ମାଲକାନଗିରି,୧୪ ।୧(ଓଡିଆ ପୁଅ) କରୋନା କଟକଣା କୋହଳ ହେବାପରେ ଜିଲ୍ଲାରେ ହାଇସ୍କୁଲ ଗୁଡିକୁ ଖୋଲା ଯାଇ ଦଶମ ଓ ଦ୍ୱାଦଶ ଶ୍ରେଣୀର ଛାତ୍ର ଛାତ୍ରୀ ମାନଙ୍କୁ ଶିକ୍ଷାଦନ ଆରମ୍ଭ କରାଯାଇଛି । ଏହି ସ୍କୁଲ ଖୋଲିବା ପରେ କାଲିମେଳା ହାଇସ୍କୁଲର କିଛି ଛାତ୍ର ଓ ଶିକ୍ଷକ ମାନଙ୍କର କୋଭିଡ ଟେଷ୍ଟ କରାଯାଇଥିଲା । ୪ଜଣ ଛାତ୍ର କରୋନା ଆକ୍ରାନ୍ତ ହୋଇ ସେମାନଙ୍କ ପଜିଟିଭ ରିପୋର୍ଟ ଆସିବା ପରେ ସେମାନଙ୍କୁ ମାଲକାନଗରି ଜିଲ୍ଲା କୋଭିଡ ହସପିଟାଲରେ ଚିକିତ୍ସା ନିମନ୍ତେ ଭର୍ତି କରାଯାଇଛି । ସେମାନଙ୍କ ଅବସ୍ଥା ସ୍ଥିର ଥିବାର ଜଣାପଡିଛି । ହାଇସ୍କୁଲର ୪ଜଣ ଛାତ୍ର କରନୋ ଆକ୍ରାନ୍ତ ହେବା ଖବର ପାଇ ଅନ୍ୟାନ ହାଇସ୍କୁଲ ର ଛାତ୍ର ଛାତ୍ରୀ ଓ ଅଭିଭାବକ ମହଲରେ ଛନକାପସି ଯାଇଛି । ଏହି ଘଟଣାପରେ ବିଦ୍ୟାଳୟ ଗୁଡୁକରେ ଛାତ୍ର ଛାତ୍ରୀ ମାନଙ୍କ ଉପସ୍ଥାନ ହ୍ରାସପାଇଥିବାର ଦେଖିବାକୁ ମିଳିଛି । କାଲିମେଳା ହାଇସ୍କୁଲକୁ ଆଗ୍ନିଶମବିଭାଗ ପକ୍ଷରୁ ସାନିଟାଇଜ କରାଯାଇଛି ।
