କୋରାପୁଟ ୩୧-୦୭(ଓଡିଆ ପୁଅ/ରଂଜନ ଦାସ)ଶନିବାର କୋରାପୁଟ ଜିଲ୍ଲାରେ ୬ଜଣ ମହିଳାଙ୍କ ସମେତ ୧୪ ଜଣ କରୋନା ପଜିଟିଭ ଚିହ୍ନଟ ହୋଇଥିବାବେଳେ ଜିଲ୍ଲାରେ ମୋଟ ଆକ୍ରାନ୍ତଙ୍କ ସଂଖ୍ୟା ୧୮୮୨୦ ରେ ପହଂଚିଛି । ଆଜି ଚିହ୍ନଟ ମାନଙ୍କ ମଧ୍ୟରେ କୋରାପୁଟ ପୌରାଂଚଳରୁ ୨,ଜୟପୁର ପୌରାଂଚଳରୁ ୧,ସୁନାବେଡା ପୌରାଂଚଳରୁ ୪ ଓ କୋଟପାଡ ଏନଏସିରୁ ଜଣେ ରହିଥିବାବେଳେ ବୋରିଗୁମ୍ମା,ଦଶମନ୍ତପୁର,ଜୟପୁର,କୋରାପୁଟ ଏବଂ ଲକ୍ଷ୍ମୀପୁର ବ୍ଲକରୁ ଜଣେ ଲେଖାଏଁ ଆକ୍ରାନ୍ତ ଚିହ୍ନଟ ହୋଇଛନ୍ତିାବନ୍ଧୁଗାଁ,ବୈପାରିଗୁଡା,କୋଟପାଡ,କୁନ୍ଦୁରା,ଲମତାପୁଟ,ନନ୍ଦପୁର, ନାରାୟଣପାଟଣା,ପଟ୍ଟାଙ୍ଗୀ ଏବଂ ସେମିଲିଗୁଡା ବ୍ଲକରେ ଜଣେ ହେଲେ ଆକ୍ରାନ୍ତ ଚିହ୍ନଟ ହୋଇ ନାହାନ୍ତି । ଅନ୍ୟ ପକ୍ଷରେ କୋରାପୁଟ ଜିଲ୍ଲାରେ ଜୁଲାଇ ୩୦ ତାରିଖ ସୁଦ୍ଧା ୫ ଲକ୍ଷ ୨୨ ହଜାର ୭୮୨ ଜଣଙ୍କୁ କରୋନା ଟୀକାକରଣ କରାଯାଇଥିବା ଜିଲ୍ଲା ପ୍ରଶାସନ ତରଫରୁ ସୂଚନା ଦିଆଯାଇଛି । ସେହିପରି ଆଜି ସୁଦ୍ଧା ଜିଲ୍ଲାରେ ମୋଟ ଆକ୍ରାନ୍ତଙ୍କ ଭିତରୁ ୧୮୫୮୩ ଜଣ ଚିକିତ୍ସା ପରେ ସୁସ୍ଥ ହୋଇଥିବାବେଳେ ୧୬୫ ଟି ସକ୍ରୀୟ କେସ ରହିଛି । ଆଜି ସୁଦ୍ଧା ଜିଲାରେ ମୋଟ ମୁତ୍ୟୁ ସଂଖ୍ୟା ୭୨ରେ ରହିଛି ।
