କେନ୍ଦ୍ରାପଡା, ୧୩ା୮ (ଓଡ଼ିଆ ପୁଅ/ଚିତ୍ତରଞ୍ଜନ ଦାସ) : କେନ୍ଦ୍ରାପଡା ସ୍ୱୟଂ ଶାସିତ ମହାବିଦ୍ୟାଳୟର +୩ କଳା ବିଭାଗର ଶିକ୍ଷା ସମ୍ମାନ ଛାତ୍ରୀ ସୁପ୍ରଭା ପାତ୍ର ଚଳିତ ବର୍ଷ ମୋଟ ୨୬୦୦ମାର୍କରୁ ୨୩୪୭ମାର୍କ ଅର୍ଥାତ ୯୦.୨୬ ପ୍ରତିଶତ ମାର୍କ ରଖି ଶିକ୍ଷା ବିଭାଗର ଟପ୍ପର ହୋଇଛନ୍ତି। ମାଟ୍ରିକ ଏବଂ +୨କଳା ଶ୍ରେଣୀରେ ପ୍ରଥମ ଶ୍ରେଣୀରେ ପାସ କରିଥିବା ସୁପ୍ରଭା ହେଉଛନ୍ତି ଜଣେ ମେଧାବୀ ଛାତ୍ରୀ। ସେ ହେଉଛନ୍ତି କେନ୍ଦ୍ରାପଡା ବ୍ଲକ ଅନ୍ତର୍ଗତ କପାଳେଶ୍ୱର ପଞ୍ଚାୟତର ଜଜାଙ୍ଗ- ଖମାରକେଶପୁର ଗ୍ରାମର ନିର୍ମଳ ପାତ୍ର ଓ କୁନି ପାତ୍ରଙ୍କ କନ୍ୟା। ସୁପ୍ରଭାଙ୍କର ୨ଟି ସାନ ଭଉଣୀ ଅଛନ୍ତି। ତାଙ୍କ ପିତା ଜଣେ କୃଷକ ଏବଂ ମା ଜଣେ ଗୃହିଣୀ ଅଟନ୍ତି। ସୁପ୍ରଭା ଭବିଷ୍ୟତରେ ଜଣେ ଅଧ୍ୟାପିକା ହେବାକୁ ଲକ୍ଷ୍ୟ ରଖିଛନ୍ତି।
