ଭଦ୍ରକ, ୧୫ା୫ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ ଜିଲ୍ଲା ତିହିଡ଼ି ବ୍ଲକ କାଁପଡ଼ା ପଞ୍ଚାୟତର କବୀ ରୁବିଲତା ଦାସଙ୍କୁ ଭୁବନେଶ୍ୱରର ଓଡ଼ିଶା ସାହିତ୍ୟିକ ସଂଗଠନ ପକ୍ଷରୁ ଗୀତିଜ୍ଞାନ ଦର୍ଶନ ଉପାଧିରେ ସମ୍ମାନିତ କରାଯାଇଛି । ଏ ନେଇ ଶନିବାର ଭୁବନେଶ୍ୱର ଜୟଦେବ ଭବନରେ ଓଡ଼ିଶା ସାହିତ୍ୟିକ ସଂଗଠନ ପକ୍ଷରୁ ଆୟୋଜିତ ବାର୍ଷିକ ମହୋତ୍ସବରେ ସଂଗଠନର ରାଜ୍ୟ ସଭାପତି ପ୍ରଫୁଲ୍ଲ ଚନ୍ଦ୍ର ମିଶ୍ର ପୌରୋହିତ୍ୟ କରିଥିଲେ । ଏଥିରେ ମୁଖ୍ୟ ଅତିଥି ଭାବରେ ସାହିତ୍ୟିକ ଓ ସ୍ତମ୍ଭକାର ଭୁପେନ ମହାପାତ୍ର, ମୁଖ୍ୟବକ୍ତା ଭାବେ ପୂର୍ବତନ ସାଂସଦ ଡ. ପ୍ରସନ୍ନ ପାଟଶାଣୀ, ସମ୍ମାନିତ ଅତିଥି ଭାବେ ଡ. ଅଶୋକ କୁମାର ଦୋରା, ଡ.ଅଲେଖ ପ୍ରସାଦ ମହାରଣା, ଜାନକୀ ମହନ୍ତ, ମଙ୍ଗୁଳୁ କୁମାର ଦାସ ଓ ଡ. ନନ୍ଦକିଶୋର ଶତପଥୀ ପ୍ରମୁଖ ଯୋଗ ଦେଇଥିଲେ । କବି ଶ୍ରୀମତୀ ଦାସ ସାହିତ୍ୟ ଜଗତକୁ ବଳିଷ୍ଠ ଅବଦାନ ଦେବା ସହିତ ଓଡ଼ିଶାର ସାହିତ୍ୟ ଓ ସଂସ୍କୃତିକୁ ରୁଦ୍ଧିମନ୍ତ କରି ଆସୁଛନ୍ତି । ଏଥିପାଇଁ ତାଙ୍କୁ ଏହି ଉତ୍ସବରେ ସଂଗଠନ ପକ୍ଷରୁ ଉତ୍ତରୀୟ ଓ ମାନପତ୍ର ପ୍ରଦାନ କରାଯାଇ ଅତିଥିମାନେ ସମ୍ବର୍ଦ୍ଧିତ କରିଥିଲେ ।
