ନୟାଗଡ଼, ୧୫ା୭ : (ଓଡ଼ିଆ ପୁଅ/ସୁରେନ୍ଦ୍ର ନାଥ ପ୍ରଧାନ) ନୟାଗଡ଼ ଚିନିକଳରୁ ଯନ୍ତ୍ରାଂଶ ଚୋରି ଘଟଣାରେ ନୟାଗଡ଼ ସଦରଥାନା ପୁଲିସ ୨ଜଣଙ୍କୁ ଗିରଫ କରିଛି। ସେମାନେ ହେଲେ ଯନ୍ତ୍ରାଂଶ ବୁହା ଗାଡ଼ିର ଡ୍ରାଇଭର ପ୍ରସନ୍ନ କୁମାର ସ୍ୱାଇଁ ଓ ସନ୍ତୋଷ କୁମାର ସ୍ୱାଇଁ। ଚିନିକଳର ଯନ୍ତ୍ରାଂଶକୁ ଏକ ଟାଟା ଏସି( ଓଡି ୨୫ଜେ ୯୭୨୪) ରେ ଲୋଡ଼ କରିନେଉଥିବାବେଳେ ଚିନିକଳ କ୍ରିୟାନୁଷ୍ଠାନ କମିଟିର ସଦସ୍ୟ ଖବର ପାଇ ଟାଟାଏସିକୁ ଅଟକାଇବା ସହ ୫ଜଣ ଲୁଟେରାଙ୍କ ମଧ୍ୟରୁ ୨ଜଣଙ୍କୁ ଧରିପକାଇଲେ ଓ ଆଉ ୩ଜଣ ସେଠାରୁ ଚମ୍ପଟ ମାରିଲେ। ପୁଲିସକୁ ଖବର ଦେବାରେ ପୁଲିସ ଘଟଣାସ୍ଥଳରେ ପହଂଚି ଅଭିଯୁକ୍ତଙ୍କୁ ଗିରଫ କରିବା ସହ ଟାଟାଏସି ସମେତ ଏକ ମୋଟରସାଇକେଲକୁ ଜବତ କରିଥିଲେ।
