ନୟାଗଡ(ଓଡିଆ ପୁଅ/ଦେବୀପ୍ରସାଦ ଆଚାର୍ଯ୍ୟ)/୦୨/୧୨- ନୟାଗଡ ଜିଲ୍ଲା ଚାନ୍ଦପୁର ଥାନା ପୋଲିସ ଦ୍ୱାରା ଲୁଟ୍ ହୋଇଥିବା ଟଙ୍କା ସହ ଲୁଟେରା ଗିରଫ ହୋଇଥିବା ଜଣାପଡିଛି । ଏଥିସହ ଜବତ ଲୁଟ୍ ଟଙ୍କା ଅଭିଯୋଗକାରି ଙ୍କୁ ଫେରସ୍ତ ଦିଆଯାଇଛି । ଘଟଣାରୁ ପ୍ରକାଶ ଗତ ୩୦ ନଭେମ୍ବର ରାତି ୧୦ ଟା ୩୦ ମିନିଟ୍ ସମୟରେ ଉପେନ୍ଦ୍ରପୁର ଗ୍ରାମର ଜଣେ ଶାରିରୀକ ଅକ୍ଷମ ସୁରେଶନ ନାୟକ ସାଇକେଲ ଯୋଗେ ଘରକୁ ଫେରୁଥିଲେ ।
କନ୍ଧନୟାଗଡ ଗ୍ରାମର ଢେଗା ଓରଫ୍ କବିରାଜ ପଲେଇ ନାମକ ଜଣେ ଯୁବକ ସୁରେଶନ ଠାରୁ ଟଙ୍କା ବ୍ୟାଗ ଟି ଛଡାଇ ନେଇଥିଲେ । ପୋଲିସରେ ଅଭିଯୋଗ ହେବାର ୧୦ ଘଣ୍ଟା ମଧ୍ୟରେ ଅଭିଯୁକ୍ତ ଢେଗା କୁ ପୋଲିସ ଗିରଫ କରିବା ସହ ଲୁଟ୍ ହୋଇଥିବା ୪ ହଜାର ୫ ଶତ ଟଙ୍କା କୁ ଜବତ କରିଥିଲେ । ଜବତ ଟଙ୍କା କୁ ଅଭିଯୋଗକାରୀ ସୁରେଶନ କୁ ପ୍ରଦାନ କରିଥିବା ଜଣାପଡିଛି । ଅଭିଯୁକ୍ତ ଢେଗାକୁ କୋର୍ଟ ଚାଲାଣ କରିବା ପରେ ତାର ଜାମିନ୍ ନାମଞ୍ଜୁର ହେବାରୁ ରଣପୁର ଜେଲ ହାଜତ କୁ ପଠାଇ ଦିଆଯାଇଛି ।
