ଭଦ୍ରକ, ୨୫ା୧୨ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଆଗରପଡ଼ା ନିକଟସ୍ଥ ବରଦା ପଞ୍ଚାୟତ ଅଧିନ ବିଷ୍ଣୁପୁର ଠାରେ ମହିମା ଧର୍ମ ମହାଯଜ୍ଞ ଅନୁଷ୍ଠିତ ହୋଇଯାଇଛି । ଗ୍ରାମର ବଳରାମ ତରେଇଙ୍କ ଆବାହକତ୍ୱରେ ଆୟୋଜିତ ମହାଯଜ୍ଞରେ ବ୍ରହ୍ମ ଅବଧୂତ ସନ୍ୟାସୀ ବାବା ଅଚ୍ୟୁତାନନ୍ଦ ଦାସ ପୌରହିତ୍ୟ କରିଥିବାବେଳେ ସାଧୁ ଅରୂପାନନ୍ଦ ଦାସ ସହଯୋଗ କରିଥିଲେ । ଦୂର ଦୂରାନ୍ତରୁ ଆସିଥିବା ଭକ୍ତମାନେ ଦୀକ୍ଷା ଗ୍ରହଣ, ଶରଣ ଦର୍ଶନ କରିବା ପରେ ଅଖଣ୍ଡ ପ୍ରଦିପ ପ୍ରଜ୍ଜ୍ୱଳନ କରାଯାଇ ବ୍ରହ୍ମଧ୍ୱନୀ ସ୍ଥାପନ କରାଯାଇଥିଲା । ସନ୍ଧ୍ୟାରେ ଭଜନ ମଣ୍ଡଳୀ ଦ୍ୱାରା ଭଜନ ସନ୍ଧ୍ୟା ପରିବେଷଣ ପରେ ପ୍ରବଚନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଉକ୍ତ କାର୍ଯ୍ୟକ୍ରମ ଗ୍ରାମର ଭକ୍ତ ବୁଦ୍ଧିରାମ ନାୟକ, ଉମାକାନ୍ତ ବେଜ, ବାଇଧର ସାହୁ, ଅନନ୍ତ ସାହୁ, ବଳରାମ ଜେନା, ଚୈତନ୍ୟ ବେହେରା ପ୍ରମୁଖ ପରିଚାଳନାରେ ସହଯୋଗ କରିଥିଲେ । ଏଥିରେ ଶତାଧିକ ଭକ୍ତ ଯୋଗଦେଇ ପ୍ରସାଦ ସେବନ କରିଥିଲେ ।
