ନୟାଗଡ଼, ୧ା୧୧ (ଓଡ଼ିଆ ପୁଅ/ସୁରେନ୍ଦ୍ରନାଥ ପ୍ରଧାନ) : ଶରଣକୁଳ ଲଡୁକେଶ ଆଥ୍ଲେଟିକ ଆସୋସିଏସନ ଆନୁକୂଲ୍ୟରେ ୬୦ିତମ ସର୍ବଭାରତୀୟ ଫୁଟବଲ୍ ଟୁର୍ଣ୍ଣାମେଂଟ ସ୍ଥାନୀୟ ନାରାୟଣୀ ହାଇସ୍କୁଲ ପଡ଼ିଆରେ ଉଦ୍ଘାଟିତ ହୋଇଯାଇଛି। ଆସୋସିଏସନର ସଭାପତି ବିଧାୟକ ସତ୍ୟନାରାୟଣ ପ୍ରଧାନ ଏହାକୁ ଉଦ୍ଘାଟନ କରିଥିଲେ। ଉଦ୍ଘାଟନୀ ଖେଳରେ ସଂର୍ଘ୍ଷ କ୍ଳବ ଭୁବନେଶ୍ୱର ଓ ମା ମଙ୍ଗଳା କ୍ଳବ କଟକ ମଧ୍ୟରେ ଅନୁଷ୍ଠିତ ହୋଇଥିଲା। ଏଥିରେ ସଂଘର୍ଷ କ୍ଳବ ଭୁବନେଶ୍ୱର ୨-୧ ଗୋଲରେ ବିଜୟୀ ହୋଇଥିଲେ। ଏହି ଖେଳକୁ ବିଜୟ ଦାଶ ପରିଚାଳନା କରିଥିବାବେଳେ ରାଜୁ ମହାନ୍ତି, ଲକ୍ଷ୍ମୀ ପ୍ରସାଦ ଓ ଶିବ ପ୍ରସାଦ ଦାଶ ଲାଇନରେ ସହାୟତା କରିଥିଲେ। ଖେଳର ଧାରା ବିବରଣୀ ଦେଇଥିଲେ କୃଷ୍ଣ ଚନ୍ଦ୍ର ମହାପାତ୍ର। ସଭାପତି ଶ୍ରୀ ପ୍ରଧାନଙ୍କ ସମେତ ସଂପାଦକ ଯୋଗେନ୍ଦ ନାଥ ପ୍ରଧାନ, ଉପ ସଭାପତି ବିକ୍ରମ କୁମାର ଦାଶ, ବୈକୁଣ୍ଠ କୁମାର ସିଠ, ମହେନ୍ଦ୍ର ନାଥ ପ୍ରଧାନ, ଯୁଗ୍ମ ସଂପାଦକ ରବିନ୍ଦ୍ର କୁମାର ଚୌଧୁରୀ, ଶ୍ୟାମଘନ ସାହୁ, ମିନାକ୍ଷୀ ପ୍ରସାଦ ସାହୁ ପ୍ରମୁଖ ଶତାଧିକ ଆସୋସିଏସନର ସଦସ୍ୟ ଲଡ଼ୁବାବାଙ୍କ ମନ୍ଦିର ଠାରୁ ଏକ ବିରାଟ ଶୋଭାଯାତ୍ରାରେ ବାହାରୀ ଖେଳ ପଡ଼ିଆଠାରେ ପହଂଚିଥିଲେ।
