ଭଦ୍ରକ, ୧୩ା୧୨ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଶ୍ରୀଜଗନ୍ନାଥ ଦର୍ଶନ ପ୍ରଚାର ସମିତିର ଏକ ଜରୁରୀ ବୈଠକ ଭଦ୍ରକସ୍ଥ ବାଲଗୋପାଲ ମନ୍ଦିର ପରିସରରେ ସମିତିର ମୁଖ୍ୟ ପରିଚାଳକ ପଣ୍ଡିତ ଭାଗିରଥୀ ନନ୍ଦଶର୍ମାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା । ଏଥିରେ ଚଳିତବର୍ଷ ଜାନୁଆରୀ ପହିଲାରେ ଶାସକୀୟ ନବବର୍ଷ ଉପଲକ୍ଷେ ପ୍ରଚାର ସମିତିର ପ୍ରତିଷ୍ଠା ସ୍ମାରକୀ ନେତ୍ରୋତ୍ସବ ବାର୍ଷିକ ସମାରୋହ ଭଦ୍ରକ ନିକଟସ୍ଥ ବ୍ରହ୍ମପୁର ପଞ୍ଚାୟତ ଅନ୍ତର୍ଗତ କୁଣ୍ଡିବାଗ ଗ୍ରାମସ୍ଥ ଶ୍ରୀଜଗନ୍ନାଥ ମନ୍ଦିର ପରିସରରେ ଅନୁଷ୍ଠିତ ହେବାକୁ ସ୍ଥିର କରାଗଲା । ପୂର୍ବ ବର୍ଷ ପରି ଚଳିତ ବର୍ଷ ଭଦ୍ରକ ଜିଲ୍ଲାପାଳ ନେତ ଉତ୍ସବ ସମାରୋହରେ ମୁଖ୍ୟଅତିଥି ଏବଂ ସମ୍ମାନିତ ଅତିଥି ଭାବେ ଭଦ୍ରକ ଆରକ୍ଷୀ ଅଧୀକ୍ଷକ, ମୁଖ୍ୟବକ୍ତା ଭାବେ ଶିକ୍ଷାବିତ୍ ରାମଚନ୍ଦ୍ର ପଣ୍ଡା ପ୍ରମୁକଙ୍କୁ ଆମନ୍ତ୍ରଣ କରାଯିବାକୁ ସିଦ୍ଧାନ୍ତ ଗ୍ରହଣ କରାଗଲା । ଏ ସମସ୍ତ କାର୍ଯ୍ୟକ୍ରମ କୋଭିଡ଼ ନିୟମ ଅନୁସରେ ପାଳନ କରାଯିବାକୁ ସ୍ଥିର କରାଗଲା । ଏହି ବୈଠକରେ ଶରତ ଚନ୍ଦ୍ର ମହାନ୍ତି, ସହସମ୍ପାଦକ ବାବୁଲାଲ ଦାସ, ଶନେଇ ଶିଅଳ, ପ୍ରଶାନ୍ତ କୁମାର ଦେ, ନେପାଳ ଚନ୍ଦ୍ର ଦାସ, କାହ୍ନୁ ଚରଣ ଦାସ, ସନାତନ ସାହୁ, ଶଶିକାନ୍ତ ଗିରି, ଲକ୍ଷ୍ମୀଧର ଖଟୁଆ ପ୍ରମୁଖ ଉପସ୍ଥିତ ଥିଲେ । ବୈଠକ ପ୍ରାରମ୍ଭରେ ମୁଖ୍ୟ ଆବାହକ ଶରତ କୁମାର ସାହୁ ପୂର୍ବ ବୈଠକର ବିବରଣୀ ପାଠ କଲେ । ସାମରୋହ ନିମନ୍ତେ ଆୟବ୍ୟୟର ଅଟକଳ ଆନୁମାନିକ ଭାବେ ସ୍ଥିର କରାଗଲା ଓ ପରିଶେଷରେ ଧନ୍ୟବାଦ ଅର୍ପଣ କରାଯାଇ ସଭାସାଙ୍ଗ ହୋଇଥିଲା ।
