ଭଦ୍ରକ, ୩ା୧୧ (ଓଡ଼ିଆ ପୁଅ / ସ୍ନିଗ୍ଧା ରାୟ)) – ଏହି ଜିଲାର ବାଂଶଡା ଥାନା ଅର୍ନ୍ତଗତ ପଂଚୁଟିକ୍ରି ଗ୍ରାମର ଚୋରା ମଦ ଦୋକାନୀ ଆକ୍ରମଣରେ ଜଣେ ଆହତ ହୋଇଥିବା ବାଂଶଡା ଥାନାରେ ଲିଖିତ ଅଭିଯୋଗ ହୋଇଛି । ଖବରରୁ ପ୍ରକାଶ ପଂଚୁଟିକ୍ରି ଗ୍ରାମର ଭୀମସେନ ନାୟକଙ୍କ ଦୋକାନରୁ କିଛି ଦିନ ତଳେ ପୁଲିସ ରେଡ୍ କରି ଚୋରା ମଦ ଜବତ କରିଥିଲା । ଏହି କଥାକୁ ଆଳ କରି ସଂପୃକ୍ତ ବ୍ୟକ୍ତି ସେହି ପଂଚାୟତର ଶତ୍ରୁଘନ ନାଥ ମହାଳିକ ପୁଲିସ କୁ ଖବର ଦେଇଛି ବୋଲି କହିବା ସହ ଶତ୍ରୁଘନ କୁ ମରଣାନ୍ତକ ଆକ୍ରମଣ କରିବା ସହ ତାଙ୍କୁ ଜାତିଆଣ ନେଇ ଗାଳି ଗୁଲଜ କରିଥିଲେ । ଏହାକୁ ନେଇ ବାଂଶଡା ଥାନାରେ ଏକ ଲିଖିତ ଅଭିଯୋଗ ହୋଇଥିବା ବେଳେ ବାଂଶଡା ଥାନା ଅଧିନସ୍ଥ ପଂଚୁଟିକ୍ରି ତଥା ସ୍ଥାନୀୟ ଅଂଚଳରେ ବ୍ୟାପକ ଚୋରା ମଦ ବେପାର ଦିନକୁ ଦିନ ବଢି ବଢି ଚାଲିଥିବା ବେଳେ ପୁଲିସ ପ୍ରଶାସନ ନୀରବଦ୍ରଷ୍ଟା ସାଜିଛି ବୋଲି ସାଧାରଣରେ ଚର୍ଚ୍ଚା ଚାଲିଛି ।
