ହାଟଡ଼ିହି, ୧୧/ ୧୧ : (ଓଡିଆପୁଅ / ବିକାଶ ବିଶ୍ୱାଳ) ବୋଲେରୋରେ ଛେଳି ଚୋରିକରି ନେଉଥିବାବେଳେ ପୁଲିସ ବୋଲେରୋକୁ ଜବଦ କରିବା ସହିତ ଛେଳିଚୋରକୁ ଗିରଫ କରି କୋର୍ଟ ଚାଲାଣ କରିଛି । ଖବରରୁ ଜଣାଯାଇଛି ଯେ ଗତ ମଙ୍ଗଳବାର ଦିନ ସୋସୋ ଥାନା ଅଧିନସ୍ଥ ବିଦ୍ୟାଧରପୁର କେନାଲ ରାସ୍ତା କଡରେ ଛେଳିପଲ ଚରୁଥିଲେ । ସେହିରାସ୍ତା ଦେଇ ଯାଉଥିବା ଓଆର-୨୧-୯୨୩୪ ନମ୍ବର ବିଶିଷ୍ଟ ଏକ ବୋଲେରୋ ଗାଡି ଯାଉଥିବାବେଳେ ଗାଡିରୁ ଜଣେ ଯୁବକ ଓହ୍ଲାଇ ଏକ ଛେଳିକୁ ବୋଲେରୋରେ ନେଇ ଯାଇଥିଲା । ଏ ସମ୍ପର୍କରେ ଜାଣିବାପରେ ଛେଳି ମାଲିକ ମାନସ କୁମାର ନାୟକ ତୁରନ୍ତ ସୋସୋ ଥାନାକୁ ଜଣାଇଥିଲେ । ସୋସୋ ପୁଲିସ ତୁରନ୍ତ ଚଢ଼ାଉକରି ଉକ୍ତ ବୋଲେରୋକୁ ଜବଦ କରିବା ସହିତ ରଞ୍ଜନ ଜେନା ନାମକ ଜଣେ ଯୁବକକକୁ ଗିରଫ କରିଥିଲା । ସୋସୋ ପୁଲିସ ଏନେଇ ଥାନା କେସନଂ୧୧୪/୨୧ରେ ଏକ ମାମଲା ରୁଜୁକରି ଅଭିଯୁକ୍ତକୁ କୋର୍ଟ ଚାଲାଣ କରିଥିବା ଥାନା ଆଇଆଇସି ଉପେନ୍ଦ୍ର ଦାସ ସୁଚନା ଦେଇଛନ୍ତି ।
