Home ଓଡ଼ିଶା ୱେବ୍ ସିରିଜ୍ ‘ମିର୍ଜାପୁର’ ମାମଲାରେ, ଆମାଜନ ପ୍ରାଇମ ଏବଂ ନିର୍ମାତାଙ୍କୁ ନୋଟିସ ଜାରି କଲେ ସୁପ୍ରିମକୋର୍ଟ

ୱେବ୍ ସିରିଜ୍ ‘ମିର୍ଜାପୁର’ ମାମଲାରେ, ଆମାଜନ ପ୍ରାଇମ ଏବଂ ନିର୍ମାତାଙ୍କୁ ନୋଟିସ ଜାରି କଲେ ସୁପ୍ରିମକୋର୍ଟ

56

ନୂଆଦିଲ୍ଲୀ ୨୨-୧ (ଓଡ଼ିଆ ପୁଅ) ୱେବ୍ ସିରିଜ୍ ‘ ମିର୍ଜାପୁର’ ବିରୋଧରେ ଦାଖଲ ହୋଇଥିବା ଏକ ପିଟିସନର ଶୁଣାଣି ବେଳେ ସୁପ୍ରିମକୋର୍ଟ ଆମାଜନ ପ୍ରାଇମ ଏବଂ ସିରିଜର ନିର୍ମାତାଙ୍କୁ ନୋଟିସ ଜାରି କରିଛନ୍ତି। ସମସ୍ତ ଓଟିଟି ପ୍ଲାଟଫର୍ମର ବିଷୟବସ୍ତୁ ଉପରେ ନିୟନ୍ତ୍ରଣ ଲୋଡିଥିବା ଆବେଦନ ସହିତ ଏହି ମାମଲାର ଶୁଣାଣି ହେବ ବୋଲି କୋର୍ଟ କହିଛନ୍ତି। ଏହି ପ୍ରସଙ୍ଗରେ ନୋଟିସ ଜାରି କରାଯାଇଛି।

କୋର୍ଟ କେନ୍ଦ୍ର ସରକାର, ଓଟିଟ ପ୍ଲାଟଫର୍ମ ଆମାଜନ ପ୍ରାଇମ ଏବଂ ସିରିଜର ନିର୍ଦ୍ଦେଶକଙ୍କୁ ନୋଟିସ ଜାରି କରିଛନ୍ତି। ଉତ୍ତରପ୍ରଦେଶର ମିର୍ଜାପୁରର ସୁଜିତ କୁମାର ସିଂ ଏହି ପିଟିସନ ଦାଖଲ କରିଛନ୍ତି। ଆବେଦନରେ ଦର୍ଶାଯାଇଛି ଯେ ୱେବ୍ ସିରିଜ ‘ମିର୍ଜାପୁର’ ର ଉଭୟ ବିଭାଗରେ ସହରର ଭୁଲ ଚିତ୍ର ଦେଖାଯାଇଛି।

ୱେବ୍ ସିରିଜରେ ବ୍ୟବହୃତ ଭାଷାଠାରୁ ଆରମ୍ଭ କରି କାହାଣୀ ପର୍ଯ୍ୟନ୍ତ ଅନେକ ଆପତ୍ତିଜନକ ଜିନିଷ ଅଛି। ଆବେଦନକାରୀଙ୍କ ତରଫରୁ କୁହାଯାଇଛି ଯେ, ଯଦିଓ ଏହି ସିରିଜ୍ ବର୍ତ୍ତମାନ ସମାପ୍ତ ହୋଇଛି କିନ୍ତୁ ଏହା କେବଳ ଏକ ସିରିଜ୍ ନୁହେଁ, ଓଟିଟି ପ୍ଲାଟଫର୍ମରେ କ୍ରମାଗତ ଭାବରେ ପ୍ରଦର୍ଶିତ ହେଉଥିବା ବିଷୟବସ୍ତୁକୁ ନିୟନ୍ତ୍ରଣ କରିବାର ଆବଶ୍ୟକତା ଅଛି।

LEAVE A REPLY

Please enter your comment!
Please enter your name here

Solve this *Time limit exceeded. Please complete the captcha once again.