କଟକ, ୦୩/୧୧, (ଓଡ଼ିଆ ପୁଅ ପି ନାୟକ): କଟକ ବନଖଣ୍ଡ ଚୌଦ୍ୱାର ବ୍ଲକ କହ୍ନେଇପୁର ଗାଁରେ ପ୍ରାୟ ୨୦୦ ହାତୀ ପଲ ଆତଙ୍କ ରଚାଇଛନ୍ତି। ସ୍ଥାନୀୟ ଲୋକଙ୍କ ଘର ଦ୍ବାର ଭାଙ୍ଗିବା ସହ କ୍ଷେତରେ ପଶି ମାଣ ମାଣ ଫସଲ ନଷ୍ଟ କରୁଛନ୍ତି। ଗାଁ ଲୋକଙ୍କ କହିବା ଅନୁଯାୟୀ, ଲଗାଣ ବର୍ଷା ରେ ଯାହା ଫସଲ ନଷ୍ଟ ହୋଇଥିଲା ଆଉ ବାକି ଯାହା ଥିଲା ତାକୁ ଏବେ ହାତୀପଲ ନଷ୍ଟ କରୁଛନ୍ତି। ହାତୀଙ୍କ ଏହି ଉପଦ୍ରବ ଯୋଗୁଁ ଗାଁ ଲୋକଙ୍କ ନିଦ ହଜିଯାଇଛି। ସେମାନେ ଏବେ ମୁଣ୍ଡରେ ହାତ ଦେଇ ବସିଛନ୍ତି। ବନବିଭାଗକୁ ଖବର ମିଳିବା ପରେ ସେମାନେ ଆସି ହାତୀପଲଙ୍କୁ ଘଉଡ଼ାଇବାକୁ ଉଦ୍ୟମ ଜାରି ରଖିଥିବା ସୂଚନା ମିଳିଛି।
