ନୟାଗଡ/୩୦/୧୧(ଓଡିଆ ପୁଅ/ଦେବୀପ୍ରସାଦ ଆଚାର୍ଯ୍ୟ)- ସାରା ରାଜ୍ୟ ରେ କରୋନା ସଂକ୍ରମଣ କୁ ରୋକିବା ଲକ୍ଷ ନେଇ କୋଭିଡ କଟକଣା ଲାଗୁ କରାଗଲା । ଯାହାଫଳରେ ଚଳିତ ବର୍ଷ ସମସ୍ତ ପୂଜା ମଣ୍ଡପ ରେ କୋଭିଡ କଟକଣା କୁ ପାଳନ କରି ନିରାଡାମ୍ବର ଭାବରେ ପୂଜା କରାଯାଇଅଛି । ସେହି କଟକଣା କୁ ମାନି ରଣପୁର ସାମୁକା ସାହି ଠାରେ ଦୀର୍ଘ ବର୍ଷ ହେଲା ହୋଇଆସୁଥିବା କାର୍ତ୍ତିକେଶ୍ୱର ପୂଜା କେବଳ ପୂରୋହିତ ଓ କର୍ତ୍ତାଙ୍କୁ ନେଇ ହୋଇଯାଇଅଛି ।
ଏହି ପୂଜା ମଣ୍ଡପରେ ସମାଜରେ ଜନ ସଚେତନତା ସୃଷ୍ଟି ପାଇଁ ଫଟୋଚିତ୍ର ମାଧ୍ୟମରେ ପ୍ରତିମୁର୍ତି କରଯାଇଥାଏ । ଯାହାକୁ ଦେଖିବା ପାଇଁ ପ୍ରବଳ ଭିଡ ଜମିଥାଏ । ଚଳିତ ବର୍ଷ ସେ ସବୁକୁ ବନ୍ଦ କରାଯାଇଅଛି । ଯାହାଫଳରେ ପୂଜା ମଣ୍ଡପ ଖାଁ ଖାଁ ଲାଗୁଛି । ସେହିଭଳି ଭାବରେ ଅନ୍ୟ ସମସ୍ତ ଦେଖିବାକୁ ମିଳିଛି ।
