ଭଦ୍ରକ, ୨୭ା୨ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଏହି ଜିଲାର ଭଣ୍ଡାରିପୋଖରୀ ଥାନା ଅନ୍ତର୍ଗତ ବିଶୋଳ-ଶାସନ ଗ୍ରାମରେ ଆଜି ମଧ୍ୟାନ୍ନ ପ୍ରାୟ ୧୨.୧୫ମି ସମୟରେ ମହେନ୍ଦ୍ର ପରିଡାଙ୍କ ଘରେ ଅଗ୍ନିକାଣ୍ଡ ହୋଇଥିଲା । ରୋଷେଇ ଚୁଲିରୁ ଅଗ୍ନି ବ୍ୟାପି ଘର ଜଳିଥିଲା । ଗ୍ରାମବାସୀମାନେ ନିଆଁକୁ ଆୟତ୍ତ କରିବା ସହ ଦମକଳକେନ୍ଦ୍ରକୁ ସୂଚନା ଦେଇଥିଲେ । ଦମକଳବାହିନୀ ଅଗ୍ନି ନିର୍ବାପନ କରିଥିôଲେ । ସେହିପରି ନାଆମୀ ଗ୍ରାମର ପ୍ରଶାନ୍ତ କୁମାର ଜେନାଙ୍କ ନଡାଗଦାରେ ଆଜି ଦିନ ପ୍ରାୟ ୧.୫୦ମି. ସମୟରେ ଜଳିଯାଇଥିଲା । ଖବର ପାଇ ସ୍ଥାନୀୟ ଅଗ୍ନିଶମ କର୍ମଚାରୀମାନେ ଅଗ୍ନିକୁ ଆୟତ୍ତ କରିଥିଲେ । ଗତକାଲି ଅଗ୍ନି ଉତ୍ସବ ପାଳନ ସମୟରେ ଜୋରାଗଡିଆ ଗ୍ରାମର ମଦନ ମୋହନ ଦାସ ଓ ମହୁରା ଗ୍ରାମର ସ୍ନେହାଂଶୁ ମହାନ୍ତିଙ୍କ ବିପୁଳ ବାଉଁଶ ବୁଦା ନିଆଁ ଲଗାଇ ଦିଆଯାଇଥିଲା ବୋଲି ଅଭିଯୋଗ ହୋଇଥିଲା । ସ୍ଥାନୀୟ ଅଗ୍ନିଶମ କର୍ମଚାରୀମାନେ ଅଗ୍ନି ନିର୍ବାପନ କରିଥିଲେ । ଆଜି ହେଲପୁର ଗ୍ରାମର ପ୍ରଫୁଲ୍ଲ ସାହୁଙ୍କ ପାଇଖାନା ଟାଙ୍କିରେ ପଡିଯାଇଥିବା ପଦ୍ମନାଭ ସାହୁଙ୍କ ଗାଈକୁ ଦମକଳକେନ୍ଦ୍ର କର୍ମଚାରୀମାନେ ସୁରକ୍ଷିତ ଭାବେ ଉଦ୍ଧାର କରଥିଲେ ।
