ନୟାଗଡ(ଓଡିଆ ପୁଅ/ଦେବୀପ୍ରସାଦ ଆଚାର୍ଯ୍ୟ)/୨୮/୧୧- ନୟାଗଡ ଜିଲ୍ଲା ରଣପୁର ବ୍ଲକ ବ୍ରଜରାଜପୁର ଗ୍ରାମପଞ୍ଚାୟତ ଲତାର ଠାରେ ନଭେମ୍ବର ୨୮ ତାରିଖ ରାତ୍ରୀରେ ଏକଦିବସୀୟ ବିଶ୍ୱଜିତ୍ ଶତପଥି ମେମୋରେବୁଲ୍ ରାତ୍ରୀକାଳିନ ଭଲି ଖେଳ ଅନୁଷ୍ଠିତ ହୋଇଯାଇଅଛି । ଏଥିରେ ଖୋର୍ଦ୍ଧା ଜିଲ୍ଲା ଓ ନୟାଗଡ ଜିଲ୍ଲାର ଆଂଚଳିକ ଦଳ ଯୋଗ ଦେଇଥିଲେ । ନରସିଂହପୁର , ପାଟଣା , ରାଜସୁନାଖଳା , ଲତାର , ହଂସରା , ଲେଖନପୁର , ବଳଭଦ୍ରପୁର ଓ ଗଡବାଣିକିଲୋ ୮ ଗୋଟିଦଳ ଯୋଗ ଦେଇଥିଲେ । ଶେଷ ଖେଳ ଗଡବାଣିକିଲୋ ଓ ନରସିଂହପୁର ମଧ୍ୟରେ ଅନୁଷ୍ଠିତ ହୋଇଥିଲା ।
ନରସିଂହପୁର ଦଳ ଗଡବାଣିକିଲୋ ଦଳ କୁ ପଛରେ ପକାଇ ସର୍ବଶ୍ରେଷ୍ଠ ଦଳ ଭାବରେ ବିବେଚିତ ହୋଇଥିଲା । ପ୍ରଫୁଲ୍ଲ ଦଳବେହେରା , ପୁପୁନା ମହାରଣା ଓ ବେଲାଲ୍ଉଦିନ୍ ଖାଁ ଖେଳ ପରିଚାଳନା କରିଥିଲେ । ଅତିଥି ଭାବରେ ସରପଞ୍ଚ ସୁକାନ୍ତ ସାମନ୍ତରାୟ , ସମିତି ସଭ୍ୟ ତପନ କୁମାର ପଟ୍ଟନାୟକ ଓ ପୁର୍ବତନ ବ୍ଲକ ଅଧ୍ୟକ୍ଷ ଇଂ ଦେବାଶିଷ ପଟ୍ଟନାୟକ ଯୋଗ ଦେଇଥିଲେ । ଏହିଖେଳ ଦେଖିବା ପାଇଁ ଶହ ଶହ ସଂଖ୍ୟାରେ ଭଲି ଖେଳପ୍ରିୟ ଯୁବକ ମାନେ ଯୋଗ ଦେଇଥିଲେ ।
