କୋରାପୁଟ ୨୪-୦୬(ଓଡିଆ ପୁଅ /ରଂଜନ ଦାସ) ମାଛକୁଣ୍ଡ ପୋଲିସ ଦ୍ୱାରା ଏକ କାରରୁ ୬ଲକ୍ଷ ଟଙ୍କାର ଗଞ୍ଜେଇ ଜବତ କରା ଯାଇଥିବାବେଳେ ଜଣେ ଗଞ୍ଜେଇ ମାଫିଆଙ୍କୁ ଗିରଫ କରାଯାଇଥିବା ନନ୍ଦପୁର ଏସଡିପିଓ ସଂଜୟ ମହାପାତ୍ର ସୂଚନା ଦେଇଛନ୍ତି । ଗିରଫ ଅଭିଯୁକ୍ତ ଜଣକ ହେଲେ ବିହାର ପାଟଣା ଅଂଚଳର ଗୁଡୁ କୁମାର(୨୮) । ମାଛକୁଣ୍ଡ ଥାନା ସିନ୍ଧିପୁଟ ଅଂଚଳରୁ ବିହାରକୁ ଚୋରା ଗଞ୍ଜେଇ ଚାଲାଣ ହେଉଥିବା ସୂଚନା ଏସପି ବରୁଣ ଗୁଣ୍ଠୁପାଲି୍ଲିଙ୍କୁ ମିଳିଥିଲା । ଏସପିଙ୍କ ନିର୍ଦ୍ଦେଶରେ ନନ୍ଦପୁର ଏସଡିପିଓ,ମାଛକୁଣ୍ଡ ଥାନା ଏଏସଆଇ ମନୋଜ ନାୟକ,ଲମତାପୁଟ ଫାଣ୍ଡି ଅଧିକାରୀ ଦିଲ୍ଲୀପ ପ୍ରଧାନଙ୍କ ନେତୃତ୍ୱରେ ଚୋରା ଗଞ୍ଜେଇ ଧରପଗଡ ପାଇଁ ବଡକିଚବ ନିକଟରେ ସମସ୍ତ ଗାଡି ଯାଂଚ କରାଯାଇଥିଲା । ଯାଂଚ ସମୟରେ ଓଆର-୦୨ଏଜି ୦୭୩୦ ମାରୁତି କାରକୁ ଅଟକାଇ ଚେକିଂ କରିବା ବେଳକୁ ସେଥିରୁ ଗଞ୍ଜେଇ ମିଳିଥିଲା । ପୋଲିସ କାରରୁ ୧୫୩ କିଲୋଗ୍ରାମ ଗଞ୍ଜେଇ ଜବତ କରିଛି,ଯାହାର ଆନୁମାନିକ ବଜାର ମୂଲ୍ୟ ୬ଲକ୍ଷ ଟଙ୍କା ହେବ ବୋଲି ଜଣାପଡିଛି ।
