ଭଦ୍ରକ, ୧୯ା୧୦ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଦୁଇ ଜଣ ବାଇକ ରେ ଯାଉଥିବା ବେଳେ ପୋଲ ଉପରେ ଭାରସାମ୍ୟ ହରାଇ ବାଡ଼ା ରେ ପିଟି ହେଲା ବାଇକ । ବାଇକ ଚାଳକ ପୋଲ ଉପରେ ରହିଥବା ବେଳେ ପଛ ରେ ବସିଥିବା ଲୋକ ୨୦ ଫୁଟ ତଳକୁ ଖସି ପଡିଲେ । ଚାଳକ ଗୁରୁତର ଥିବା ବେଳେ ବସିଥିବା ଲୋକ ର ମୃତ୍ୟୁ ହୋଇଛି । ସୂଚନା ଅନୁଯାୟୀ ଧାମନଗର ଥାନା ଅନ୍ତର୍ଗତ ୧୬ ନମ୍ବର ଜାତୀୟ ରାଜପଥ ର ଭଦ୍ରକ ଜିଲ୍ଲା ଧାମନଗର ଛକ ନିକଟ ରେ ଦୁର୍ଘଟଣା ଘଟିଛି । କଟକ ଆଡୁ କଲିକତା ଅଭିମୁଖେ ଦୁଇ ଜଣ ବାଇକ ରେ ଆସୁଥିଲେ । ଧାମନଗର ଛକ ନିକଟ ରେ ବାଇକ ଟି ଭାରସାମ୍ୟ ହରାଇ ବ୍ରିଜ ୱାଲ ରେ ବାଡେଇ ହୋଇଥିଲା । ବାଇକ ଚଳାଉଥିବା ବ୍ୟକ୍ତି ପୋଲ ରେ ରହିଯାଇଥିବା ବେଳେ ପଛ ରେ ବସିଥିବା ବ୍ୟକ୍ତି ପୋଲ ର ୨୦ ଫୁଟ ତଳ ସର୍ଭିସ ରୋଡ଼ ରେ ପଡିଯାଇଥିଲେ । ଚାଳକ ଗୁରୁତର ହୋଇ ଭଦ୍ରକ ମେଡିକାଲ ରେ ଭର୍ତି ହୋଇଥିବା ବେଳେ ବାଇକ ରେ ବସିଥିବା ବ୍ୟକ୍ତି ଙ୍କ ର ଘଟଣା ସ୍ଥଳ ରେ ତାଙ୍କର ମୃତ୍ୟୁ ହୋଇଛି । ଉଭୟ ଗୁରୁତର ଓ ମୃତକ କଲିକତା ଅଞ୍ଚଳ ର ସୂଚନା ମିଳିଛି । ତେବେ ତାଙ୍କର ପ୍ରକୃତ ଘର ଠିକଣା ମିଳିନାହିଁ ।ଧାମନଗର ପୋଲିସ ଘଟଣା ର ତଦନ୍ତ କରୁଛନ୍ତି ।
