ବାଲିଗୁଡା,୧୫/୨ (ଓଡ଼ିଆ ପୁଅ/ସଞ୍ଜୟ କୁମାର ପାଣିଗ୍ରାହୀ)କନ୍ଧମାଳ ଜିଲ୍ଲା ବାଲିଗୁଡ଼ା ଟାଉନ ଠାରେ ପରିବହନ ଓ ଟ୍ରାନ୍ସପୋର୍ଟ ଅଧିକାରୀଙ୍କ ତରଫରୁ ଶୁକ୍ରବାର ଗାଡ଼ି କାଗଜ ପତ୍ର ଯାଞ୍ଚ ସମୟରେ ଧରା ପଡ଼ିଛନ୍ତି ଏକ ବାଇକ ଚୋର। ପ୍ରକାଶଯେ, ଗତ ତା.୧୦.୧୦.୨୦୧୯ ମସିହାରେ ଆଚାର୍ଯ୍ୟ କଲୋନୀରେ କୁଶ ଦିଗାଲ ମୋଟର ସାଇକଲ ରଖି ବଜାରକୁ ଯାଇଥିଲେ। ସେ ବଜାରରୁ ଆସିଲା ବେଳକୁ ତାଙ୍କ ବାଇକ ଆଉ ନଥିଲା। ଏନେଇ କୁଶ ସଙ୍ଗେସଙ୍ଗେ ବାଲିଗୁଡା ଥାନାରେ ଏକ ଏତଲା ଦାଏର କରିଥିଲେ।
ଏତଲାକୁ ଭିର୍ତ୍ତି କରି ପୋଲିସ ତନାଘନା ଜାରୀ ରଖିଥିଲା। ଶୁକ୍ରବାର ବାଇକ କାଗଜ ପତ୍ର ଯାଞ୍ଚ ସମୟ ରେ ଏହା ଧରାପଡ଼ିଥିଲା। ସେଠାରୁ ମେଲିସିକିଆ ଗ୍ରାମର ଜୟାନନ୍ଦ ମଳିକ ନାମକ ଜୈନକ ବ୍ୟକ୍ତି ଗାଡ଼ି ଚୋରି କରି ନେଇଥିଲେ। ଏ ନେଇ ବାଲିଗୁଡା ଥାନାରେ କେଶନଂ.୧୩୪/୧୯ ମାମଲା ରୁଜୁ ହୋଇଥିଲା ।ଶୁକ୍ରବାର ଆସାମୀକୁ କୋର୍ଟ ଚାଲାଣ କରାଯିବା ସହ କୁଶ ଦିଗାଲଙ୍କୁ ବାଲିଗୁଡ଼ା ଥାନା ଭାରପ୍ରାପ୍ତ ଅଧିକାରୀ ପ୍ରଶାନ୍ତ ବେହେରା ମୋଟର ସାଇକେଲ ହସ୍ତାନ୍ତର କରିଥିବା ବିଷୟ ଥାନା ସୂତ୍ରରୁ ଜଣାପଡିଛି।
