କୋଲକାତା ୨୪-୩ (ଓଡ଼ିଆ ପୁଅ) ପଶ୍ଚିମବଙ୍ଗରେ ଆଜି ଅପରାହ୍ନ ୫ ଟାରୁ ମାର୍ଚ୍ଚ ୩୧ ପର୍ଯ୍ୟନ୍ତ ଲକଡାଉନ୍ ଘୋଷଣା କରାଯାଇଛି। ଭାରତରେ କରୋନାଭାଇରସ୍ ମାମଲା ଦ୍ରୁତ ଗତିରେ ବୃଦ୍ଧି ପାଉଥିବାରୁ ଅନେକ ସହରକୁ ଲକଡାଉନ୍ କରାଯାଇଛି। ଘରୋଇ ବିମାନ ଉଡ଼ାଣ ଉପରେ ପ୍ରତିବନ୍ଧକ ଲଗାଯାଇଛି।
କରୋନାଭାଇରସ୍ ମହାମାରୀ, ଯାହା ୧୬, ୦୦୦ ରୁ ଅଧିକ ଲୋକଙ୍କ ମୁଣ୍ଡ ନେଇସାରିଲାଣି ଏବଂ ବିଶ୍ୱରେ ୩୭୫, ୦୦୦ ରୁ ଅଧିକ ଲୋକଙ୍କୁ ସଂକ୍ରମିତ କରିଛି ସେହି କୋଭିଡ -୧୯ ର ବିସ୍ତାରକୁ ରୋକିବା ପାଇଁ ଦେଶଗୁଡ଼ିକ କଠୋର ପଦକ୍ଷେପ ନେବାକୁ ବାଧ୍ୟ ହେଉଛନ୍ତି। ସାମାଜିକ ଦୂରତାକୁ କାର୍ଯ୍ୟକାରୀ କରିବା ଏବଂ ଦୁଇରୁ ଅଧିକ ଲୋକଙ୍କ ସମାବେଶକୁ ନିଷିଦ୍ଧ କରିବା ପାଇଁ ପ୍ରଧାନମନ୍ତ୍ରୀ ବୋରିସ୍ ଜନସନ ବ୍ରିଟେନରେ ଏକ କଠୋର କର୍ଫ୍ୟୁ ଲଗାଇଛନ୍ତି ଏବଂ ଲୋକଙ୍କୁ କେବଳ ଚାରିଟି ନିର୍ଦ୍ଦିଷ୍ଟ କାରଣରୁ ଘର ଛାଡିବାକୁ ଅନୁମତି ଦେଇଛନ୍ତି।
ଭାରତରେ ଅନେକ ସହର ତାଲାବନ୍ଦ ହୋଇଛି। ଘରୋଇ ବିମାନ ଉଡ଼ାଣ ନିଷେଧ ଏବଂ ୧୦୭ ଟି ଇମିଗ୍ରେସନ ଚେକ୍ ପଏଣ୍ଟରୁ ଆସୁଥିବା ଟ୍ରାଫିକ୍ ବନ୍ଦ କରାଯାଇଛି। ସୋମବାର ସନ୍ଧ୍ୟା ସୁଦ୍ଧା ମୃତ୍ୟୁ ସଂଖ୍ୟା ନଅକୁ ବୃଦ୍ଧି ପାଇଥିବାବେଳେ ଆଜି ମୁମ୍ବାଇରେ ଜଣେ ବୃଦ୍ଧଙ୍କର ମୃତ୍ୟୁ ହୋଇଛି। ପଜିଟିଭ୍ ମାମଲା ୫୦୦ ପାଖାପାଖି ପହଁଚିଛି।
