ମାଲକାନଗିରି,୯ା୪ (ଓଡିଆ ପୁ୍ଅ )) ମାଲାକନଗିରି ଜିଲ୍ଲା ବନବିଭାଗକୁ ମିଳିଛି ଏକ ସଫଳତା ,୨ଟି ଟ୍ରାକ୍ଟର ଯୋଗେ ମୂଲ୍ୟବାନ ସାଗୁଆନ କାଠଗଣ୍ଡି ଚୋରା ଚାଲାଣ କରୁଥିବା ସମୟରେ ବନବିଭାଗ ଜବତ କରିଛି । ଗୁରୁବାର ଦିନ ମଧ୍ୟରାତ୍ରରେ କିଛି କାଠ ଚୋରା ବେପାରୀ ଟ୍ରାକ୍ଟର ଯୋଗେ ମୂଲ୍ୟବାନ ସାଗୁଆନ କାଠ ଗୋରାଖୁଠାଂ ଆଖପାଖ ଜଙ୍ଗଲରୁ ମାଲକାନଗିରି ଥାନାସ୍ଥ ଏମଭି ୨୪ଗ୍ରାମକୁ ଚାଲାଣ କରାଯାଉଥିବାର ଖବର ବନବିଭାଗ ନିକଟରେ ପହଁଚିଥିଲା । ମାଲକାନଗିରି ଡିଏଫଓ ପ୍ରଦୀପ ମିରାସେ ଙ୍କ ନିର୍ଦ୍ଦେଶକ୍ରମେ ବନାଚଂଳ ଅଧିକାରୀ ଜଗନ୍ନାଥ ବିଷୋୟୀ ଙ୍କ ନେତୃତ୍ୱରେ ବନପାଳ ମୁରଲି ଧର ଅନୁଗୁଳିଆ,ରାଜେଶ ସେଠୀ,ଅର୍ଜିୁନ ବାଟେ ଓ ୧୫ ଜଣ ବନବିଭାଗ ପାରା ସ୍କାର୍ଡ ଷ୍ଟାପ ଗୁରୁବାର ମଧ୍ୟ ରାତ୍ରରୁ ଗୋରାଖୁଟାଂ ପଚାଂୟତ କାମଲାଗୁଡା ରାସ୍ତାରେ ଛକି ରହିଥିଲେ । ଆଜି ବଢି ଭୋରୁ ୪ଟା ରେ ସେହି ରାସ୍ତାରେ ଦୁଇଟି କାଠବୋଝେଇ ଟ୍ରାକ୍ଟର ଆସୁଥିବାର ଦେଖି ବନ ବିଭାଗ କର୍ମଚାରୀ ମାନେ ଚଢଉକରିଥିଲେ । ସେଥିରେ ଥିବା ୪ଜଣ ବ୍ୟକ୍ତି ଦୌଡି ପାଳାଇ ଯାଉଥିବା ବେଳେ ବନବିଭାଗ କର୍ମଚାରୀ ମାନେ ସେମାନଙ୍କୁ ଗୋଡାଇ ଧରିଥିଲେ । କାଠ ବୋଝେଇ ଟ୍ରାକ୍ଟର ଦୁଇଟିକୁ ଜବତ କରିବା ସହିତ ୪ଜଣଙ୍କୁ ଗିରଫ କରି ରେଜଂ କାର୍ଯ୍ୟାଳୟ କୁ ନେଇଥିଲେ । ଗିରଫ ବ୍ୟକ୍ତି ମାନେ ହେଲେ ଏମଭି୩୯ ଗ୍ରାମର ଭୈରବ ଧର, ମିଟୁଂବିଶ୍ୱାସ, କାଡେଲମେଟଲା ଗ୍ରାମର କଶା ସୋଡି, ଦେବ ପୁଜାରୀ । ଦୁଇଟି ଟ୍ରାକ୍ଟରରେ ୧୩ ଟି ବୃହତ ମୂଲ୍ୟବାନ ସାଗୁଆନ ଓ ପିଆଶାଳ କାଠ ଗଣ୍ଡି ଥିଲା, ସେଗୁଡିକର ମୂଲ୍ୟପ୍ରାୟ ୩ଲକ୍ଷଟଙ୍କାରୁ ଉର୍ଦ୍ଦ ହେବ ବୋଲି ଜଣାପଡିଛି । କାଠ ଚୋରାଚାଲାଣ ଅଭିଯୋଗରେ ଗିରଫ ୪ଜଣଙ୍କୁ ଆଜି କୋର୍ଟଚାଲାଣ କରାଯାଇଛି ।
