କୋରାପୁଟ ୦୯-୦୫(ଓଡିଆ ପୁଅ /ରଂଜନ ଦାସ) ଖୁଂଟରେ ଚଢି କାମ କରୁଥିବାବେଳେ ବିଦ୍ୟୁତ ଆଘାତରେ ସେମିଲିଗୁଡା ଟିପିଏସଓଡିଏଲ କର୍ମଚାରୀ ରାଜେନ୍ଦ୍ର ମୁଠେଇ ଗୁରୁତର ଆହତ ହୋଇଥିବା ଜଣାପଡିଛି । ରାଜେନ୍ଦ୍ରଙ୍କ ଘର ସେମିଲିଗୁଡା ବ୍ଲକ ବଡବଡେଙ୍ଗା ବୋଲି ଜଣାପଡିଛି । ସୂଚନା ମୂତାବକ ରବିବାର ପୂର୍ବାହ୍ନ୍ନରେ ବିଦ୍ୟୁତ ସଂଯୋଗ କାଟି ରାଜେନ୍ଦ୍ର ସେମିଲିଗୁଡା ସହରରେ ଏକ ବିଦ୍ୟୁତ୍ ଖୁଂଟ ଉପରେ ଚଢି କାମ କରୁଥିବାବେଳେ ହଠାତ କେହି ବିଦ୍ୟୁତ ସଂଯୋଗ ଦେଇ ଦେବାରୁ ସେ ବିଦ୍ୟୁତ ଆଘାତ ପାଇ ତଳେ ଛିଟିକି ପଡିଥିଲେ । ଅନ୍ୟ କର୍ମଚାରୀମାନେ ରାଜେନ୍ଦ୍ରକୁ ଉଦ୍ଧାର କରି ଚିକିତ୍ସା ନିମନ୍ତେ କୋରାପୁଟ ମେଡିକାଲ କଲେଜକୁ ନେଇଥିଲେ । ବର୍ତମାନ ରାଜେନ୍ଦ୍ରର ସ୍ୱାସ୍ଥ୍ୟାବସ୍ଥା ଠିକ ଥିବା ଜଣା ପଡିଛି ।
