ମୁମ୍ବାଇ ୬ -୧୦ (ଓଡ଼ିଆ ପୁଅ) ରାମାୟଣରେ ରାବଣର ଚରିତ୍ର ପାଇଁ ଜଣାଶୁଣା ଅଭିନେତା ଅରବିନ୍ଦ ତ୍ରିବେଦୀଙ୍କର ହୃଦଘାତରେ ମଙ୍ଗଳବାର ରାତିରେ ଦେହାନ୍ତ ହୋଇଛି। ସେ ୮୨ ବର୍ଷର ହୋଇଥିଲେ।
ଅରବିନ୍ଦଙ୍କ ରାମାୟଣ ସହ-ତାରକା ସୁନୀଲ ଲାହିରି ସ୍ୱର୍ଗତ ଅଭିନେତାଙ୍କ ଚିତ୍ର ସେୟାର କରି ବୁଧବାର ସକାଳେ ଇନଷ୍ଟାଗ୍ରାମରେ ଲେଖିଛନ୍ତି, ‘ବହୁତ ଦୁଃଖଦ ସାମଚର ଅଟେ କି ଆମର ସମସ୍ତଙ୍କର ଅତି ଆଦରର ଅରବିନ୍ଦ ଭାଇ (ରାମାୟଣର ରାବଣ) ଏବେ ଆମ ମଧ୍ୟରେ ନାହାଁନ୍ତି ଭଗବାନ୍ ତାଙ୍କ ଆତ୍ମା କୁ ଶାନ୍ତି ଦିଅନ୍ତୁ। ମୁଁ ବାପାଙ୍କ ସମାନ ବ୍ୟକ୍ତିଙ୍କୁ ହରାଇଥିଲି ମୋର ଜଣେ ଭଲ ଭଲ ବୁଦ୍ଧିମାନ ପଥପ୍ରଦର୍ଶକ ଏବଂ ଭଦ୍ର ବ୍ୟକ୍ତି ଥିଲେ।’
ଏକ ରିପୋର୍ଟରେ ଦର୍ଶାଯାଇଛି ଯେ, ଅଭିନେତା ଅସୁସ୍ଥ ଥିଲେ ଏବଂ ସେ ଚାଲିବାକୁ ମଧ୍ୟ ଅସମର୍ଥ ଥିଲେ। ଏଥିରେ ଅରବିନ୍ଦଙ୍କ ପୁତୁରା କୌସ୍ତୁବ ତ୍ରିବେଦୀ କହିଛନ୍ତି ଯେ, ଗତ କିଛି ବର୍ଷ ହେବ ସେ ଅସୁସ୍ଥ ଥିଲେ। ଗତ ତିନିବର୍ଷ ମଧ୍ୟରେ ତାଙ୍କର ଅବସ୍ତା ଅତ୍ୟନ୍ତ ଖରାପ ହୋଇଯାଇଥିଲା। ତାଙ୍କୁ ଅନେକ ଥର ଡାକ୍ତରଖାନାରେ ଭର୍ତ୍ତି କରାଯାଇଥିଲା।’
ସେ ଆହୁରି ମଧ୍ୟ କହିଛନ୍ତି, ‘ସେ ଗତ ମାସରେ ଡାକ୍ତରଖାନାରୁ ଫେରି ଆସିଥିଲେ। ମଙ୍ଗଳବାର ରାତିରେ ସେ ପ୍ରାୟ ୯:୩୦ ସମୟରେ ହୃଦଘାତରେ ପୀଡିତ ହୋଇଥିଲେ। ମୁମ୍ବାଇର କାଣ୍ଡିଭାଲୀ ନିବାସରେ ତାଙ୍କର ଦେହାନ୍ତ ହୋଇଛି। ‘ ବୁଧବାର ଦିନ ପ୍ରାୟ ୮ ଟା ସମୟରେ ଅରବିନ୍ଦଙ୍କ ଶେଷ ରୀତିନୀତି କରାଯିବ ବୋଲି ସେ ସୂଚନା ଦେଇଛନ୍ତି।
ଏହାପୂର୍ବରୁ ଅରବିନ୍ଦଙ୍କ ମୃତ୍ୟୁକୁ ନେଇ ଏକ ମିଥ୍ୟା ଖବର ପ୍ରଚାରିତ ହୋଇଥିଲା ଏବଂ ଲାହିରୀ ନିଶ୍ଚିତ କରିଥିଲେ ଯେ ସେ ଭଲ ଅଛନ୍ତି। ସେ ଏକ ଫଟୋ ସେୟାର କରି ମେ ୨୦୨୧ ରେ ଲେଖିଥିଲେ, ‘ଆଜିକାଲି କୋଭିଡ୍ -୧୯ ମହାମାରୀ ହେତୁ ଆମେ ଖରାପ ଖବରରେ ଭରି ରହିଛୁ ଏବଂ ଏଥର ଅରବିନ୍ଦ ତ୍ରିବେଦୀ ଜୀ (ରାବଣ) ଙ୍କ ବିଷୟରେ ମିଥ୍ୟା ଖବର ଥିଲା। ଯେଉଁମାନେ ଏପରି ମିଥ୍ୟା ଗୁଜବ ପ୍ରଚାର କରୁଛନ୍ତି ମୁଁ ସେମାନଙ୍କୁ ଅନୁରୋଧ କରୁଛି। ଭଗବାନଙ୍କ କୃପାରୁ ଅରବିନ୍ଦ ଜୀ ଭଲ ଅଛନ୍ତି ଏବଂ ମୁଁ ପ୍ରାର୍ଥନା କରୁଛି ଯେ ଭଗବାନ ତାଙ୍କୁ ସର୍ବଦା ସୁସ୍ଥ ରଖନ୍ତୁ।
