କଟକ,୧୬/୧୦,(ଓଡ଼ିଆ ପୁଅ ପି ନାଏକ): ଦୀର୍ଘ ଏକ ସପ୍ତାହ ପରେ ମିଳିଲା କାଠଯୋଡ଼ି ବ୍ରିଜ୍ ଉପରୁ ଡେଇଁ ଆତ୍ମହତ୍ୟା କରିଥିବା ଯୁବକ ଦେବବ୍ରତଙ୍କର ମୃତଦେହ । ଦୀର୍ଘ ୪ ଦିନ ପର୍ଯ୍ୟନ୍ତ କୋଠଯୋଡିରେ ଓଡ୍ରାଫ୍ ଓ ଅଗ୍ନିଶମ ବିଭାଗ କର୍ମଚାରୀମାନେ ଖୋଜାଖୋଜି କରି ବିଫଳ ହୋଇଥିଲେ । ତେବେ ଆଜି ଦେବୀ ନଦୀରେ ଏକ ମୃତଦେହ ଭାସୁଥିବା ଦେଖି ଲୋକେ ପୋଲିସକୁ ଖବର ଦେଇଥିଲେ । ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହକୁ ଉଦ୍ଧାର କରିଛି । ତା ପର୍ସରୁ ମିଳିଥିବା ଗାଡି ରେଜିଷ୍ଟ୍ରେସନ ସାର୍ଟିଫିକେଟରୁ ସେ ଦେବବ୍ରତ ବୋଲି ସ୍ପଷ୍ଟ ହୋଇଛି । ପରିବାର ଲୋକଙ୍କୁ ଏନେଇ ଖବର ଦିଆଯାଇଛି । ସେମାନେ ଶବ ଚିହ୍ନଟ କରିବା ପରେ ପୋଷ୍ଟ ମର୍ଟମ ପାଇଁ ପଠାଯିବ ବୋଲି ପୋଲିସ ପକ୍ଷରୁ କୁହାଯାଇଛି ।
