ହାଟଡିହି, ୧୪/୫/ ନନ୍ଦିପଦା ଥାନା ଏଲକଣିଆ ଗାଁ ନିକଟରେ ଆଜି ସକାଳେ ଅଜଣା ଗାଡି ଧକ୍କାରେ ଜଣେ ଯୁବକର ମୃତ୍ୟୁ ଘଟିଛି । ମୃତ ଯୁବକ ଜଣକ ହେଉଛନ୍ତି ଶାଳକଣିଆଁ ଗାଁର ଗୋବିନ୍ଦ ଜେନାଙ୍କ ପୁଅ ବୁଲୁ ଜେନା ୨୮ବର୍ଷ । ସେ କୌଣସି କାମରେ ଏଲକଣିଆଁ ଯାଇ ଫେରୁଥିବାବେଳେ ଏକ ଅଜଣା ଗାଡି ତାକୁ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ବୁଲୁର ମୃତ୍ୟୁ ଘଟିଥିଲା । ଏହି ଖବର ପ୍ରଚାରିତ ହେବାପରେ ଶାଳକଣିଆଁ ଗ୍ରାମରେ ଉତ୍ତେଜନା ପ୍ରକାଶ ପାଇବାସହ ଶତାôଦକ ଗ୍ରାମବାସୀ ଓରାଳି-ଶାଳଣିଆଁ ରାସ୍ତାରେ ଟାୟାର ଜାଳି ଦୀର୍ଘ ସମୟ ପର୍ଯ୍ୟନ୍ତ ରାସ୍ତା ଅବରୋଧ କରିଥିଲେ । ଖବରପାଇ ନନ୍ଦିପଦା ଥାନା ଅଧିକାରୀ ପରେଶ ମହାନ୍ତି, ଶାଳଣିଆଁ ସରପଞ୍ଚ ଶ୍ରୀଧର ବେହେରା, କଳିଗାଁ ସରପଞ୍ଚ ଅମରେନ୍ଦ୍ର ଧଳ, ରାଜସ୍ୱ ନିରୀକ୍ଷକ ପୁରସ୍ତମ କୁଅଁର ପ୍ରମୁଖ ଘଟଣାସ୍ଥଳରେ ପହଞ୍ଚି ଉତ୍ତ୍ୟେକ୍ତ ଲୋକଙ୍କୁ ବୁଝାସୁଝା କରିବା ସହ ସଂପୃକ୍ତ ଯୁବକଙ୍କ ପରିବାରକୁ କ୍ଷତିପୁରଣ ବ୍ୟବସ୍ଥା କରାଇବା ପାଇଁ ପ୍ରତିଶୃତି ଦେବାସହ ମୃତ ଯୁବକର ଶବ ସତ୍କାର ପାଇଁ ରେଡକ୍ରସରୁ ୧୦ହଜାର ଟଙ୍କା ସାହାଯ୍ୟ କରିବାପରେ ରାସ୍ତା ଅବରୋଧ ହଟିଥିଲା ।
