ଭଦ୍ରକ, ୨୯ା୧୦ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଏହି ଜିଲାର ଧୁଷୁରୀ ଥାନା ଅଧୀନସ୍ଥ ଆରଡି ଫାଣ୍ଡି ଅଂଚଳରେ ଥିବା ରୟାଲ ପେଲେସ୍ ଲଜ୍ରୁ ୩ ଜଣ ଦେହଜୀବୀ ଓ ୩ ଜଣ ଯୁବକ ଗିରଫ ହେବା ଘଟଣା ସ୍ଥାନୀୟ ଅଂଚଳରେ ଚର୍ଚ୍ଚାର ବିଷୟ ହୋଇଛି । ଘଟଣାରୁ ପ୍ରକାଶ ଆରଡି ସ୍ଥିତ ହୋଟେଲ୍ ରୟାଲ ପେଲେସ୍ରେ ଆଜି ଦେହ ବ୍ୟବସାୟ ଚାଲୁଥିବା ନେଇ ଜିଲା ଆରକ୍ଷୀ ଅଧୀକ୍ଷକ ବରୁଣ ଗୁଣ୍ଟୁପାଲିଙ୍କ ନିକଟରେ ଖବର ପହଞ୍ôଚଥିଲା । ଫଳରେ ତାଙ୍କ ନିର୍ଦ୍ଦେଶ କ୍ରମେ ଧାମନଗର ଏସ୍ଡିପିଓଙ୍କୁ ସୂଚନା ଦେବା ପରେ ଧୁଷୁରୀ ଥାନାଧିକାରିଣୀ ବନାନୀ ବେହେରାଙ୍କ ନେତୃତ୍ୱରେ ଏସଆଇ ଚିନ୍ମୟୀ ବିଶ୍ୱାଳ, ବାସୁଦେବ ଓରାମ୍, ଏଏସ୍ଆଇ ପରମାନନ୍ଦ ସାମଲ ଓ ପୁଲିସ୍ କର୍ମଚାରୀମାନେ ଉକ୍ତ ଲଜ୍ ଉପରେ ଦିନ ୨ଟାରେ ଚଢାଉ କରିଥିଲେ । ଏବଂ ବିଭିନ୍ନ କୋଠରୀରେ ରହି ଦେହ ବ୍ୟବସାୟ କରୁଥିବା ଦେହଜୀବୀ ଓ ଯୁବକଙ୍କୁ ଅସଂଯତ ଅବସ୍ଥାରେ ଗିରଫ କରାଯାଇଥିଲା । ସେମାନଙ୍କ ଠାରୁ ପୁଲିସ୍ କଣ୍ଡୋମ୍ ଓ ଉତ୍ତେଜିତ ଔଷଧ ଜବତ କରିଛି । ଏଠାରେ ସୂଚନାଯୋଗ୍ୟ ସଂପୃକ୍ତ ହୋଟେଲ ରୟାଲ ପ୍ୟାଲେସରେ ସେକ୍ସ ରାକେଟ୍ ଚାଲୁଥିବା ନେଇ ବିଭିନ୍ନ ସମୟରେ ଅଭିଯୋଗ ହୋଇଆସୁଥିଲା । ଯାହା ସ୍ଥାନୀୟ ଫାଣ୍ଡି ଅଧିକାରୀଙ୍କ ସଲାସୁତୁରାରେ ହୋଇଆସୁଥିଲା ବୋଲି ଏସ୍ପିଙ୍କ ନିକଟରେ ଅଭିଯୋଗ ପହଞ୍ôଚôଥଲା । ଫଳରେ ଆଜି ଆରଡି ଫାଣ୍ଡିକୁ କୌଣସି ସୂଚନା ନଦେଇ ଏସ୍ପିଙ୍କ ନିର୍ଦ୍ଦେଶ କ୍ରମେ ଧୁଷୁରୀ ପୁଲିସ୍ର ଉପରୋକ୍ତ ଟିମ୍ ହୋଟେଲରେ ଚଢାଉ କରି ଯାଜପୁର ଜିଲାର ଥାଲୁକୁଡି, ନାରିଗାଁ, ମହାନ୍ତିପଡା ଓ ବିଂଝାରପୁର ଅଂଚଳର ୨ ଜଣ ଯୁବକ ସହିତ ୨ ଜଣ ଯୁବତୀ ଓ ଭଦ୍ରକ ଗ୍ରାମାଞ୍ଚଳ ଥାନା ଅର୍ଣ୍ଣପାଳ ଅଂଚଳର ଜଣେ ଯୁବକଙ୍କ ସହିତ ଜଣେ ଯୁବତୀଙ୍କୁ ଗିରଫ କରିଛି । ଏଥିସହ ହୋଟେଲ ମ୍ୟାନେଜର ଦେବଦତ୍ତ ନାୟକଙ୍କୁ ଗିରଫ କରାଯାଇଥିବାବେଳେ ଲଜ୍ ମାଲିକ ଅମରଜ୍ୟୋତି ନାୟକଙ୍କ ନାମରେ ମଧ୍ୟ ମାମଲା ରୁଜୁ ହୋଇଛି । ଏଠାରେ ସୂଚନାଯୋଗ୍ୟ ଏହି ଲଜ୍ରୁ ବିବାହ ପାଇଁ ପ୍ରସ୍ତାବ ଥିବା ବିଂଝାରପୁର ଅଂଚଳର ପ୍ରେମିକ ଓ ପ୍ରେମିକାକୁ ପୁଲିସ୍ ତଦନ୍ତ କରି ଛାଡିଦେଇଛି ।
