ଭୁବନେଶ୍ୱର ୧୫.୧ (ଓଡ଼ିଆ ପୁଅ) – କେନ୍ଦ୍ର ମୋଦି ସରକାର ପ୍ରଣୟନ କରିଥିବା ୩ ଗୋଟି କଳା କୃଷି ଆଇନ୍ ଯୋଗୁଁ ଦେଶର ୬୨ କୋଟି କୃଷକ ଜୀବନ ଜୀବିକା ପାଇଁ ସଂଘର୍ଷ କରୁଛନ୍ତି। ଏହି କଳା ଆଇନ୍ର ପ୍ରତ୍ୟାହାର ଦାବିରେ ଲକ୍ଷ ଲକ୍ଷ କୃଷକ ଦିଲ୍ଲୀ ସୀମାରେ ୫୦ ଦିନ ଧରି ଧାରଣା ଓ ବିକ୍ଷୋଭ ଜାରି ରଖିଛନ୍ତି। ପ୍ରବଳ ଥଣ୍ଡା, ଅଦିନିଆ ବର୍ଷା ଓ କୁଆପଥର ବୃଷ୍ଟି ଯୋଗୁଁ ପାଖାପାଖି ୬୦ ଜଣ କୃଷକ ମୃତ୍ୟୁବରଣ କଲେଣି। ତା ସତ୍ୱେ ନିଜ ଜିଦ୍ରେ ଅଟଳ କେନ୍ଦ୍ର ସରକାର ଭାରତର ଅନ୍ନଦାତାମାନଙ୍କର ଦୁର୍ଦ୍ଦଶା ପ୍ରତି କର୍ଣ୍ଣପାତ କରୁନାହାନ୍ତି। ଏ ମଧ୍ୟରେ ୮ ଥର ବିଭାଗୀୟ ମନ୍ତ୍ରୀମାନଙ୍କ ସହ ଆଲୋଚନା ହୋଇଥିଲେ ମଧ୍ୟ ଅନ୍ନଦାତାଙ୍କ ଦାବି ପ୍ରତି ସରକାର ତିଳେମାତ୍ର ଉଦାର ମନୋଭାବ ପୋଷଣ କରିନାହାନ୍ତି। ଏଭଳି ମୁହୁର୍ତରେ ସେହି ଅନ୍ନଦାତାମାନଙ୍କ ପଛରେ ଦୃଢ଼ ଭାବରେ ଛିଡା ହେବା ପାଇଁ କଂଗ୍ରେସ ଅଧ୍ୟକ୍ଷା ଶ୍ରୀମତୀ ସୋନିଆ ଗାନ୍ଧୀ ନିଷ୍ପତି ନେଇଛନ୍ତି ଏବଂ ପ୍ରତ୍ୟେକ କଂଗ୍ରେସ କର୍ମୀ ଓ ନାଗରିକମାନଙ୍କର ଏହା ନୈତିକ କର୍ତବ୍ୟ ବୋଲି କହିଛନ୍ତି। ଏକ ପକ୍ଷରେ ଏହି କଳା ଆଇନ୍କୁ ପ୍ରତ୍ୟାହାର ଦାବିରେ ଅନ୍ନଦାତାମାନେ ଲଢ଼େଇ ଜାରି ରଖିଥିବା ବେଳେ ମାନ୍ୟବର ସୁପ୍ରିମକୋର୍ଟଙ୍କ ରାୟ ଓ କମିଟିକୁ ପ୍ରମୁଖ ଚାଷୀ ସଂଗଠନ ଗୁଡ଼ିକ ପ୍ରତ୍ୟାଖାନ କରିଛନ୍ତି।
ସେହିପରି କେନ୍ଦ୍ର ସରକାର ବାରମ୍ବାର ପେଟ୍ରୋଲ ଓ ଡିଜେଲର ମୂଲ୍ୟ ବୃଦ୍ଧି କରି ଏବେ ସର୍ବକାଳୀନ ବୃଦ୍ଧିରେ ପହଂଚିଛନ୍ତି। ଯାହାକି ୭୩ ବର୍ଷ ଇତିହାସରେ ପ୍ରଥମ। ବିଗତ ୬ ବର୍ଷ ମଧ୍ୟରେ ମୋଦି ସରକାର ପେଟ୍ରୋଲ ଉପରେ ଶୁଳ୍କ ଲିଟର ପ୍ରତି ଟ.୯.୨୦ ପଇସା (ମଇ ୨୦୧୪) ରୁ ବୃଦ୍ଧି କରି ବର୍ତମାନ ଟ. ୩୨.୯୮ ପଇସାରେ ପହଂଚାଇଛନ୍ତି। ଯାହାକି ୨୫୮ ପ୍ରତିଶତ ଅଧିକ। ସେହିଭଳି ଡିଜେଲ ଉପରେ ଶୁଳ୍କ ଲିଟର ପ୍ରତି ଟ.୩.୪୬ ପଇସା (ମଇ ୨୦୧୪) ରୁ ବୃଦ୍ଧି କରି ବର୍ତମାନ ଟ. ୩୧.୮୩ ପଇସାରେ ପହଂଚାଇଛନ୍ତି। ଯାହାକି ୮୨୦ ପ୍ରତିଶତ ଅଧିକ ଅଟେ। ଯେତେବେଳେ ଅଶୋଧିତ ତୈଳର ଦର ବ୍ୟାରେଲ୍ ପିଛା ୧୧୦ ଡଲାର କମି ୫୦ ଡଲାର ରେ ପହଂଚିଅଛି ସେତେବେଳେ ଉପରୋକ୍ତ ଦର ବୃଦ୍ଧି ଯୋଗୁଁ ମୋଦି ସରକାର ୧୯ ଲକ୍ଷ କୋଟି ଟଙ୍କା ପେଟ୍ରୋଲ ଓ ଡିଜେଲରୁ ଆଦାୟ କରିଛନ୍ତି। ଯାହାକି କୃଷକ ଓ ସାଧାରଣ ଜନତାଙ୍କ ଉପରେ ପ୍ରତ୍ୟକ୍ଷ ଭାବରେ ପ୍ରଭାବ ପକାଇଛି।
ଏହି ପରିପ୍ରେକ୍ଷୀରେ କଂଗ୍ରେସ ଦଳ ପକ୍ଷରୁ କୃଷକମାନଙ୍କୁ ଦୃଢ଼ ସମର୍ଥନ ଜଣାଇ ସୁପ୍ରିମକୋର୍ଟ ରାୟରେ ସ୍ଥଗିତ ଥିବା ତିନିଗୋଟି କଳା କୃଷି ଆଇନର ସଂପୂର୍ଣ୍ଣ ପ୍ରତ୍ୟାହାର ଦାବିରେ ଏବଂ ଡିଜେଲ ଓ ପେଟ୍ରୋଲର ଦର ବୃଦ୍ଧିକୁ ପ୍ରତ୍ୟାହାର ଦାବି ନେଇ ଆଜି ଓଡିଶା ପ୍ରଦେଶ କଂଗ୍ରେସ କିମଟି ପକ୍ଷରୁ ପିସିସି ସଭାପତି ଶ୍ରୀ ନିରଞ୍ଜନ ପଟ୍ଟନାୟକଙ୍କ ନେତୃତ୍ୱରେ ରାଜଭବନ ଘେରାଉ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି ଉପଲକ୍ଷେ ଏହି ବିଶାଳ ଶୋଭାଯାତ୍ରା ପାୱାର ହାଉସ୍ ଛକଠାରୁ ବାହାରି ରାଜଭବନ ଅଭିମୁଖେ ଯାଇଥିଲା। ପରେ ପିସିସି ସଭାପତି ଶ୍ରୀ ପଟ୍ଟନାୟକଙ୍କ ନେତୃତ୍ୱରେ କଂଗ୍ରେସର ଏକ ପ୍ରତିନିଧି ଦଳ ରାଜଭବନରେ ମାନ୍ୟବର ରାଜ୍ୟପାଳଙ୍କୁ ଭେଟି ସ୍ମାରକପତ୍ର ପ୍ରଦାନ କରିଥିଲେ। ମାନ୍ୟବର ରାଜ୍ୟପାଳ ଏ ସଂପର୍କରେ କେନ୍ଦ୍ର ସରକାରଙ୍କ ଦୃଷ୍ଟି ଆକର୍ଷଣ କରିବେ ବୋଲି ପ୍ରତିଶ୍ରୁତି ଦେଇଥିଲେ। ଏହି ପ୍ରତିନିଧି ଦଳରେ ଅନ୍ୟମାନଙ୍କ ମଧ୍ୟରେ ଜି. ରୁଦ୍ର ରାଜୁ, ସପ୍ତଗିରି ଉଲାକା, ଜୟଦେବ ଜେନା, ଶରତ ପଟ୍ଟନାୟକ, ଭକ୍ତଚରଣ ଦାସ, ରାମଚନ୍ଦ୍ର ଖୁଂଟିଆ, ଅନନ୍ତ ପ୍ରସାଦ ସେଠୀ, ମହମ୍ମଦ ମୋକିମ୍, ସୁରେଶ କୁମାର ରାଉତରାୟ, ଅଧିରାଜ ମୋହନ ପାଣିଗ୍ରାହୀ, ଜଗନ୍ନାଥ ପଟ୍ଟନାୟକ, ଶରତ ରାଉତ, ଶିବାନନ୍ଦ ରାୟ, ଗଣେଶ୍ୱର ବେହେରା, ଶୁଭେନ୍ଦୁ ମହାନ୍ତି, ଅମୀୟ ପଟ୍ଟନାୟକ, ସ୍ମୃତିରଂଜନ ଲେଙ୍କା, ଅଂଶୁମାନ ମହାନ୍ତି, ବନ୍ଦିତା ପରିଡା, ୟାସିର ନୱାଜ, ପଦ୍ମାକର ଗୁରୁ, ଅଜୟ ସାମଲ, ମନ୍ମଥ ରାଉତରାୟ ପ୍ରମୁଖ ଉପସ୍ଥିତ ଥିଲେ।
ଆଜିର ଏହି ଘେରାଉ କାର୍ଯ୍ୟକ୍ରମରେ କଂଗ୍ରେସ ନେତୃବୃନ୍ଦ ସର୍ବଶ୍ରୀ ବିଶ୍ୱଜିତ୍ ଦାସ, ପଂଚାନନ କାନୁନ୍ଗୋ, ବିଜୟଲକ୍ଷ୍ମୀ ସାହୁ, ଉମାବଲ୍ଲଭ ରଥ, ଭୂଜବଳ ମାଝୀ, ଦେବାଶିଷ ପଟ୍ଟନାୟକ, ସୁରେନ୍ଦ୍ର ପରମାଣିକ, ରାଜକିଶୋର ଷଡଙ୍ଗୀ, ଅଜିତ୍ ମଙ୍ଗରାଜ, ମନୋଜ ରାଉତ, ଜ୍ଞାନଦେବ ବେଉରା, ହେମନ୍ତ ଦାସ, ହଳଧର ସେଠୀ, ସୁରେଶ ମହାପାତ୍ର, ନବୀନ ଚନ୍ଦ୍ର ନାରାୟଣ ଦାସ, ସୁରେଶ ପାଣିଗ୍ରାହୀ, ରଂଜିତ୍ ଦାସ, କିଶୋର ଜେନା, ନିହାର ମହାନନ୍ଦ, ଅଶ୍ୱିନୀ ଗୁରୁ, ସୁବ୍ରତ ଦାସ, ସଂଜୀବ ଗିରି, ଭାରତଭୂଷଣ ବେମାଲ, ନବ ମିଶ୍ର, ଗିରିବାଳା ବେହେରା, ଭରତ ଅୱସ୍ତୀ, ଅନାମ ନାୟକ, ନିପନ ଦାସ, ପ୍ରଣତି ମିଶ୍ର, ବିଷ୍ଣୁଚରଣ ବାରିକ, ରଶ୍ମି ମହାପାତ୍ର, ଜାନକୀ ବଲ୍ଲଭ ପଟ୍ଟନାୟକ, ମନୋରଞ୍ଜନ ଦାଶ, ବେଣୁମାଧବ ତ୍ରିପାଠୀ, ଦୀପକ ମହାପାତ୍ର, ପ୍ରଦୀପ ସ୍ୱାଇଁ, ସ୍ୱାଗତିକା ପଟ୍ଟନାୟକ, ରଜନୀ ମହାନ୍ତି, ସୁଶାନ୍ତ ତ୍ରିପାଠୀ, ଶମ୍ଭୁ ପାଣିଗ୍ରାହୀ, ନିଶିକାନ୍ତ ମିଶ୍ର, ଚିନ୍ମୟ ସୁନ୍ଦର ଦାସ, ଚିନ୍ମୟ ବେଉରା, ରାଜୀବ ପଟ୍ଟନାୟକ, ସତ୍ୟବ୍ରତ ନାୟକ, ସଂଜୟ ମିଶ୍ର, ଜ୍ୟୋତିଷ ସାହୁ, ମହମ୍ମଦ ଶାହାଦୁଲ୍ଲା, ଜୟକୃଷ୍ଣ ସୁବୁଦ୍ଧି, ମୋହନ ଜେନା, ଜୟନ୍ତ ଭୋଇ, ଆଦିତ୍ୟ ପ୍ରୀତମ ଦାସ, ସାଗର ପରିଡା, ଗୀତାଞ୍ଜଳି ମହାନ୍ତି, ଶ୍ରିୟାସ୍ମିତା ପଣ୍ଡା, ଅଶୋକ ଦାସ, ସ୍ୱାଧିନବାଳା ଦାସ, ଲିଙ୍ଗରାଜ ସାହୁ, ପ୍ରକାଶ ମିଶ୍ର, କନକଲତା ମଲିକ, କୈଳାସ ସାହୁ, ସୁରେନ୍ଦ୍ରନାଥ କର, ନିରୁପମା ପାତ୍ର, ନିରୁପମା ଦାସ, ବାଙ୍କନିଧି ବେହେରା, ବିସ୍ମୟ ମହାପାତ୍ର, ମନୋଜା ମଂଜରୀ ଦେବୀ, ଜୟକୃଷ୍ଣ ମଲିଆ, ନଳିନୀକାନ୍ତ ନାୟକ, ମଧୁସ୍ମିତା ସେଠୀ, ନାଶିର ଖାନ, ଦେଓ ପ୍ରସାଦ, ଦୁଲ୍ଲାଲ ପ୍ରଧାନ, ନିରଞ୍ଜନ ନାୟକ, ଦୀପକ ସାହୁ, କହ୍ନେଇ ସେଠୀ, ଜଗଦିଶ ମହାନ୍ତି, ନିର୍ମଳା ମଲିକ, ବଟକୃଷ୍ଣ ରାଉତରାୟ, ଦିଲ୍ଲିପ ନାୟକ, ପ୍ରଶାନ୍ତ ବିଷୋୟୀ, ନିରଞ୍ଜନ ଲେଙ୍କା, ମନୋଜ ନାୟକ, ରୀତାଶ୍ରୀ ମହାନ୍ତି, ରୂପାଦିପ୍ତା ମହାପାତ୍ର, ହମିଦ୍ ହୁସନେ୍, ମୁକ୍ତାର ଖାଁ, ଅବଦୁଲ୍ ବାରୀ, ଏମ୍.ଏ. ପରବିନ୍, ଦିପ୍ତିରାଣୀ ପ୍ରଧାନ, କୁସୁମ ପ୍ରଧାନ, ସନ୍ତୋଷ ନନ୍ଦ, ଆଲୋକ ବେହେରା, ବଳଭଦ୍ର ଦାସ, କୁଳମଣି ସାହୁ, ତାପସ ସେଠୀ, ବିଦ୍ୟାଧର ଜେନା, ଅଂଶଗ୍ରହଣ କରିଥିଲେ।
