଧାର କରି ମାର୍କ ଦିଆଯିବ। ୨୦୨୦ ମସିହାରେ ପ୍ରାଥମିକରୁ ମଧ୍ୟମ ସ୍ତର ପର୍ଯ୍ୟନ୍ତ ଶ୍ରେଣୀଗୃହ ଅଧ୍ୟୟନର ଅଭାବ ହେତୁ, ଲିଖିତ ପରୀକ୍ଷାକୁ ବିଷୟ ମୂଲ୍ୟାଙ୍କନ ଏବଂ ପ୍ରୋଜେକ୍ଟ ମାର୍କ ଅନୁଯାୟୀ ଉତ୍ତୀର୍ଣ୍ଣ ହେବାପାଇଁ ସ୍ଥିର କରାଯାଇଛି।

ଏଥିସହ, ଦିଲ୍ଲୀର ସରକାରୀ ବିଦ୍ୟାଳୟରେ, ନର୍ସରୀ ଠାରୁ ଆରମ୍ଭ କରି ଦ୍ୱିତୀୟ ଶ୍ରେଣୀ ପର୍ଯ୍ୟନ୍ତ ୨୦୨୦-୨୧ ପର୍ଯ୍ୟନ୍ତ ସମସ୍ତ ଛାତ୍ରଛାତ୍ରୀ ପରବର୍ତ୍ତୀ ଏକାଡେମିକ୍ ଅଧିବେଶନ ପାଇଁ ପରବର୍ତ୍ତୀ ଶ୍ରେଣୀକୁ ସିଧାସଳଖ ଉତ୍ତୀର୍ଣ୍ଣ ହେବେ। ସେଥିପାଇଁ କେଜିରୁ ଦ୍ୱିତୀୟ ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀମାନଙ୍କୁ ଗ୍ରେଡ୍ କିମ୍ବା ମାର୍କ, ଶୀତକାଳୀନ ଛୁଟିର ଆସାଇନମେଣ୍ଟ ଏବଂ ପିତାମାତାଙ୍କ ସହ ସେୟାର ହୋଇଥିବା ୱାର୍କସିଟ୍ ଉପରେ ଆଧାର କରି ଉତ୍ତୀର୍ଣ୍ଣ କରାଯିବ।

ଦିଲ୍ଲୀ ଶିକ୍ଷା ମନ୍ତ୍ରୀ ମନୀଷ ସିସୋଡିଆ ଏକ ଘରୋଇ ଟିଭି ଚ୍ୟାନେଲକୁ କହିଛନ୍ତି ଯେ “ନୋ ଡିଟେନସନ ପଲିସି ଅନୁଯାୟୀ ୮ ଶ୍ରେଣୀ ପର୍ଯ୍ୟନ୍ତ ସମସ୍ତ ପିଲାଙ୍କୁ ପରବର୍ତ୍ତୀ ଶ୍ରେଣୀକୁ ଉତ୍ତୀର୍ଣ୍ଣ କରାଯିବ। ଚଳିତ ବର୍ଷ ସେମି ଅନଲାଇନ୍ କ୍ଲାସରେ ପିଲାମାନେ ଯାହା ଶିଖିଛନ୍ତି ତାହା ମଧ୍ୟ ବୁଝିବା ଜରୁରୀ ଅଟେ, ଯାହା ଦ୍ୱାରା ଆମେ ପରବର୍ତ୍ତୀ ଏକାଡେମିକ୍ ଅଧିବେଶନ ପାଇଁ ଭଲ ଭାବରେ ପ୍ରସ୍ତୁତ ହୋଇପାରିବା। ତେଣୁ ଏହି ବର୍ଷ ଆମେ କୌଣସି ଲିଖିତ ପରୀକ୍ଷା ପରିବର୍ତ୍ତେ ବର୍ଷସାରା କରିଥିବା ୱାର୍କସିଟ୍ ଏବଂ ଆସାଇନମେଣ୍ଟ ଉପରେ ଆଧାର କରି ପିଲାମାନଙ୍କୁ ଶ୍ରେଣୀ ୮ ପର୍ଯ୍ୟନ୍ତ ମୂଲ୍ୟାଙ୍କନ କରୁଛୁ।”

LEAVE A REPLY

Please enter your comment!
Please enter your name here

Solve this *Time limit exceeded. Please complete the captcha once again.