ତିନି ଦଫା ଦାବି ନେଇ ୧୨ ଘଣ୍ଟିଆ କଣ୍ଟାମାଳ ବନ୍ଦ ଡାକରା

ବୌଦ୍ଧ ୨୯।୧୧ (ଓଡ଼ିଆ ପୁଅ) କୋଶଳ ସମନ୍ୱୟ ସମିତି ପକ୍ଷରୁ ଆଜି ତିନି ଦଫା ଦାବି ନେଇ ୧୨ ଘଣ୍ଟିଆ କଣ୍ଟାମାଳ ବନ୍ଦ ଡାକରା ଦିଆଯାଇଛି। ଏହା ଫଳରେ ଦୋକାନ ବଜାର, ସରକାରୀ ଓ ବେସରକାରୀ କାର୍ଯ୍ୟାଳୟ ତଥା ସ୍କୁଲ କଲେଜ ଏବଂ ଯାନବାହନ ଚଳାଚଳ ବନ୍ଦ ରହିଛି। କଣ୍ଟାମାଳ ବ୍ଲକ୍‌କୁ ସବଡିଭିଜନ ଘୋଷଣା, ତରଭା ତେଲ ନଦୀ ସେତୁ ତୁରନ୍ତ ଶେଷ ଓ ଖଳିଆପାଲିଠାରେ ବେଆଇନ ଜମି ଜବରଦଖଲ ଉଚ୍ଛେଦ ଆଦି ଦାବିରେ କୋଶଲ ସମନ୍ୱୟ ସମିତି ଏହି ବନ୍ଦ ପାଳନ କରୁଛି।