ଭଦ୍ରକ, ୯ା୧୨ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଏହି ଜିଲାର ଧାମନଗର ଥାନା ଅନ୍ତର୍ଗତ ଦୋବଲ ନିକଟସ୍ଥ ମୁସ୍ତଫାପୁର ପଂଚାୟତ କାଳୀବଜାର ନିକଟରେ ଆଜି ଜଣେ ଯୁବକର ଝୁଲନ୍ତା ମୃତଦେହକୁ ପୁଲିସ ଉଦ୍ଧାର କରିଛି । ପ୍ରକାଶ ଥାଉକି ମୃତ ଯୁବକ ସ୍ଥାନୀୟ ନବକିଶୋର ଦାସଙ୍କ ପୁଅ ତପନ କୁମାର ଦାସ (୩୩) ଗତକାଲି ବିଳମ୍ବିତ ରାତ୍ରୀରେ ଶୋଇବା ଘରେ ଫ୍ୟାନରେ ବେକରେ ଏକ ପ୍ଳାଷ୍ଟିକ ରଶି ଦ୍ୱାରା ଆତ୍ମହତ୍ୟା କରିଥିବାର ପୁଲିସ ସୂତ୍ରରୁ ପ୍ରକାଶ । ଏନେଇ ଘଟଣା ସ୍ଥଳେ ପୁଲିସ ପହଂଚି ଶବ ଜବତ କରିବା ସହିତ ଏକ ଅପମୃତ ମାମଲା ରୁଜୁକରି ବ୍ୟବଚ୍ଛେଦ ପାଇଁ ଭଦ୍ରକ ପଠାଇଛି । ତେବେ ମୃତ୍ୟୁର କାରଣ ଜଣାପଡ଼ିନଥିବାବେଳେ ଏହା ଏକ ପ୍ରେମ ଜନିତ ଆତ୍ମହତ୍ୟା ବୋଲି ସ୍ଥାନୀୟ ଅଂଚଳର ଗୁଞ୍ଜରଣ ସୃଷ୍ଟି ହୋଇଛି । ତେବେ ଶବ ବ୍ୟବଚ୍ଛେଦ ରିପୋର୍ଟ ଆସିବାପରେ ପ୍ରକୃତ ସତ୍ୟତା ଜଣାପଡ଼ିବ ବୋଲି ପୁଲିସ ପ୍ରକାଶ କରିଛି ।
