ମାଲକାନଗିରି,୧୫ ।୬ (ଓଡିଆ ପୁଅ )ମହାମାରି କରୋନା ସମୟରେ ମାଲକାନଗିରି ଜିଲ୍ଲାର ବିଭିନ୍ନ ଗ୍ରାମର ନିରିହ ଆଦିବାସୀ ଙ୍କୁ ଡାକ୍ତର ପରିଚୟ ଦେଇ ଚିକିତ୍ସା କରିବା ନାମରେ ଟଙ୍କା ଠକିନେଉଥିବା ଅଭିଯୋଗରେ ଦୁଇଜଣ କ୍ୱାକ ଙ୍କୁ ମାଲକାନଗିରି ଥାନାପୁଲିସ ଆଜି ଗିରଫ କରିଛି । ମାଲକାନଗରି ଥାନାସ୍ଥ ଏମଭି୧୩ ଗ୍ରାମର ନିର୍ମଳ ବିଶ୍ୱାସ ଓ ଅତନୁରାୟ ନାମକ ଦୁଇଜଣ ବ୍ୟକ୍ତି କରୋନା କାଳ ସମୟରେ ବିଭିନ୍ନ ଗ୍ରାମକୁ ଯାଇ ନିରିହ ସରଳ ଆଦିବାସୀ ବିଭିନ୍ନ ରୋଗି ମାନଙ୍କୁ ନକିଲି ଔଷଧ,ଇଜେଂକେସନ ଦେବା ଓ ଦୋକାନରୁ କିଣି ଆଣିବା,ରକ୍ତ ମଳ, ମୂତ୍ରପରୀକ୍ଷା ବାହରୁ କରିବାର ଆଳ ଦେଖାଇ ଆଦି ଚିକିତ୍ସା କରିବା ନାମରେ ଟଙ୍କା ଠକି ଚାଲିଥିଲେ । କରୋନା ସମୟରେ ଗାଁ ଗାଁରେ ବିଭିନ୍ନ ରୋଗି ଙ୍କ ସହିତ କରୋନା ମହାମାରିରୁ ସୁରକ୍ଷିତ ରହିବାପାଇଁ କିଛି ଔଷଧ ଦେଇ ଲୋକମାନଙ୍କୁ ଠକିଥିବାର ମଧ୍ୟ ଅଭିଯୋଗ ଆସିଥିଲା । ଅନଭିଜ୍ଞ କ୍ୱାକ ମାନଙ୍କ ଚିକିତ୍ସାରେ ରୋଗି ଭଲ ହେବା ପରିବର୍ତେ ସେମାନଙ୍କ ରୋଗ ଅଧିକ ବଢିଯାଉଥିଲା । ଶେଷ ସମୟରେ ସେହି ରୋଗି ମାନଙ୍କ ପରିବାର ହସପିଟାଲକୁ ଆଣି ଚିକିତ୍ସାକରୁଥିଲେ । ଏପରି ଅଭିଯୋଗ ମାଲକାନଗିରି ଥାନାକୁ ଆସିବାପରେ ମାଲକାନଗିରି ଥାନା କେସନମ୍ବର ୨୦୫/୨୧ ରେ ଭାରତୀୟ ପିଙ୍ଗଳକୋର୍ଡ ୪୧୯/୫୨୦/୩୮୪/୩୪ ଦଫାରେ ମକୋଦମା ରୁଜୁକରାଯାଇ ଥିଲା । ମାଲକାନଗିରି ଏସପି ରିଶିକେଶ ଡି ଖିଲାରୀ ଙ୍କ ନିର୍ଦ୍ଦେଶ କ୍ରମେ ଆଦର୍ଶ ଥାନା ଆଇଆଇସି ରାମପ୍ରସାଦ ନାଗଙ୍କ ନେତୃତ୍ୱରେ ଏକ ସ୍ୱତନ୍ତ୍ର ପୁଲିସ ସ୍କାର୍ଡ ଟିମ ଗଠନ କରାଯାଇ ତଦନ୍ତ ଆରମ୍ଭ କରି ସେ ଦୁଇଜଣ କ୍ୱାକମାନଙ୍କୁ ଖୋଜା ଚାଲିଥିଲା । ଆଜି କ୍ୱାକ ଦୁଇଜଣ ନିର୍ମଳ ବିଶ୍ୱାସ ଓ ଅତନୁ ରାୟ ଙ୍କୁ ପୁଲିସ ଗିରଫ କରି କୋର୍ଟଚାଲାଣ କରିଥିବାର ଜଣାପଡିଛି ।
