ଭଦ୍ରକ,୨୨/୧୦,(ଓଡ଼ିଆ ପୁଅ ପି ନାୟକ): ଗତକାଲି ଭଦ୍ରକ ବନ୍ତ ବ୍ଲକ ଆଡିଆ ଅଗିରାଗାଡ଼ିଆ ଗ୍ରାମରେ ଏକ ଭୟାବହ ଅଗ୍ନିକାଣ୍ଡ ଘଟିଛି । ଅଗ୍ନିକାଣ୍ଡରେ ୩ ଟି ପରିବାରର ୧୫ ବଖରା ଘର ଭସ୍ମ ହୋଇଯାଇଥିବା ବେଳେ ୧୦ ଟି ଛେଳି ଓ ୫ ଟି ଗୋରୁ ଜୀବନ୍ତ ଦଗ୍ଧ ହୋଇଯାଇଛନ୍ତି । ସୂଚନା ଅନୁସାରେ, ଗତକାଲି ବିଳମ୍ବିତ ରାତିରେ ଶୋଇଥିବା ବେଳେ ହଠାତ ନିଆଁ ଲାଗିଯାଇଥିଲା । ପରେ ସେମାନେ ପ୍ରାଣ ବିକଳରେ ବାହାରକୁ ବାହାରି ଆସିଥିଲେ । ହେଲେ ଗୃହପାଳିତ ପଶୁ ଏଥିରୁ ବର୍ତ୍ତି ପାରିନଥିଲେ । ପରେ ଖବର ପାଇ ଘଟଣାସ୍ଥଳରେ ଦମକଳ ବାହିନୀ ପହଞ୍ଚି ନିଆଁକୁ ଆୟତ କରିଥିବା ସୂଚନା ମିଳିଛି ।
