ତାଳଚେର,୨୭/୧୧(ଓଡ଼ିଆ ପୁଅ/ଅଜିତ କୁମାର ବେହେରା): ପବିତ୍ର ମହାପଂଚୁକ ପାଳନ ଅବସରରେ ତାଳଚେର ବ୍ଲକ୍ ଅନ୍ତର୍ଗତ ସୋଲଡା ତେଲିପୁର ସାହି ନିକଟସ୍ଥ ରୁଗୁଡି ଆଶ୍ରମରେ ଏକ ଗୋପାଳ ସହସ୍ର ନାମଯଜ୍ଞ ଅନୁଷ୍ଠିତ ହୋଇଯାଇଛି । ଆଶ୍ରମର ମହନ୍ତ ବାବା ବାମଦେବ ଦାସଙ୍କ ଆବାହକତ୍ୱରେ ଅନୁଷ୍ଠିତ ଏହି ଯଜ୍ଞରେ କର୍ତା ଭାବରେ ରବିନାରାୟଣ ସାହୁ ଓ ତାଙ୍କ ଧର୍ମପତ୍ନୀ କନକ ସାହୁ ଯୋଗ ଦେଇଥିଲେ । ଈଶ୍ୱର ଚନ୍ଦ୍ର ଶତପଥୀ ଓ ସନ୍ତୋଷ ଶତପଥୀ ସୂର୍ଯ୍ୟ ପୂଜା,ଗୋପୂଜନ,ପଂଚ କର୍ମ,ଗୀତା ପାଠ,ପୂର୍ଣ୍ଣାହୂତି ପ୍ରମୁଖ ଅନୁଷ୍ଠାନ ବିଧି ମୁତାବକ ସମ୍ପନ୍ନ କରିଥିଲେ । କୋଭିଡ ନିୟମ ପାଳନ ପୂର୍ବକ ଆଶ୍ରମର ସ୍ୱଳ୍ପ ସଂଖ୍ୟକ ଭକ୍ତଙ୍କ ଉପସ୍ଥିତିରେ ଯଜ୍ଞକାର୍ଯ୍ୟ ସମାପନ ହୋଇଥିଲା । ବାବା ଇନ୍ଦ୍ରମଣି ଅବଧୂତ ମହାରାଜ ଓ ବାବା ପ୍ରାଣବନ୍ଧୁ ଦାସ ଯଜ୍ଞକାର୍ଯ୍ୟରେ ସକ୍ରିୟ ସହଯୋଗ କରିଥିଲେ ।
