ମାଲକାନଗିରି,୨୩ା୧୧ (ଓଡିଆ ପୁଅ ) ଜିଲ୍ଲାପ୍ରଶାନ ପକ୍ଷରୁ ଆସନ୍ତା ପଚାଂୟତ ନିର୍ବାଚନ ରେ ଭୋଟର ସଂଖ୍ୟାବୃଦ୍ଧି ପାଇଁ ମାଲକାନଗିରି ଜିଲ୍ଲାସ୍ତରୀୟ ଜନ ସଚେତନତା ଆରମ୍ଭ ହୋଇଯାଇଛି । ଆଜି ମାଲକାନଗିରି ମହାବିଦ୍ୟାଳୟ ପରିସରରେ ଉପଜିଲ୍ଲାପାଳ ଅକ୍ଷୟ କୁମାର ଖେମୁଣ୍ଡୁ ଙ୍କ ଅଧ୍ୟକ୍ଷତାରେ ମୁ ବି ଭୋଟର ହେବି ଜିଲ୍ଲାସ୍ତରୀୟ ବକୃତା ପ୍ରତି ଯୋଗୀତାରେ ଅନୁଷ୍ଟିତ ହୋଇ ଯାଇଛି । ଏହି ପ୍ରତି ଯୋଗୀତାରେ ଜିଲ୍ଲାର ୧୪ଟି କଲେଜର ୨୦ଜଣ ଛାତ୍ର ଛାତ୍ରୀ ଭାଗନେଇ ଓଡିଆ ଓ ଇଂରାଜୀରେ ନୂତନ ଭୋଟର ଓ ଶତପ୍ରତିଶତ ମତଦାନ ସଂପର୍କରେ କହିଥିଲେ । ଆସନ୍ତା ତ୍ରିସ୍ତରୀୟ ନିର୍ବାଚନ ପାଇଁ ୨୦୨୨ ଜାନୁଆରୀ ମାସ ସୁଦ୍ଧା ୧୮ବର୍ଷରେ ପଦାର୍ପଣ କରୁଥିବା ଯୁବକ,ଯୁବତୀ ଭୋଟର ତାଲିକାରେ ନାମ ପଜିଂକରଣ କରି ଗଣତନ୍ତ୍ରକୁ ସୁଦୃଢ କରିବା ଦରକାର ବୋଲି ଉପଜିଲ୍ଲାପାଳ ଶ୍ରୀ ଖେମୁଣ୍ଡୁ କହିଥିଲେ । ବକୃତା ପ୍ରତି ଯୋଗୀତାରେ ପ୍ରଥମସ୍ଥାନ ଅଧିକାର କରିଥିବା ମାଲକାନଗିରି କଲେଜର ଛାତ୍ର ସୁଭ ବିଶ୍ୱାସ,ଦ୍ୱିତୀୟ ସ୍ଥାନ ଅଧିକାରୀ କରିଥିବା ଜୁଲି ମିସ୍ତ୍ରୀ ଓ ତୃତୀୟ ସ୍ଥାନ ଅଧିକାର କରିଥିବା ଘଡେଇ ଆବାସୀକ ବିଜ୍ଞାନ ମହାବିଦ୍ୟାଳୟର ଛାତ୍ରୀ ସ୍ନେହଲତା ମୁର୍ମୁ ଙ୍କୁ ପୁରସ୍କାର, ମାନପତ୍ର ପ୍ରଦାନ କରାଯାଇଥିଲା । ଏହି ଜନସଚେତନତା କାର୍ଯ୍ୟକ୍ରମ ମୁ ବି ଭୋଟର ହେବି ବକୃାତ ପ୍ରତି ଯୋଗୀତାରେ ଜୁରୀମେମ୍ବର ବରିଷ୍ଠ ସାମ୍ବାଦିକ ରତ୍ନାକରଦାଶ,ପୁବ ର୍ତନ ଉପଜିଲ୍ଲା ପାଳ ରଥିକୃଷ୍ଣପାତ୍ର,ଅଧ୍ୟାପକ ସରୋଜ କୁମାର ଦାସ,ନମିତା ଦଣ୍ଡସେନା ବିଚାରକ ମଣ୍ଡଳୀଭାବେ ଯୋଗଦେଇଥିଲେ । ଡେପୁଟି କଲେକ୍ଟର ଲଳିତ ମଣ୍ଡଳ ଓ ଜୟଦେବ ଦାଶ କାର୍ଯ୍ୟକ୍ରମ ପରିଚାଳନା କରିଥିଲେ । ଏହି କାର୍ଯ୍ୟକ୍ରମରେ ଅନ୍ୟାନ ମାନଙ୍କ ମଧ୍ୟରେ ମହାବିଦ୍ୟାଳୟର ଅଧ୍ୟକ୍ଷ ଅଶୋକ କୁମାର ସଡଙ୍ଗୀ, ଅଧ୍ୟାପକ ରଂଜନ କୁମାର ସ୍ୱାଇଁ ମଚାଂଶିନ ଥିଲେ । ମାଲକାନଗିରି୧୪୬ ନମ୍ବର ବିଧାନ ସଭା ନିର୍ବାଚନ ମଣ୍ଡଳୀରେ ୨ଲକ୍ଷ ୩୨ହଜାର୩୨ ଜଣ ଭୋଟର ଥିବା ବେଳେ ମହିଳା ଭୋଟର ୧ଲକ୍ଷ ୧୭ହଜାର ୯୪୯ଜଣ ଓ ପୁରୁଷ ଭୋଟର ୧ଲକ୍ଷ୧୪ହଜାର୭୨ଜଣ ଓ ତୃତୀୟ ଲିଙ୍ଗ ଭୋଟର ୧୧ଜଣ ଅଛନ୍ତି । ଚିତ୍ରକୋଣ୍ଡା ୧୪୭ନମ୍ବର ବିଧାନସଭା ନିର୍ବାଚନ ମଣ୍ଡଳୀରେ ୧ଲକ୍ଷ୯୨ହଜାର ୪୨୪ ଜଣ ଭୋଟର ଙ୍କ ମଧ୍ୟରୁ ମହିଳା ଭୋଟର ୧ଲକ୍ଷ୪୭୧ଜଣ ଭୋଟର ଓ ତୃତୀୟ ଲିଙ୍ଗ ଭୋଟର ୯ଜଣ ରହିଛନ୍ତି ।ଜିଲ୍ଲାରେ ମୋଟ୪ଲକ୍ଷ୨୪ହଜାର୪୫୬ଜଣ ଭୋଟର ଅଛନ୍ତି ।
