ବଡ଼ବିଲ ,ତା ୦୧ ମେ (ଓଡ଼ିଆ ପୁଅ/ସୀତାରାମ ଦୀକ୍ଷିତ) କେନ୍ଦୁଝର ଜିଲ୍ଲା ବଡ଼ବିଲର ଗୁରୁଦ୍ୱାର ଗୁରୁ ସିଂ କମିଟି ତରଫରୁ ମହାମାରୀ କରୋନା ସମୟରେ ରକ୍ତ ଭଣ୍ଡାରରୁ ରକ୍ତ ଅଭାବକୁ ଦୂର କରିବାକୁ ନେଇ ରକ୍ତଦାନ ଶିବିର ଅନୁଷ୍ଠିତ ହୋଯାଇଛି । ଏହି ଶିବିରରେ ସାମାଜିକ ଦୂରତା ରକ୍ଷାକରି ଅତି ଉତ୍ସାହ ସହ ମୋଟ ୩୦ୟୁନିଟ ରକ୍ତ ସଂଗ୍ରହ କରାଯାଇଛି । କରୋନା ସମୟରେ ରକ୍ତ ଭଣ୍ଡାରକୁ ରକ୍ତ ଯୋଗାଇ ଦେବା ପାଇଁ ଅଣ୍ଟା ଭିଡ଼ି ଦୈାଡି ଆସିଛନ୍ତି ଗୁରୁଦ୍ୱାର ଗୁରୁସିଂ କମିଟିର ସଭାପତି ସୁକଦେବ ସିଂ, ସମ୍ପାଦକ ଗୁରୁଚରଣ ସିଂ ଓ ଗୁରୁଦ୍ୱାରର ସମସ୍ତ କର୍ମକର୍ତ୍ତା । ଏହି ରକ୍ତଦାନ ଶିବିରକୁ ଆସିଥିବା ରକ୍ତ ଦାତାଙ୍କ ସ୍ୱତନ୍ତ୍ର ଭାବେ ସାମାଜିକ ଦୂରତା ଅବଲମ୍ବନ କରାଯାଇଥିଲା । ଯଥା ପୃଥକ ଭାବେ ରକ୍ତଦାତାଙ୍କ ଅପେକ୍ଷା ଗୃହ ଓ ରକ୍ତଦାନ ଗୃହ, ପଞ୍ଜିକରଣ ସମୟରେ ଚୁନରେ ଗୋଲେଇ କରି ୨ ମିଟର ବ୍ୟବଧାନ ରକ୍ଷା, ରକ୍ତଦାନ ଶିବିରକୁ ପଶିବା ଆଗରୁ ସାନିଟାଇଜର ଓ ସାବୁନର ବ୍ୟବହାର । ସ୍ୱତନ୍ତ୍ର ସାନିଟାଇଜର କେବିନ, ଜଣେ ରକ୍ତଦାନ କରି ସାରିବା ପରେ ବେଡ଼କୁ ସାନିଟାଇଜ କରିବା ଏଭଳି ବ୍ୟବସ୍ଥା ଦେଖି ରକ୍ତଦାତା ଓ ଅତିଥିମାନେ ଶିବିର ଆୟୋଜକମାନକୁ ସାଧୁବାଦ ସହିତ ଉଦାହରଣ ଅନ୍ୟକୁ ପ୍ରେରଣା ଦେଉଛି ।
