ନୂଆ ଦିଲ୍ଲୀ ୨୬-୨ (ଓଡ଼ିଆ ପୁଅ) ଦିନକୁ ଦିନ ଟେକ୍ନୋଲୋଜି ଆମକୁ ସ୍ୱଳ୍ପ ମୂଲ୍ୟରେ ବହୁତ ଭଲ ଭଲ ଉପହାର ଦେବାକୁ ଆରମ୍ଭ କଲାଣି। ପୂର୍ବରୁ ସିସିଟିଭି ଇନ୍ଷ୍ଟାଲେସନ୍ ପାଇଁ ଆମକୁ କୋଡ଼ିଏ ହଜାରରୁ ତିରିଶ ହଜାର ଟଙ୍କା ପର୍ଯ୍ୟନ୍ତ ଖର୍ଚ୍ଚ କରିବାକୁ ପଡ଼ୁଥିଲା। କିନ୍ତୁ କେବେ ଭାବିଛନ୍ତିକି, ଏବେ ଡିଜିଟାଲାଇଜେସନ୍ ଯୁଗରେ ଆପଣ ଅଳ୍ପ କେତେଟା ଟଙ୍କା ଖର୍ଚ୍ଚକରି ବେଶ୍ ଶସ୍ତା ଏବଂ ସବୁଠୁ ବଢ଼ିଆ ସୁରକ୍ଷା ସିଷ୍ଟମ କିଣିପାରିବେ ବୋଲି? ଏଠି ଆମେ କୌଣସି ପ୍ରଡ଼କ୍ଟର ବିଜ୍ଞାପନ କରୁନାହୁଁ କି କୌଣସି ମାର୍କେଟିଂ କରୁନାହୁଁ। ବାସ୍ ପ୍ରଡ଼କ୍ଟ ଶସ୍ତାରେ କିପରି, ବେଶ୍ ଭଲ ଗୁଣଥିବା ଆପଣଙ୍କର ବଜେଟ୍ରେ ଓ ଆବଶ୍ୟକ ପୂରଣ କରୁଥିବା ଏକ ଦ୍ରବ୍ୟ ବିଷୟରେ ଜଣାଇବାକୁ ଚାହୁଁଛୁ।
ଆଜିକାଲିର ଡିଜିଟାଲାଇଜେସନ୍ ଯୁଗରେ ଆପ୍ ମାଧ୍ୟମରେ ନିୟନ୍ତ୍ରଣ (କଣ୍ଟ୍ରେୋଲ) କରାଯାଇପାରୁଥିବା ଅନେକ ୱାଇଫାଇ ଏନେବଲ୍ଡ ପ୍ରଡକ୍ଟ ଆସିଗଲାଣି ଯାହାକି କେବେଳ ଅଳ୍ପ କେତେଟା ଟଙ୍କାରେ ଆପଣଙ୍କୁ ଟ୍ରାଡ଼ିସ୍ନାଲ୍ ଅଧିକ ଦାମର ପ୍ରଡକ୍ଟଠାରୁ ବହୁଗୁଣରେ ଭଲ ଉପଯୋଗୀ ଦ୍ରବ୍ୟ ଦେଇପାରୁଛି। ଏହି ପରି ଏକ ପ୍ରଡ଼କ୍ଟ ହେଉଛି ୱାଇଫାଇ ଆଧାରିତ ଅଡ଼ିଓ-ଭିଡ଼ିଓ ଟୁ ୱେ କମ୍ୟୁନିକେସନ୍ ସିଷ୍ଟମ ଏଲ୍ଇଡ଼ି ବଲ୍ବ।
ୱାଇଫାଇ ଆଧାରିତ ଅଡ଼ିଓ-ଭିଡ଼ିଓ ଟୁ ୱେ କମ୍ୟୁନିକେସନ୍ ସିଷ୍ଟମ ଏଲ୍ଇଡ଼ି ବଲ୍ବ କ’ଣ ଏବଂ କିପରି କାମ କରେ
ଆପଣଙ୍କ ଘରର ସୁରକ୍ଷା ଆଜିର ଦିନରେ ଅତ୍ୟନ୍ତ ଆବଶ୍ୟକ। ଅପର ପକ୍ଷରେ ଶସ୍ତାରେ ମଧ୍ୟ ଆବଶ୍ୟକ। ପୁଣି ସର୍ବୋକୃଷ୍ଟ ହୋଇଥିବା ମଧ୍ୟ ଆବଶ୍ୟକ। ସବୁଗୁଣ ଥିଲେ ଆହୁରି ଭଲ। ଅର୍ଥାତ୍ ଶସ୍ତା, ସୁନ୍ଦର, ଭଲ, ଉକୃଷ୍ଟ ଏବଂ ମଜଭୁତ ପ୍ରଡକ୍ଟ ଦରକାର। ତେବେ ଆମେ ଉପରୋକ୍ତ ଏହି ଦ୍ରବ୍ୟ ବିଷୟରେ କହିବାକୁ ଯାଉଛୁ। ବିକ୍ରି କରିବାକୁ ନୁହେଁ। ଆପଣ ଅନ୍ଲାଇନ୍ରେ କିମ୍ବା ଅଫ୍ଲାଇନ୍ରେ ବଜାରରୁ କିଣିପାରିବେ। ତେବେ ଏହିପରି ପ୍ରଡ଼କ୍ଟଟି କ’ଣ ଏବଂ ଏହାର ଆବଶ୍ୟକତା କ’ଣ ଏହାର ମୂଲ୍ୟ କେତେ ତାହା ଜାଣନ୍ତୁ।
ଆପଣଙ୍କ ଘରେ ଆପଣ ସୁରକ୍ଷା ଚାହୁଁଛନ୍ତି କି ? କିମ୍ବା ଗୋଟିଏ ସ୍ଥାନରେ ବସି ଅନ୍ୟ ଏକ କୋଠରୀରେ ଥିବା ଅନ୍ୟ ଜଣଙ୍କ ସହ କଥା ହେବାକୁ ଚାହୁଁଛନ୍ତି? କିମ୍ବା ଆପଣଙ୍କ ଦ୍ୱାରକୁ ଆସିଥିବା ଜଣେ ବ୍ୟକ୍ତିଙ୍କ ସହ ଆପଣ ଘର ଭିତରୁ ଜାଣିବାକୁ ଚାହୁଁଛନ୍ତି କିଏ ଆସିଛି ଏବଂ କ’ଣ ଚାହୁଁଛି ବୋଲି। ହୁଏତ ଆପଣଙ୍କର ସୁରକ୍ଷା ସହିତ ଆପଣଙ୍କର ସମୟ ମଧ୍ୟ ଏହି ପ୍ରଡ଼କ୍ଟ ସଂଞ୍ଚୟ କରି ଥାଏ। ବିଭିନ୍ନ ଦୋକାନରେ ମଧ୍ୟ ଏହିପରି ଉପକରଣ ଆବଶ୍ୟକ ହୋଇଥାଏ।
ସୁରକ୍ଷା ପାଇଁ କିମ୍ବା ମାନସିକ ସ୍ତରରେ ନିଶ୍ଚତ ରହିବା ପାଇଁ ଆପଣ ଆପଣ ବିଭିନ୍ନ ବିକଳ୍ପ ବାଛି ପାରିବେ। ତେବେ ରଶ୍ମି ସହିତ କ୍ୟାମେରା ଏହା ସହ ଅଡ଼ିଓ ଭିଡ଼ିଓ ଟୁ-ୱେ ଭିଜୁଆଲ୍ କମୟୁନିକେସନ୍ ସିଷ୍ଟମ ସହିତ ଲାଇଟ୍ ବଲ୍ବ କ୍ୟାମେରା ଏବେ ବଜାରରେ ବହୁ ଶସ୍ତାରେ ପ୍ରାୟ ଏକ ହଜାରରୁ ଆରମ୍ଭ (ବ୍ରାଣ୍ଡେଡ୍ ଭଲ କ୍ୱାଲିଟିର) ମିଳିବାକୁ ଆରମ୍ଭ କଲାଣି।
ଏହି ୱାଇ-ଫାଇ କ୍ୟାମେରା ଏକ ପ୍ରଶସ୍ତ ଆଙ୍ଗେଲ୍ ଲେନ୍ସ ପ୍ରଦାନ କରେ, ଅର୍ଥାତ୍ ଏହା ସମଗ୍ର କୋଠରୀକୁ କଭର କରିପାରେ। ରେକର୍ଡିଂ କ୍ୱିଲିଟି ବହୁତ ଭଲ, ଏବଂ ଯେତେବେଳେ ଉପଯୁକ୍ତ, ଆପଣ ନିର୍ଦ୍ଦିଷ୍ଟତା ଏବଂ କୌଣସି ଚେହେରାକୁ ସହଜରେ ଜାଣିପାରିବେ। କ୍ୟାମେରା ଆଇଆର ଏଲଇଡି ସହିତ ସଜ୍ଜିତ ହୋଇଛି, ଯାହାକି ଆପଣଙ୍କ ରୁମରେ ଥିବା ଲାଇଟ୍ ବନ୍ଦ ହୋଇଗଲେ ମଧ୍ୟ ଏକ ସ୍ୱଚ୍ଛ ଭିଡିଓ କ୍ୟାପଚର କରିବାରେ ସାହାଯ୍ୟ କରିଥାଏ, ଯାହା ଏକ ସୁନ୍ଦର ବୈଶିଷ୍ଟ୍ୟ।
କ୍ୟାମେରା ୱାଇ-ଫାଇ ସହିତ ସଜ୍ଜିତ ଏବଂ ଆପଣଙ୍କ ଘରେ ବେତାର ନେଟୱାର୍କ ସହିତ ସଂଯୁକ୍ତ ହୋଇପାରିବ। ଏହାକୁ ସେଟ୍ ଅପ୍ କରିବା ପାଇଁ ଏହା ଆପଣଙ୍କୁ ଆପ୍ ବ୍ୟବହାର କରିବାକୁ ଅନୁମତି ଦେଇଥାଏ, ଏବଂ ତାପରେ ଆପଣ ଏହାକୁ ନିୟନ୍ତ୍ରଣ କରିପାରିବେ ଏବଂ ସାରା ବିଶ୍ୱରୁ ଫୁଟେଜ୍ ର ଲାଇଭ୍ ଭ୍ୟୁ ପାଇପାରିବେ।
ୱାଇ-ଫାଇ ସହାୟତାରେ ଆପଣଙ୍କ ଘରେ କିମ୍ବା ଅଫିସ୍ରେ କ’ଣ ହେଉଛି ତାହା ଗତିଶୀଳ ହେବା ମାତ୍ରେ କ୍ୟାମେରା ତୁରନ୍ତ ରେକର୍ଡିଂ ଆରମ୍ଭ କରିବ। ଲାଇଭ୍ ଫିଡ୍ ସହିତ ସଂଯୋଗ ହେବ ଏବଂ ତୁରନ୍ତ ଘରେ କ’ଣ ଘଟୁଛି ଦେଖିବା ପାଇଁ ଏହା ଆପଣଙ୍କ ସ୍ମାର୍ଟଫୋନରେ ଯେକୌଣସି ସ୍ଥାନରେ ଦେଖିପାରିବେ। ଏହା ସହିତ ଏହା କୌଣସି ଗତିଶୀଳ ହେଲେ ମଧ୍ୟ ଚେତାବନୀ ଦେବାର ଫିଚର ମଧ୍ୟ କେତେକର ଅଛି ଏଥିପାଇଁ ଆପଣଙ୍କୁ ଉନ୍ନତ ଧରଣର କିଣିବାକୁ ପଡ଼ିବ ଏଥିପାଇଁ ଅଧିକ ଖର୍ଚ୍ଚ କରିବାକୁ ପଡ଼ିବ।
ଏହାର ସଂସ୍ଥାପନ ଏବଂ ବ୍ୟବହାର କରିବା ସହଜ ଅଟେ। ୩୬୦ ଡିଗ୍ରୀ ନୀରିକ୍ଷଣ କରୁଥିବା ଏବଂ ରିମୋଟ ଘୂର୍ଣ୍ଣନର ବୈଶିଷ୍ଠ ସହ କିଛି କ୍ୟାମେରା ବଲ୍ୱ ମଧ୍ୟ ଅଛି ଯାହାକି ଆପଣ ମୋବାଇଲ୍ ଫୋନ୍ ଏବଂ ଟାବଲେଟରେ ପ୍ଲେକ୍ ଅପ୍ସନ୍ ସହିତ ଲାଇଭ୍ ଭିଡିଓ ମନିଟରିଂ କରିପାରିବେ।
