ନୟାଗଡ଼, ୧୭ା୮ (ଓଡ଼ିଆ ପୁଅ/ସୁରେନ୍ଦ୍ର ନାଥ ପ୍ରଧାନ): ନୟାଗଡ଼ ଜିଲାରେ ଆଜି ୧୩ ପଜିଟିଭ୍ ଚିହ୍ନଟ ହୋଇଛନ୍ତି। ଏମାନେ ହେଲେ ଭାପୁର ବ୍ଳକରୁ ଜଣେ, ଖଣ୍ଡପଡ଼ା ବ୍ଳକରୁ ଜଣେ, ନୟାଗଡ଼ ବ୍ଳକରୁ ଜଣେ, ଓଡ଼ଗାଁ ବ୍ଳକରୁ ଜଣେ, ରଣପୁର ବ୍ଳକରୁ ୮ଜଣ ଓ ନୟାଗଡ଼ ପୌରାଂଚଳରୁ ଜଣେ। ଏମାନେ ସମସ୍ତେ ସ୍ଥାନୀୟ ସଂକମଣ ବୋଲି ଜଣାପଡ଼ିଛି। ଅନ୍ୟପକ୍ଷରେ ନୟାଗଡ଼ ବ୍ଳକ ନାଟୁଗାଁ ପଂଚାୟତର ନାଟୁଗାଁ ଗ୍ରାମରୁ ଏକାଧିକ ବ୍ୟକ୍ତି କରୋନା ସଂକ୍ରମଣରେ ସଂକ୍ରମିତ ଜଣାପଡ଼ିବା ପରେ ନାଟୁଗାଁ ସରପଂଚ ପଦ୍ମ ଚରଣ ଉଦୟଭାନୁ ପଂଚାୟତର ନାଟୁଗାଁ, ସଜନାପଡ଼ା, ସୁବଳୟା ଓ ସାଲୁଣି ଗ୍ରାମକୁ ୩ଦିନିଆ ସଟ୍ଡାଉନ୍ ଘୋଷଣା କରିଛନ୍ତି। ସେହିପରିଭାବେ ଗମ୍ଭାରିଡିହି ପଂଚାୟତରେ ୧୩୦ ନମୂନା ପରୀକ୍ଷା ହେବାପରେ ସେଥିରୁ ୧୪ଜଣଙ୍କ କରୋନା ପଜିଟିଭ୍ ଜଣାପଡ଼ିବା ପରେ ଲୋକଙ୍କ ହିତ ଦୃଷ୍ଟିରୁ ସରପଂଚ ଦିବାକର ମିଶ୍ର ଗମ୍ଭାରିଡିହି ପଂଚାୟତକୁ ୩ଦିନିଆ ସଟ୍ଡାଉନ କରିଛନ୍ତି।
