ଭଦ୍ରକ, ୬ା୧୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଜିଲ୍ଲା ସଂସ୍କୃତିଭବନ ପରିସରରେ ଶିଶୁଯତ୍ନ ଅନୁଷ୍ଠାନର ଅନ୍ତେବାସୀମାନଙ୍କୁ ନେଇ ପ୍ରତିଭା ଅନ୍ୱେଷଣ କାର୍ଯ୍ୟକ୍ରମ “ମହକ” ଜିଲ୍ଲା ଶିଶୁ ସୁରକ୍ଷା ୟୁନିଟ୍ ଆନୁକୂଲ୍ୟରେ ଅନୁଷ୍ଠିତ ହୋଇଯାଇଛି । ଏହି ଅବସରରେ ମୁଖ୍ୟ ଅତିଥି ଭାବେ ଶିଶୁ ମଙ୍ଗଳ କମିଟିର ଅଧ୍ୟକ୍ଷ ଡା. ଦେବରାଜ ପାଣିଗ୍ରାହୀ, ସମ୍ମାନୀତ ଅତିଥି ରୂପେ ସମାଜମଙ୍ଗଳଳ ଅଧିକାରିଣୀ ପୁଷ୍ପଲତା ପାତ୍ର ଯୋଗଦାନ କରିଥିଲେ । ଅନ୍ୟତମ ଅତିଥିମାନଙ୍କ ମଧ୍ୟରେ ପୂର୍ବତନ ଶିଶୁ ମଂଗଳ କମିଟିର ଅଧ୍ୟକ୍ଷ କମଳାକାନ୍ତ ସ୍ୱାଇଁ, ଅବସରପ୍ରାପ୍ତ ପ୍ରଶାସନିକ ଅଧିକାରୀ ପଦ୍ମନ ରାୟ, ଶିଶୁ ମଂଗଳ କମିଟିର ସଦସ୍ୟା ଭାରତୀ ଦାଶ, ବାଲ୍ୟ ବିବାହ ସଂଯୋଜକ ପ୍ରଦ୍ୟୁତ ରଂଜନ ରାଉତ ପ୍ରମୂଖ ଯୋଗଦାନ କରିଥିଲେ । ଶିଶୁ ସରୁକ୍ଷା ଅଧିକାରୀ ଅବିନାଶ ମହାନ୍ତିଙ୍କ ସଂଯୋଜନାରେ ଆୟୋଜିତ ଏହି କାର୍ଯ୍ୟକ୍ରମରେ ବିଶ୍ୱନାରାୟଣ ପଣ୍ଡା ପ୍ରାରମ୍ଭିକ ସୂଚନା ପ୍ରଦାନ କରିଥିଲେ । ଶିଶୁ ମହୋତ୍ସବ ମହକର ପ୍ରତ୍ୟେକ ଶିଶୁମାନଙ୍କ ସୁପ୍ତ ପ୍ରତିଭାକୁ ଜାଗ୍ରତ କରିବା ସହ ପ୍ରତିଭାର ବିକାଶ ହେଲେ ଶିଶୁ ମନରେ ପୁଲକ ଆସେ ବୋଲି ପ୍ରମୂଖ ବକ୍ତାମାନେ ଉଦ୍ବୋଧନ ଦେଇଥିଲେ । ପ୍ରାଥମିକ ସଭାପରେ ଶିଶୁଅନ୍ତେବାସୀମାନଙ୍କ ମଧ୍ୟରେ ସଂଗୀତ, ବକୃତା, ଚିତ୍ରାଙ୍କନ, କୁଇଜ୍ ଓ ଦଳଗତ ନୃତ୍ୟ ପ୍ରତିଯୋଗିତା ଦକ୍ଷ ବିଚାରକ ମଣ୍ଡଳୀମାନଙ୍କୁ ନେଇ ଅନୁଷ୍ଠିତ ହୋଇଥିଲା । ଏହି ପ୍ରତିଯୋଗିତାରେ ଜିଲ୍ଲାସ୍ତରରେ ପଞ୍ଜୀକୃତ ଥିବା ନଅ ଗୋଟି ଶିଶୁ ଆଶ୍ରୟସ୍ଥଳୀରୁ ମୋଟ ୧୩୦ଜଣ ପ୍ରତିଯୋଗୀ ଅଂଶ ଗ୍ରହଣ କରିଥିଲେ । ଦକ୍ଷ ବିଚାରକମାନଙ୍କ ଦ୍ୱାରା ମୂଲ୍ୟାଙ୍କନ କରାଯାଇ କୃତୀ ପ୍ରତିଯୋଗୀ ପ୍ରଥମ, ଦ୍ୱିତୀୟ ଓ ତୃତୀୟ ସ୍ଥାନ ଅଧିକାର କରିଥିବା ଶିଶୁଙ୍କୁ ମାନପତ୍ର ଓ ପୁରସ୍କାର ଦ୍ୱିତୀୟ ଅଧିବେଶନରେ ଅତିଥିମାନଙ୍କ ଦ୍ୱାରା ପ୍ରଦାନ କରାଯାଇଥିଲା । ଏହି ଉଦ୍ଯାପନୀ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗ ଦେଇ ଅତିରିକ୍ତ ଜିଲ୍ଲାପାଳ ଶାନ୍ତ୍ୱନୁ କୁମାର ମହାନ୍ତି ଶିଶୁମାନଙ୍କୁ ପୁରସ୍କାର ବିତରଣ କରିବା ସହ ବକ୍ତବ୍ୟ ଜରିଆରେ ଉତ୍ସାହିତ କରିଥିଲେ । ପ୍ରତିଯୋଗିତା କାର୍ଯ୍ୟକ୍ରମକୁ ଶିଶୁ ସୁରକ୍ଷା ଶାଖାର ଆନୁଷ୍ଠାନିକ ଅଧିକାରୀ ବିଶ୍ୱ ନାରାୟଣ ପଣ୍ଡା ପରିଚାଳନା କରିଥିଲେ । ସ୍ୱାଗତିକା ବାରିକ୍, ଧନଞ୍ଜୟ ଜେନା, ସସ୍ମିତା ନାୟକ, ରିୟାଜ ଅହମ୍ମଦ, ଦମୟନ୍ତୀ ଦାଶ, ଧୀରଜ ବାରିକ୍, ମହେଶ ଚନ୍ଦ୍ର ଦାଶ ସହଯୋଗ କରିଥିଲେ । ଶିଶୁ ସୁରକ୍ଷା ୟୁନିଟ୍ର କର୍ମକର୍ତା, ଚାଇଲ୍ଡ ଲାଇନ୍ର ସଂଯୋଜିକା ଶୁଭଶ୍ରୀ ମହାକୁଡ଼, ଦିଗ୍ବିଜୟ ମହାନ୍ତି, ଚନ୍ଦ୍ରକାନ୍ତ ଗୋଚ୍ଛାୟତ, ଲକ୍ଷ୍ମୀକାନ୍ତ ସେଠୀ, ଲକ୍ଷ୍ମଣ ଜେନା ସମେତ ସଂଜୁଲତା ବେହେରା, ସୁଦର୍ଶନ ବାଦ୍ରା ପରିଚାଳନାରେ ସହଯୋଗ କରିଥିଲେ । ଆଇନ୍ ପ୍ରୋବେସନ ଅଧିକାରୀ ସୁବ୍ରତ କୁମାର ଦାସ ସର୍ବଶେଷରେ ସମସ୍ତ ଅଂଶ ଗ୍ରହଣକାରୀଙ୍କୁ ଧନ୍ୟବାଦ ପ୍ରଦାନ କରିଥିଲେ ।
