ନୂଆ ଦିଲ୍ଲୀ ୨୭ ଅଗଷ୍ଟ (ଓଡ଼ିଆ ପୁଅ) : ଜଲିଆନୱାଲା ବାଗ ମେମୋରିଆଲର କମ୍ପ୍ଲେକ୍ସ ପୁନନିର୍ମାଣ କରାଯାଇଛି। ବର୍ତ୍ତମାନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଜାଲିଆନୱାଲା ବାଗ ମେମୋରିଆଲର ନବୀକରଣ ହୋଇଥିବା କମ୍ପ୍ଲେକ୍ସକୁ ଅଗଷ୍ଟ ୨୮ ସନ୍ଧ୍ୟା ୬:୨୫ ରେ ଭିଡିଓ କନଫରେନ୍ସିଂ ମାଧ୍ୟମରେ ଦେଶକୁ ଉତ୍ସର୍ଗ କରିବେ। ଏହି ସ୍ମାରକୀରେ ନିର୍ମିତ ସଂଗ୍ରହାଳୟ ଗ୍ୟାଲେରୀକୁ ମଧ୍ୟ ପ୍ରଧାନମନ୍ତ୍ରୀ ଲୋକାର୍ପଣ କରିବେ। ସମଗ୍ର କ୍ୟାମ୍ପସକୁ ନବୀକରଣ ପାଇଁ ସରକାର ନେଇଥିବା ଅଗଣିତ ବିକାଶମୂଳକ ପଦକ୍ଷେପ ମଧ୍ୟ ଏହି କାର୍ଯ୍ୟକ୍ରମରେ ପ୍ରଦର୍ଶିତ ହେବ।
ବାସ୍ତବରେ, ଦୀର୍ଘ ଦିନ ଧରି ନିଷ୍କ୍ରିୟ ହୋଇ ରହିଥିବା ଅବ୍ୟବହୃତ ଅଟ୍ଟାଳିକାର ପୁନ ବ୍ୟବହାରକୁ ସୁନିଶ୍ଚିତ କରି ଚାରିଟି ସଂଗ୍ରହାଳୟ ଗ୍ୟାଲେରୀ ସୃଷ୍ଟି କରାଯାଇଛି। ଏହି ଗ୍ୟାଲେରୀଗୁଡ଼ିକ ସେହି ସମୟ ମଧ୍ୟରେ ପଞ୍ଜାବରେ ଘଟିଥିବା ବିଭିନ୍ନ ଘଟଣାର ବିଶେଷ ଐତିହାସିକ ମହତ୍ତ୍ୱ ଦର୍ଶାଏ। ଏହି ଘଟଣାଗୁଡ଼ିକୁ ପ୍ରଦର୍ଶନ କରିବା ପାଇଁ ଅଡିଓ-ଭିଜୁଆଲ୍ ଟେକ୍ନୋଲୋଜି ମାଧ୍ୟମରେ ଉପସ୍ଥାପନା କରାଯିବ, 3D ଚିତ୍ରଣକୁ ମ୍ୟାପିଂ କରିବା ଏବଂ କଳା ଓ ମୂର୍ତ୍ତି ସ୍ଥାପନ ସହିତ ୧୩ ଏପ୍ରିଲ, ୧୯୧୯ ରେ ଘଟିଥିବା ବିଭିନ୍ନ ଘଟଣା ଦେଖାଇବା ପାଇଁ ଏକ ସାଉଣ୍ଡ ଏବଂ ଲାଇଟ୍ ଶୋ’ର ବ୍ୟବସ୍ଥା କରାଯାଇଛି।
