ଗଞ୍ଜାମ,୨୮/୧୦,(ଓଡ଼ିଆ ପୁଅ ପି ନାୟକ):ଗତକାଲି ଗଞ୍ଜାମ ଜିଲ୍ଲା ପାଣ୍ଡିଆପଥର ଗାଁରେ ଗଞ୍ଜାମ ପୋଲିସ ଏନକାଉଣ୍ଟର କରିଛି । ଫଳରେ ଏହି ଏନକାଉଣ୍ଟରରେ ଦୁର୍ଦ୍ଦାନ୍ତ ଅପରାଧି ଟିଙ୍ଗିରି ଦୋରା ଆହତ ହୋଇଛି । ତାର ବାମ ଗୋଡ଼ରେ ଗୁଳି ବାଜିଥିବା ବେଳେ ଆହତ ଟିଙ୍ଗିରିକୁ ଏବେ ବ୍ରହ୍ମପୁରର ବଡ଼ ମେଡିକାଲରେ ଭର୍ତ୍ତି କରାଯାଇ ତାର ଚିକିତ୍ସା କରାଯାଉଛି ।
ସୂଚନା ଅନୁସାରେ, ଗତକାଲି ଅଭିଯୁକ୍ତ ଜଣଙ୍କ ପାଣ୍ଡିପଥର ଗାଁରେ ବଳରାମ ସେଠୀ ନାମକ ଜଣେ ଯୁବକଙ୍କ ଉପରକୁ ଗୁଳି ଚଳାଇଥିଲା । ଫାୟାରିଂରେ ଉକ୍ତ ଯୁବକ ଜଣଙ୍କ ଗୁରୁତର ହୋଇପଡିଥିଲେ । ତାଙ୍କୁ ବ୍ରହ୍ମପୁର ବଡ଼ ମେଡିକାଲରେ ଭର୍ତ୍ତି କରାଯାଇଛି । ଏହାପରେ ଏହି ଘଟଣାରେ ଅଭିଯୁକ୍ତକୁ ଆସିକା ପୋଲିସ ଏନକାଉଣ୍ଟର କରିଛି । ଏବେ ପୋଲିସ ଟିଙ୍ଗିରି ପାଖରୁ ଗୋଟିଏ ମାଉଜର, ଦୁଇଟି ଗୁଳି ଓ ଗୋଟିଏ ମୋଟର ସାଇକେଲ ଜବତ କରିଛି ।
