ad
ଆନ୍ତର୍ଜାତୀୟ

ପ୍ରଧାନମନ୍ତ୍ରୀ ମୋଦି ଏବଂ ଜାପାନ ପ୍ରଧାନମନ୍ତ୍ରୀ ସୁଗା ୟୋଶିହିଦେଙ୍କ ମଧ୍ୟରେ ଟେଲିଫୋନ ବାର୍ତ୍ତାଳାପ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଫୋନ ଯୋଗେ ଜାପାନର ନବ ନିଯୁକ୍ତ ପ୍ରଧାନମନ୍ତ୍ରୀ ସୁଗା ୟୋଶିହିଦେଙ୍କ ସହ କଥାବାର୍ତ୍ତା ହୋଇଛନ୍ତି। ପ୍ରଧାନମନ୍ତ୍ରୀ ପଦରେ ନିଯୁକ୍ତ ହୋଇଥିବାରୁ ସୁଗାଙ୍କୁ ପ୍ରଧାନମନ୍ତ୍ରୀ ମୋଦୀ ଶୁଭେଚ୍ଛା ଜଣାଇବା ସହ ଲକ୍ଷ୍ୟ ହାସଲରେ ସଫଳତା ପାଇଁ ଶୁଭକାମନା ଜଣାଇ ଥିଲେ। ଗତ କିଛି ବର୍ଷ ହେଲା ଭାରତ – ଜାପାନ ମଧ୍ୟରେ ରଣନୀତିକ ଭାଗିଦାରୀ ବେଶ ବୃଦ୍ଧି ପାଇଛି। ପାରସ୍ପରିକ ବିଶ୍ୱାସ ତଥା ଚିନ୍ତାଧାରା ବିନିମୟ ମାଧ୍ୟମରେ ଏହାକୁ ମଜବୁତ କରିବା ଉପରେ ଦୁଇ ନେତା ଗୁରୁତ୍ୱ ଦେଇଥିଲେ।

ଦୁଇ ଦେଶ ମଧ୍ୟରେ ଭାଗିଦାରୀ କୋଭିଡ୍- ୧୯ ମହାମାରୀ ଭଳି ବିଶ୍ୱବ୍ୟାପୀ ଆହ୍ୱାନକୁ ଦୃଷ୍ଟିରେ ରଖି ଅଧିକ ପ୍ରାସଙ୍ଗିକ ବୋଲି ଦୁଇ ନେତା ଏକମତ ହୋଇଥିଲେ। ଅବାଧ, ଖୋଲା ଓ ସମ୍ମିଳିତ ଭାରତ- ପ୍ରଶାନ୍ତ ମହାସାଗରୀୟ ଅଂଚଳର ଆର୍ଥିକ ରୂପରେଖ ନମନୀୟ ଯୋଗାଣ ଶୃଙ୍ଖଳା ଉପରେ ଆଧାରିତ ହେବା ଦରକାର ବୋଲି ଦୁଇ ନେତା ଗୁରୁତ୍ୱ ଦେବା ସହ ଭାରତ, ଜାପାନ ଓ ଅନ୍ୟ ସମାନ ବିଚାରଧାରା ଥିବା ଦେଶ ଗୁଡ଼ିକୁ ସହଯୋଗ ପାଇଁ ଆମନ୍ତ୍ରଣ ଜଣାଇଥିଲେ। ଉଭୟ ନେତା ଦୁଇ ଦେଶର ପ୍ରଗତିଶୀଳ ଅର୍ଥନୈତିକ ଭାଗିଦାରୀକୁ ପ୍ରଶଂସା କରିଥିଲେ ଓ ଏହି ମର୍ମରେ କୁଶଳୀ ଶ୍ରମିକଙ୍କ ସହ ସମ୍ପର୍କିତ ରାଜିନାମାର ବିଷୟ ବସ୍ତୁକୁ ଅନ୍ତିମ ରୂପ ପ୍ରଦାନକୁ ସ୍ୱାଗତ କରିଥିଲେ। କୋଭିଡ- ୧୯ ମହାମାରୀ ଜନିତ ସ୍ଥିତି ସୁଧୁରିବା ପରେ ବାର୍ଷିକ ଦ୍ୱିପାକ୍ଷିକ ଶିଖର ସମ୍ମିଳନୀ ଅବସରରେ ଭାରତ ଗସ୍ତରେ ଆସିବା ପାଇଁ ଜାପାନ ପ୍ରଧାନମନ୍ତ୍ରୀ ସୁଗାଙ୍କୁ ପ୍ରଧାନମନ୍ତ୍ରୀ ମୋଦୀ ଆମନ୍ତ୍ରଣ ଜଣାଇଥିଲେ। /[email protected]

Loading...
ad
Click to comment

Leave a Reply

Your email address will not be published. Required fields are marked *

ବହୁ ଚର୍ଚ୍ଚିତ ଖବର

To Top