ଭଦ୍ରକ, ୨୮ା୧୦ (ଓଡ଼ିଆ ପୁଅ / ସ୍ନିଗ୍ଧା ରାୟ) – ରାଜ୍ୟର ଅନ୍ୟତମ ସଫଳ ପ୍ରତିଷ୍ଠିତ ଶିକ୍ଷାନୁଷ୍ଠାନ ଏସ୍.ବି.ଡି. ଇଣ୍ଟରନ୍ୟାସନାଲ ସ୍କୁଲର ଛାତ୍ରଛାତ୍ରୀଗଣ ନିକଟରେ ପ୍ରକାଶିତ ହୋଇଥିବା ନିଟ, ଜେ.ଇ. (ମେନ), କ୍ଲାଟ ପରୀକ୍ଷାରେ ଅଭୁତପୂର୍ଣ୍ଣ ସଫଳତା ଅର୍ଜନ କରିଛନ୍ତି । ଉକ୍ତ ବିଦ୍ୟାଳୟର ଛାତ୍ର ସୀତାଂଶୁ ପାଣିଗ୍ରାହ ଓ ସୁଶ୍ରୀ ଭାବନା ଗୁପ୍ତା ନିଟ ପରୀକ୍ଷରେ ସଫଳତା ଅର୍ଜନ କରି ସମସ୍ତଙ୍କୁ ଗୌରବାନ୍ୱିତ କରିଛନ୍ତି । ସୁଶ୍ରୀ ପାୟଲ ବେହେରା ଓ ବୈଭବ ନାୟକ ଆଇ.ଆଇ.ଟି. ପ୍ରବେଶିକା ପରୀକ୍ଷାରେ ସଫଳତା ଅର୍ଜନ କରି ପ୍ରମାଣିତ କରିଛନ୍ତି ଯେ କଠିନ ପରିଶ୍ରମ ସଫଳତାର ଚାବିକାଠି । ସେହିପରି ବିଦ୍ୟାଳୟର ପୂର୍ବତନ ଛାତ୍ରୀ ସୁଶ୍ରୀ ମଧୁଲିକା ତ୍ରିପାଠୀ ସର୍ବଭାରତୀୟ କ୍ଲାଟ ପରୀକ୍ଷାରେ ସଫଳତା ଅର୍ଜନ କରିଛନ୍ତି । ଏହି କୃତୀ ଛାତ୍ରଛାତ୍ରୀଙ୍କୁ ବିଦ୍ୟାଳୟ କର୍ତ୍ତୃପକ୍ଷ, ପରିଚାଳନା କମିଟି କୃତଜ୍ଞତା ଜଣାଇବା ସହିତ ସେମାନଙ୍କ ଆଗାମୀ ସଫଳତା କାମନା କରିଛନ୍ତି । ଛାତ୍ରଛାତ୍ରୀଙ୍କ ପରିଶ୍ରମର ମୂଲ୍ୟ ସେମାନଙ୍କୁ ମିଳିଥିବା ନେଇ ବିଦ୍ୟାଳୟର ଅଧ୍ୟାପକ, ଅଧ୍ୟାପିକା ଖୁସିବ୍ୟକ୍ତ କରିବା ସହ ଅନ୍ୟ ଛାତ୍ରଛାତ୍ରୀମାନେ କଠିନ ପରିଶ୍ରମ କରିବାକୁ ଆହ୍ୱାନ ଦେଇଛନ୍ତି ।
