ଭଦ୍ରକ, ୧୬ା୧୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଆଜି ଭଦ୍ରକ ଜିଲ୍ଲାରୁ ନୂଆ କରୋନା ଆକ୍ରାନ୍ତ ୧୫ଜଣ ଚିହ୍ନଟ ହୋଇଛନ୍ତି । ଆଜି ସୁଦ୍ଧା ଜିଲ୍ଲାର ମୋଟ ଆକ୍ରାନ୍ତଙ୍କ ସଂଖ୍ୟା ହୋଇଛି ୭ ହଜାର ୬୭ । ଏମାନଙ୍କ ମଧ୍ୟରୁ ୬ହଜାର ୯୦୬ଜଣ ସୁସ୍ଥ ହୋଇ ସାରିଛନ୍ତି । ଆଜି ସୁଦ୍ଧା ମୋଟ ୧ଲକ୍ଷ ୫୧ ହଜାର ୮୪୫ଜଣଙ୍କ ନମୁନା ପରୀକ୍ଷା କରାଯାଇ ସାରିଛି । ଆଜି ଯେଉଁ ଆକ୍ରାନ୍ତମାନେ ଚିହ୍ନଟ ହୋଇଛନ୍ତିି ସେମାନେ ହେଲେ ଭଦ୍ରକ ବ୍ଲକର ଅର୍ଣ୍ଣପାଳ ପଞ୍ଚାୟତର ଜଣେ ଏବଂ କୋରକୋରା ପଞ୍ଚାୟତର ଜଣେ, ଭଦ୍ରକ ପୌରପାଳିକାର ୧୦ ନଂ ୱାର୍ଡ, ୧୩ ନଂ ୱାର୍ଡ ଓ ୧୭ ନଂ ୱାର୍ଡରୁ ଜଣେ ଜଣେ, ଚାନ୍ଦବାଲି ବ୍ଲକର ନୂଆଗାଁ ପଞ୍ଚାୟତରୁ ଜଣେ, ଧାମନଗର ଏନ୍ଏସିର ବନସାହି ଅଞ୍ଚଳରୁ ୮ଜଣ ଏବଂ କେନ୍ଦୁଝର ଜିଲ୍ଲା ହାଟଡିହି ବ୍ଲକ ଅଞ୍ଚଳର ଜଣେ ଆକ୍ରାନ୍ତ ଭଦ୍ରକରୁ ଚିହ୍ନଟ ହୋଇଛନ୍ତି ।
